തലശ്ശേരി ജൂബിലി കോംപ്ലക്സിൽ ചോർച്ചക്ക് ശമനമില്ല

ത​ല​ശ്ശേ​രി: പ​ഴ​യ ബ​സ് സ്റ്റാ​ൻ​ഡ് ജൂ​ബി​ലി ഷോ​പ്പി​ങ് കോം​പ്ല​ക്സി​ൽ ഓ​ഫി​സു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലും നി​ല​ക്കാ​ത്ത ചോ​ർ​ച്ച. മ​ഴ​ക്ക് ശ​ക്തി കൂ​ടു​മ്പോ​ൾ ചോ​ർ​ച്ച​യു​ടെ വ്യാ​പ്തി​യും ഉ​യ​രു​ക​യാ​ണ്. ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള ഈ ​കോ​ൺ​ക്രീ​റ്റ് കെ​ട്ടി​ടം ഇ​പ്പോ​ൾ ത​ക​ർ​ച്ച​യെ അ​ഭി​മു​ഖീ​ക​രി​ക്കു​ക​യാ​ണ്. ഒ​രു ഭാ​ഗ​ത്ത് ചോ​ർ​ച്ച ശ​ക്ത​മാ​വു​മ്പോ​ൾ മ​റു​ഭാ​ഗ​ത്ത് കെ​ട്ടി​ട​ത്തി​ന്റെ സീ​ലി​ങ്ങി​ലെ സി​മ​ന്റ് പാ​ളി​ക​ൾ പൊ​ളി​ഞ്ഞു വീ​ഴു​ന്ന സ്ഥി​തി​യാ​ണ്. ഭാ​ഗ്യം കൊ​ണ്ടു മാ​ത്ര​മാ​ണ് പ​ല​രും അ​പ​ക​ട​ത്തി​ൽ നി​ന്ന് ര​ക്ഷ​പ്പെ​ടു​ന്ന​ത്. മു​ക​ളി​ലെ​യും താ​ഴെ നി​ല​യി​ലെ​യും സീ​ലി​ങ്ങി​ൽ സി​മ​ന്റ് പാ​ളി​ക​ൾ പ​ല ഭാ​ഗ​ത്താ​യി ഇ​തി​ന​കം പൊ​ളി​ഞ്ഞു​വീ​ണി​ട്ടു​ണ്ട്.

വ്യാ​പാ​രി​ക​ൾ സ്വ​ന്തം ചെ​ല​വി​ൽ ത​ന്നെ ഇ​തി​ന് പ​രി​ഹാ​രം കാ​ണ​ണ​മെ​ന്ന​താ​ണ് അ​വ​സ്ഥ. ക​ഴി​ഞ്ഞ ദി​വ​സം താ​ഴെ നി​ല​യി​ലെ ക​ല്യാ​ണി മെ​ഡി​ക്ക​ൽ ഷോ​പ്പി​ന്റെ സീ​ലി​ങ് ഉ​ൾ​പ്പെ​ടെ ത​ക​ർ​ന്നു വീ​ണു. ക​ന​ത്ത മ​ഴ​യി​ൽ കോം​പ്ല​ക്സി​ന്റെ പ​ല ഭാ​ഗ​ങ്ങ​ളും ചോ​ർ​ന്നൊ​ലി​ക്കു​ക​യാ​ണ്. കെ​ട്ടി​ട​ത്തി​ന്റെ ര​ണ്ടാം നി​ല​യി​ലാ​ണ് ചോ​ർ​ച്ച രൂ​ക്ഷ​മാ​യി​ട്ടു​ള്ള​ത്. പ്ര​സ് ഫോ​റം, ലൈ​ബ്ര​റി കൗ​ൺ​സി​ൽ ഹാ​ൾ ഉ​ൾ​പ്പെ​ടെ ദി​വ​സ​ങ്ങ​ളാ​യി ചോ​ർ​ന്നൊ​ലി​ക്കു​ക​യാ​ണ്. ചോ​ർ​ച്ച ഒ​ഴി​വാ​ക്കാ​ൻ ല​ക്ഷ​ങ്ങ​ൾ മു​ട​ക്കി മു​ക​ളി​ൽ ഷീ​റ്റ് പാ​കി​യെ​ങ്കി​ലും കാ​ല​വ​ർ​ഷ​മാ​വു​മ്പോ​ൾ ചോ​ർ​ച്ച​ക്ക് യാ​തൊ​രു കു​റ​വു​മി​ല്ല. ചാ​ക്കു​ക​ൾ വി​രി​ച്ചും ബ​ക്ക​റ്റു​ക​ളി​ലും മ​റ്റും ചോ​ർ​ന്നൊ​ലി​ക്കു​ന്ന വെ​ള്ളം ശേ​ഖ​രി​ച്ച് പു​റ​ത്ത് ക​ള​യേ​ണ്ട സ്ഥി​തി​യി​ലാ​ണ്. താ​ഴ​ത്തെ നി​ല​യി​ലും സ്ഥി​തി സ​മാ​ന​മാ​ണ്. വി​ഷ​യം നി​ര​വ​ധി​ത​വ​ണ ന​ഗ​ര​സ​ഭ അ​ധി​കൃ​ത​രു​ടെ ശ്ര​ദ്ധ​യി​ൽ​പ്പെ​ടു​ത്തി​യെ​ങ്കി​ലും ശാ​ശ്വ​ത പ​രി​ഹാ​രം ഉ​ണ്ടാ​യി​ല്ലെ​ന്നാ​ണ് വ്യാ​പാ​രി​ക​ളു​ടെ ആ​ക്ഷേ​പം.