ജീജിത്ത് മനേക്കരക്കാർക്ക് ഇനി കണ്ണീരോർമ

ത​ല​ശ്ശേ​രി: ട്രെ​യി​ൻത​ട്ടി മ​രി​ച്ച സ്വ​കാ​ര്യ ബ​സ് ഡ്രൈ​വ​ർ പ​ന്ന്യ​ന്നൂ​ർ മ​നേ​ക്ക​ര സ്വ​ദേ​ശി പു​തി​യ വീ​ട്ടി​ൽ കെ. ​ജീ​ജി​ത്തി​ന് (43) ക​ണ്ണീ​രി​ൽ കു​തി​ർ​ന്ന യാ​ത്രാ​മൊ​ഴി. പ​രി​യാ​രം ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ​നി​ന്ന് പോ​സ്റ്റ്മോ​ർ​ട്ട​ത്തി​ന് ശേ​ഷം ഞാ​യ​റാ​ഴ്ച വൈ​കീ​ട്ട് അ​ഞ്ചി​നാ​ണ് മൃ​ത​ദേ​ഹം മ​നേ​ക്ക​ര കൈ​ര​ളി വാ​യ​ന​ശാ​ല​ക്ക​ടു​ത്ത വീ​ട്ടി​ലെ​ത്തി​ച്ച​ത്.

പൊ​തു​ദ​ർ​ശ​ന​ത്തി​ന് ശേ​ഷം നൂ​റുക​ണ​ക്കി​നാ​ളു​ക​ളു​ടെ സാ​ന്നി​ധ്യ​ത്തി​ൽ വീ​ട്ടു​വ​ള​പ്പി​ൽ സം​സ്കാ​രം ന​ട​ത്തി. പാ​നൂ​ർ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് എ. ​ശൈ​ല​ജ, പ​ന്ന്യ​ന്നൂ​ർ പ​ഞ്ചാ​യ​ത്ത് പ്ര​സി​ഡ​ന്റ് സി.​കെ. അ​ശോ​ക​ൻ, ബി.​ജെ.​പി ജി​ല്ല പ്ര​സി​ഡ​ന്റ് എ​ൻ. ഹ​രി​ദാ​സ​ൻ, ത​ല​ശ്ശേ​രി പ്രൈ​വ​റ്റ് ബ​സ് ഓ​പ​റേ​റ്റേ​ഴ്സ് അ​സോ​സി​യേ​ഷ​ൻ പ്ര​സി​ഡ​ന്റ് കെ. ​വേ​ലാ​യു​ധ​ൻ തു​ട​ങ്ങി നൂ​റുക​ണ​ക്കി​നാ​ളു​ക​ൾ അ​ന്ത്യോ​പ​ചാ​ര​മ​ർ​പ്പി​ക്കാ​നെ​ത്തി.

ശ​നി​യാ​ഴ്ച ത​ല​ശ്ശേ​രി ജ​ന​റ​ൽ ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ച മൃ​ത​ദേ​ഹം ഞാ​യ​റാ​ഴ്ച രാ​വി​ലെ പോ​സ്റ്റ് മോ​ർ​ട്ട​ത്തി​നാ​യി പ​രി​യാ​ര​ത്തേ​ക്ക് കൊ​ണ്ടു​പോ​വു​ക​യാ​യി​രു​ന്നു. നാ​ട്ടു​കാ​രും ബ​ന്ധു​ക്ക​ളും മ​ര​ണ​ത്തി​ൽ സം​ശ​യം പ്ര​ക​ടി​പ്പി​ച്ച​തി​നാ​ലാ​ണി​ത്. ത​ല​ശ്ശേ​രി -വ​ട​ക​ര റൂ​ട്ടി​ലെ ഭ​ഗ​വ​തി ബ​സി​ലെ ഡ്രൈ​വ​റാ​ണ് ജീ​ജി​ത്ത്. ശ​നി​യാ​ഴ്ച വൈ​കീ​ട്ട് 6.15 ന് ​പു​ന്നോ​ൽ പെ​ട്ടി​പ്പാ​ല​ത്ത് ഈ ​ബ​സ് ത​ട്ടി വ​ഴി യാ​ത്ര​ക്കാ​ര​നാ​യ മു​നീ​റി​ന് പ​രി​ക്കേ​റ്റു. അ​പ​ക​ട​മു​ണ്ടാ​യ ഉ​ട​ൻ ത​ദ്ദേ​ശ​വാ​സി​ക​ൾ ഓ​ടി​യെ​ത്തി.

