ക​ള്ള​നോ​ട്ടു​ക​ൾ ന​ൽ​കി ലോ​ട്ട​റി ടി​ക്ക​റ്റ് കൈ​ക്ക​ലാ​ക്കി; പൊ​ലീ​സ് അ​ന്വേ​ഷ​ണം തു​ട​ങ്ങി

ത​ല​ശ്ശേ​രി: ക​തി​രൂ​ർ ആ​റാം​മൈ​ലി​ലെ ലോ​ട്ട​റി ക​ട​യി​ൽ​നി​ന്ന് ക​ള്ള​നോ​ട്ടു​ക​ൾ ന​ൽ​കി തി​രു​വോ​ണം ബം​ബ​ർ ടി​ക്ക​റ്റു​ക​ൾ വാ​ങ്ങി​യെ​ന്ന പ​രാ​തി​യി​ൽ ക​തി​രൂ​ർ പൊ​ലീ​സ് അ​ന്വേ​ഷ​ണം തു​ട​ങ്ങി.

ആ​റാം മൈ​ൽ എ​രു​വ​ട്ടി റോ​ഡി​ൽ ബാ​ബു​വി​ന്‍റെ ഉ​ട​മ​സ്ഥ​ത​യി​ലു​ള്ള ത്രീ​സ്റ്റാ​ർ ലോ​ട്ട​റി ഏ​ജ​ൻ​സി​യി​ലാ​ണ് ത​ട്ടി​പ്പ് ന​ട​ന്ന​ത്. ക​ഴി​ഞ്ഞ ദി​വ​സം മൂ​ന്നു മ​ണി​യോ​ടെ ക​ട​യി​ൽ ര​ണ്ട് യു​വാ​ക്ക​ളെ​ത്തി 500 രൂ​പ​യു​ടെ മൂ​ന്നു നോ​ട്ടു​ക​ൾ ന​ൽ​കി 25 കോ​ടി ഒ​ന്നാം സ​മ്മാ​ന​ത്തു​ക​യു​ള്ള ഓ​ണം ബം​ബ​ർ ടി​ക്ക​റ്റു​ക​ൾ വാ​ങ്ങു​ക​യാ​യി​രു​ന്നു.

ഈ ​സ​മ​യം ജീ​വ​ന​ക്കാ​രി​യാ​യ പൊ​ന്ന്യം വെ​സ്റ്റ് മ​ലാ​ലി​ലെ ക​റു​വാ​ക്ക​ണ്ടി റീ​ത്ത മാ​ത്ര​മാ​ണ് ക​ട​യി​ലു​ണ്ടാ​യി​രു​ന്ന​ത്. വൈ​കീ​ട്ട് ബാ​ബു എ​ത്തി​യ​പ്പോ​ഴാ​ണ് 500 രൂ​പ നോ​ട്ടു​ക​ളി​ൽ പ​ന്തി​കേ​ടു​ള്ള​താ​യി തോ​ന്നി​യ​ത്. കൂ​ടു​ത​ൽ പ​രി​ശോ​ധി​ച്ച​പ്പോ​ൾ ഒ​രേ ന​മ്പ​റു​ക​ളി​ലു​ള്ള ക​ള്ള​നോ​ട്ടു​ക​ളാ​ണെ​ന്ന് വ്യ​ക്ത​മാ​യി. ഉ​ട​ൻ ക​തി​രൂ​ർ പൊ​ലീ​സി​ൽ പ​രാ​തി ന​ൽ​കി. സ​മീ​പ​ത്തെ സി.​സി. ടി.​വി​ക​ൾ കേ​ന്ദ്രീ​ക​രി​ച്ച് പ്ര​തി​ക​ളെ ക​ണ്ടെ​ത്താ​നു​ള്ള ഊ​ർ​ജി​ത ശ്ര​മ​ത്തി​ലാ​ണ് പൊ​ലീ​സ്.