എരഞ്ഞോളി പുതിയ പാലം റോഡ്​; സ്ഥലമേറ്റെടുപ്പ് പൂർത്തിയായി

ത​ല​ശ്ശേ​രി: എ​ര​ഞ്ഞോ​ളി പു​തി​യ പാ​ല​ത്തി​ന് റോ​ഡ് സൗ​ക​ര്യം ഒ​രു​ക്കാ​നു​ള്ള വ​ഴി​യൊ​രു​ങ്ങു​ന്നു. ഇ​തി​നാ​യി ഏ​താ​നും സ്വ​കാ​ര്യ വ്യ​ക്തി​ക​ളി​ൽ​നി​ന്ന്​ സ​ർ​ക്കാ​ർ വാ​ങ്ങു​ന്ന സ്ഥ​ല​ത്തി‍‍െൻറ രേ​ഖ​ക​ൾ റ​വ​ന്യൂ അ​ധി​കാ​രി​ക​ൾ സ്വീ​ക​രി​ച്ചു. ന​ഷ്​​ട​പ​രി​ഹാ​രം പെ​ട്ടെ​ന്ന് കൈ​മാ​റും. പി​ന്നീ​ട് ഏ​റ്റെ​ടു​ക്കു​ന്ന കെ​ട്ടി​ട​ങ്ങ​ൾ പൊ​ളി​ച്ചു​നീ​ക്കും. ഇ​തി​നാ​യു​ള്ള ലേ​ല​ന​ട​പ​ടി​ക​ൾ​ക്കും തു​ട​ക്ക​മാ​യി​ട്ടു​ണ്ട്. 53 പേ​രു​ടെ കൈ​വ​ശ​ത്തി​ലു​ള്ള 1.76 ഏ​ക്ക​ർ ഭൂ​മി​യാ​ണ് ഇ​പ്പോ​ൾ ഏ​റ്റെ​ടു​ത്ത​ത്. ഇ​തി​ൽ 21 ക​ട​ക​ളും ഒ​രു വീ​ടു​മു​ണ്ട്. ഏ​റ്റെ​ടു​ത്ത കെ​ട്ടി​ട​ത്തി​ൽ ര​ണ്ടു രാ​ഷ്​​ട്രീ​യ പാ​ർ​ട്ടി​ക​ളു​ടെ ഓ​ഫി​സു​ക​ളു​മു​ണ്ട്. എ​ന്നാ​ൽ, ഇ​വ​ക്ക് ന​ഷ്​​ട​പ​രി​ഹാ​രം ല​ഭി​ക്കാ​നി​ട​യി​ല്ല. ലോ​ക​ബാ​ങ്ക് സ​ഹാ​യ​ത്തോ​ടെ കെ.​എ​സ്.​ടി.​പി പ​ദ്ധ​തി​യി​ൽ ന​വീ​ക​രി​ക്കു​ന്ന വ​ള​വു​പാ​റ റോ​ഡി‍‍െൻറ ഭാ​ഗ​മാ​യാ​ണ് എ​ര​ഞ്ഞോ​ളി​പ്പു​ഴ​യി​ൽ പു​തി​യ പാ​ലം പ​ണി​യു​ന്ന​ത്.

2013ലാ​ണ് വ​ള​വു​പാ​റ റോ​ഡ് പ്ര​വൃ​ത്തി തു​ട​ങ്ങി​യ​ത്. സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കാ​ത്ത​തി​നെ തു​ട​ർ​ന്ന് 2015 ഏ​പ്രി​ലി​ൽ ആ​ദ്യ ക​രാ​ർ റ​ദ്ദാ​ക്കി. ര​ണ്ടാ​മ​തും ടെ​ൻ​ഡ​ർ ചെ​യ്​​ത പ്ര​വൃ​ത്തി​ക​ളും ഇ​തു​വ​രെ മു​ഴു​മി​ച്ചി​ട്ടി​ല്ല. എ​ര​ഞ്ഞോ​ളി പു​ഴ​യി​ൽ പ​ണി​യു​ന്ന സ​മാ​ന്ത​ര പാ​ല​ത്തി‍‍െൻറ പ്ര​വൃ​ത്തി​ക​ളും പ​ല​വി​ധ കാ​ര​ണ​ങ്ങ​ളാ​ൽ ഇ​ഴ​യു​ക​യാ​ണ്. തു​ട​ക്ക​ത്തി​ൽ ന​ട​ത്തി​യ നി​ർ​മാ​ണ​പ്ര​വൃ​ത്തി ഇ​ട​ക്കു​വെ​ച്ച് നി​ർ​ത്തേ​ണ്ടി​വ​ന്നി​രു​ന്നു. എ​ര​ഞ്ഞോ​ളി പു​ഴ​യെ ജ​ല​പാ​ത​യാ​യി പ​രി​ഗ​ണി​ച്ച​തി​നെ തു​ട​ർ​ന്ന് ആ​ദ്യം കെ​ട്ടി​യ തൂ​ണു​ക​ളു​ടെ ഉ​യ​രം കൂ​ട്ടേ​ണ്ടി​വ​ന്ന​താ​ണ് ത​ട​സ്സ​മാ​യ​ത്. ഇ​പ്പോ​ൾ പു​ഴ​യി​ലൂ​ടെ ബോ​ട്ട് ക​ട​ന്നു​പോ​കാ​ൻ മ​തി​യാ​യ ത​ര​ത്തി​ലു​ള്ള ഉ​യ​രം കൂ​ട്ടി​യാ​ണ് തൂ​ണു​ക​ൾ പ​ണി​ത​ത്. കോ​വി​ഡ് നി​യ​ന്ത്ര​ണ​ങ്ങ​ൾ വ​ന്ന​തോ​ടെ നി​ർ​മാ​ണ​വും മു​ട​ങ്ങി.

മാ​സ​ങ്ങ​ളാ​യി നി​ല​ച്ച നി​ർ​മാ​ണ​പ്ര​വൃ​ത്തി ഇൗ​യ​ടു​ത്താ​യി പു​ന​രാ​രം​ഭി​ച്ചെ​ങ്കി​ലും കാ​ല​വ​ർ​ഷം ക​ന​ത്ത​തോ​ടെ വീ​ണ്ടും ത​ട​സ്സ​പ്പെ​ട്ടു. പു​തി​യ പാ​ല​ത്തി‍‍െൻറ പു​രോ​ഗ​തി​ക്കാ​യി ക​ഴി​ഞ്ഞ​ദി​വ​സം കെ.​എ​സ്.​ടി.​പി അ​ധി​കൃ​ത​രെ​യും ക​രാ​റു​കാ​ര​നെ​യും വി​ളി​ച്ചു​വ​രു​ത്തി എം.​എ​ൽ.​എ​യു​ടെ സാ​ന്നി​ധ്യ​ത്തി​ൽ ത​ല​ശ്ശേ​രി സ​ബ് ക​ല​ക്​​ട​ർ ഓ​ഫി​സി​ൽ യോ​ഗം ചേ​ർ​ന്നി​രു​ന്നു. മൂ​ന്നു മാ​സ​ത്തി​ന​കം പാ​ലം​പ​ണി പൂ​ർ​ത്തി​യാ​ക്കാ​ൻ ബ​ന്ധ​പ്പെ​ട്ട​വ​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്. എ​ന്നാ​ൽ, നി​ല​വി​ലെ പ്ര​ത്യേ​ക സാ​ഹ​ച​ര്യ​ത്തി​ൽ ഇ​ത് ഇ​നി​യും നീ​ളാ​നാ​ണ് സാ​ധ്യ​ത.