ജ​ന​ക്കൂ​ട്ട​ത്തി​ന്റെ ആക്ര​മണം ഭ​യ​ന്ന് റെ​യി​ൽ​വേ ട്രാ​ക്കി​ലേ​ക്ക് ഓ​ടി​ക്ക​യ​റി​യ ജീ​ജി​ത്ത് കോ​ഴി​ക്കോ​ട് ഭാ​ഗ​ത്തേ​ക്ക് പോ​വു​ക​യാ​യി​രു​ന്ന മെ​മു ട്രെ​യി​നി​ടി​ച്ച് ത​ൽ​ക്ഷ​ണം മ​രി​ക്കു​ക​യാ​യി​രു​ന്നു. മ​ര​ണ​ത്തി​ൽ സം​ശ​യ​മു​ണ്ടെ​ന്ന് ആ​രോ​പി​ച്ച് ജീ​ജി​ത്തി​ന്റെ ബ​ന്ധു​ക്ക​ളും നാ​ട്ടു​കാ​രും ബ​സ് ജീ​വ​ന​ക്കാ​രും രം​ഗ​ത്തെ​ത്തി.

സ​മ​ഗ്ര​മാ​യ അ​ന്വേ​ഷ​ണം വേ​ണ​മെ​ന്നും ജീ​ജി​ത്തി​നെ ആക്ര​മി​ച്ച​വ​ർ​ക്കെ​തി​രെ ശി​ക്ഷ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നു​മാ​ണ് ആ​വ​ശ്യം. ദുഃഖസൂ​ച​ക​മാ​യി ഞാ​യ​റാ​ഴ്ച ത​ല​ശ്ശേ​രി - വ​ട​ക​ര റൂ​ട്ടി​ൽ സ്വ​കാ​ര്യ ബ​സു​ക​ൾ സ​ർ​വിസ് നി​ർ​ത്തി​വെ​ച്ചു. പ​രേ​ത​രാ​യ വാ​സു​വി​ന്റെ​യും ന​ളി​നി​യു​ടെ​യും മ​ക​നാ​ണ് ജീ​ജി​ത്ത്. ഭാ​ര്യ: തു​ള​സി. മ​ക്ക​ൾ: അ​ൻ​സി​ന, പ​രേ​ത​യാ​യ നി​ഹ.

ന​ടു​ക്കംമാ​റാ​തെ നാ​ട്ടു​കാ​ർ

സ്വ​കാ​ര്യ ബ​സ് ഡ്രൈ​വ​ർ ജീ​ജി​ത്തി​ന്റെ അ​പ​ക​ടമ​ര​ണ​ത്തി​ൽ വി​റ​ങ്ങ​ലി​ച്ച് മ​നേ​ക്ക​ര ഗ്രാ​മം. റോ​ഡ​പ​ക​ട​ത്തി​ല്‍ വ​ഴി​യാ​ത്രി​ക​ന് പ​രി​ക്കേ​ല്‍ക്കാ​നി​ട​യാ​ക്കി​യ സം​ഭ​വ​ത്തി​ല്‍ ദേ​ഹോ​പ​ദ്ര​വം ഭ​യ​ന്ന് ഓ​ടി​യ ഡ്രൈ​വ​ര്‍ ജീ​ജി​ത്ത് ട്രെ​യി​ൻ ത​ട്ടി മ​രി​ച്ച സം​ഭ​വ​ത്തി​ന്റെ ന​ടു​ക്ക​ത്തി​ലാ​ണ് നാ​ട്ടു​കാ​ർ.

ശ​നി​യാ​ഴ്ച വൈ​കീ​ട്ട് 6.15ന് ​പു​ന്നോ​ൽ പെ​ട്ടി​പ്പാ​ലം ദേ​ശീ​യ​പാ​ത​യി​ലാ​ണ് ദാ​രു​ണ​മാ​യ സം​ഭ​വം. ബ​സ് ഡ്രൈ​വ​ർ ജീ​ജി​ത്ത് ഭ​യ​ന്ന് ഓ​ടി​ക്ക​യ​റി​യ​ത് മ​ര​ണ​ത്തി​ലേ​ക്കാ​യി​രു​ന്നു. പെ​ട്ടി​പ്പാ​ലം പ​ഴ​യ ക​ള്ളു​ഷാ​പ്പി​ന് സ​മീ​പ​മാ​ണ് ത​ല​ശ്ശേ​രി-​വ​ട​ക​ര റൂ​ട്ടി​ലോ​ടു​ന്ന ബ​സ് കാ​ല്‍ന​ട യാ​ത്ര​ക്കാ​ര​നാ​യ മു​നീ​റി​നെ ഇ​ടി​ച്ച​ത്.

