കണ്ണൂർ കെ.എസ്.ആർ.ടി.സി സ്റ്റാൻഡിലെ കൊലപാതകം: ഒന്നാം പ്രതി കുറ്റക്കാരൻ

ത​ല​ശ്ശേ​രി: ക​ണ്ണൂ​ർ കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ൽവെ​ച്ച് തോ​ന്ന​ക്ക​ൽ സ്വ​ദേ​ശി​യെ കൊ​ല​പ്പെ​ടു​ത്തു​ക​യും ത​ട​യാ​ൻ ശ്ര​മി​ച്ച ബ​സ് ജീ​വ​ന​ക്കാ​ര​നെ കൊ​ല്ലാ​ൻ ശ്ര​മി​ക്കു​ക​യും ചെ​യ്ത കേ​സി​ൽ ഒ​ന്നാം പ്ര​തി കു​റ്റ​ക്കാ​ര​നാ​ണെ​ന്ന് കോ​ട​തി വി​ധി​ച്ചു. പ്ര​തി​ക്കു​ള്ള ശി​ക്ഷ ജി​ല്ല സെ​ഷ​ൻ​സ് ജ​ഡ്ജ് കെ.​ടി. നി​സാ​ർ അ​ഹ​മ്മ​ദ് തി​ങ്ക​ളാ​ഴ്ച പ്ര​ഖ്യാ​പി​ക്കും. ചേ​ലോ​റ മു​ണ്ട​യാ​ട്ടെ പ​ന​ക്ക​ൽ വീ​ട്ടി​ൽ പി. ​ഹ​രി​ഹ​ര​നാ​ണ് (48) പ്ര​തി. കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡി​ലെ കം​ഫ​ർ​ട്ട് സ്റ്റേ​ഷ​ൻ സെ​ക്യൂ​രി​റ്റി ജീ​വ​ന​ക്കാ​ര​നാ​യ തി​രു​വ​ന​ന്ത​പു​രം തോ​ന്ന​ക്ക​ൽ വെ​റ്റു​വി​ള പി.​എ​സ് ഭ​വ​നി​ൽ സു​നി​ൽ​കു​മാ​റാ​ണ് (35) കൊ​ല്ല​പ്പെ​ട്ട​ത്. ബ​സ് ജീ​വ​ന​ക്കാ​ര​നാ​യ അ​ഴീ​ക്കോ​ട് ക​ച്ചേ​രി പോ​ത്താ​ടി വീ​ട്ടി​ൽ പി. ​വി​നോ​ദ് കു​മാ​റാ​ണ് (52) വ​ധശ്ര​മ​ത്തി​നി​ര​യാ​യ​ത്.

2017 ജ​നു​വ​രി 24 ന് ​രാ​ത്രി​യാ​ണ് കേ​സി​നാ​സ്പ​ദ​മാ​യ സം​ഭ​വം. തു​ണി​യി​ൽ ക​രി​ക്ക് കെ​ട്ടി​യാ​യി​രു​ന്നു ആ​ക്ര​മ​ണം. സം​ഭ​വ​ത്തി​ന്റെ ര​ണ്ട് ദി​വ​സം മു​മ്പ് പ്ര​തി​ക​ളു​മാ​യി വാക്കുത​ർ​ക്കം ന​ട​ന്നി​രു​ന്നു. ഇ​താ​ണ് കൊ​ല​ക്ക് കാ​ര​ണ​മാ​യി സൂ​ചി​പ്പി​ക്കു​ന്ന​ത്. മം​ഗ​ളൂ​രു സ്വ​ദേ​ശി ബി.​കെ. അ​ബ്ദു​ള്ള​യും (47) പ്ര​തി​യാ​ണ്. വി​ചാ​ര​ണ​ക്കി​ട​യി​ൽ മു​ങ്ങി​യ അ​ബ്ദു​ല്ല​യു​ടെ കേ​സ് പി​ന്നീ​ട് പ​രി​ഗ​ണി​ക്കും. പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ.​കെ.​അ​ജി​ത് കു​മാ​റാ​ണ് പ്രോ​സി​ക്യൂ​ഷ​നുവേ​ണ്ടി വാ​ദി​ച്ച​ത്.