മ​ത്സ്യ​ത്തൊ​ഴി​ലാ​ളി​യാ​യ മു​നീ​റി​ന് ബ​സി​ടി​ച്ച് പ​രി​ക്കേ​റ്റ​തോ​ടെ ഓ​ടി​ക്കൂ​ടി​യ നാ​ട്ടു​കാ​ർ ബ​സ് ത​ട​യു​ക​യും അ​ക്ര​മാ​സ​ക്ത​രാ​വു​ക​യും ചെ​യ്തു. ബ​സി​ൽ നി​ന്നി​റ​ങ്ങി ഓ​ടി​യ ജീ​ജി​ത്തി​ന് പി​ന്നാ​ലെ ആ​ളു​ക​ൾ ഓ​ടു​ന്ന​തും പി​ടി​ച്ചു​വെ​ച്ച് ത​ല്ലാ​ൻ ഓ​ങ്ങു​ന്ന​തും സി.​സി.​ടി.​വി ദൃ​ശ്യ​ങ്ങ​ളി​ൽ കാ​ണാ​നു​ണ്ട്.

ഈ ​ദൃ​ശ്യം സ​മൂ​ഹ മാ​ധ്യ​മ​ങ്ങ​ളി​ലൂ​ടെ വ്യാ​പ​ക​മാ​യി പ്ര​ച​രി​ച്ചു. ര​ക്ഷ​പ്പെ​ടാ​നാ​യി റെ​യി​ൽ​പാ​ള​ത്തി​ലൂ​ടെ ഓ​ടു​മ്പോ​ഴാ​ണ് ജീ​ജി​ത്തി​നെ ട്രെ​യി​നി​ടി​ച്ച​ത്.

സം​ഭ​വ സ്ഥ​ല​ത്ത് വെ​ച്ചുത​ന്നെ ഇ​യാ​ൾ മ​രി​ച്ചു. റോ​ഡി​ന്റെ ഒ​രു ഭാ​ഗ​ത്ത് പെ​ട്ടി​പ്പാ​ലം കോ​ള​നി​യും മ​റു​ഭാ​ഗ​ത്ത് റെ​യി​ല്‍പാള​വു​മാ​ണ്. പി​റ​കി​ല്‍ ആ​ളു​ക​ള്‍ പി​ന്തു​ട​രു​ന്നു​ണ്ടോ​യെ​ന്ന് തി​രി​ഞ്ഞു നോ​ക്കി​യാ​വ​ണം ജീ​ജി​ത്ത് റെ​യി​ല്‍പാളം മു​റി​ച്ചു​ക​ട​ന്ന​ത്. റോ​ഡും റെ​യി​ല്‍വേ ട്രാ​ക്കും സ​മാ​ന്ത​ര​മാ​യി കി​ട​ക്കു​ന്ന സ്ഥ​ല​ത്താ​ണ് അ​പ​ക​ട​മു​ണ്ടാ​യ​ത്.

ജീജി​ത്ത് 20 വ​ര്‍ഷ​ത്തി​ലേ​റെ​യാ​യി ബ​സ് ഡ്രൈ​വ​റാ​യി ജോ​ലി ചെ​യ്യു​ക​യാ​യി​രു​ന്നു. ബ​സ് പി​ന്നീ​ട് പൊ​ലീ​സ് സ്റ്റേ​ഷ​നി​ലേ​ക്ക് മാ​റ്റി. അ​പ​ക​ട​ത്തി​ല്‍ പ​രി​ക്കേ​റ്റ മു​നീ​ര്‍ ത​ല​ശ്ശേ​രി സ​ഹ​ക​ര​ണ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. ബ​സി​ലെ ക​ണ്ട​ക്ട​ര്‍ക്കും ക്ലീ​ന​ര്‍ക്കും മ​ര്‍ദ​ന​മേ​റ്റ​താ​യി ദൃ​ക്സാ​ക്ഷി​ക​ള്‍ പ​റ​യു​ന്നു. സ​മീ​പ​ത്ത് വാ​ഹ​ന​പ​രി​ശോ​ധ​ന ന​ട​ത്തു​ക​യാ​യി​രു​ന്ന പൊ​ലീ​സാ​ണ് ഇ​വ​രെ ആ​ള്‍ക്കൂ​ട്ട​ത്തി​ല്‍നി​ന്ന് ര​ക്ഷി​ച്ച​ത്.