ബ്രൗൺഷുഗറുമായി ഒരാൾ പിടിയിൽ
text_fieldsപ്രതി നവാസ്
തലശ്ശേരി: ബ്രൗൺ ഷുഗറുമായി യുവാവ് പൊലീസ് പിടിയിൽ. കതിരൂർ എരുവട്ടി സ്വദേശി ചാലിൽ പുത്തൻപുരയിൽ നവാസാണ് (42) പിടിയിലായത്. നാല് ഗ്രാം ബ്രൗൺ ഷുഗർ ഇയാളിൽ നിന്നും കണ്ടെടുത്തു. തലശ്ശേരി മെയിൻ റോഡിനടുത്ത് നിന്നാണ് ഇയാളെ കസ്റ്റഡിയിലെടുത്തത്.
ചോദ്യം ചെയ്യലിന് ശേഷം അറസ്റ്റ് രേഖപ്പെടുത്തി. തലശ്ശേരി നഗരത്തിലും തീരപ്രദേശങ്ങളിലും ലഹരിവിൽപന വ്യാപകമാണ്. തലശ്ശേരിയിലും പരിസര പ്രദേശങ്ങളിലും സ്ഥിരമായി ബ്രൗൺ ഷുഗറുൾപ്പെടെയുള്ള ലഹരിവസ്തുക്കൾ വിൽപന നടത്തുന്ന ചങ്ങലയിലെ കണ്ണിയാണ് നവാസെന്ന് പൊലീസ് പറഞ്ഞു. തലശ്ശേരി ഇൻസ്പെക്ടർ എം. അനിലും എസ്.ഐ സജേഷും ചേർന്നാണ് നവാസിനെ കസ്റ്റഡിയിലെടുത്തത്.
വരും ദിവസങ്ങളിലും നിരീക്ഷണം ശക്തമാക്കുമെന്ന് പൊലീസ് പറഞ്ഞു. സി.പി.ഒമാരായ ജിജേഷ് കോപ്പായി, അനിൽ ആന്റണി, സിജിൻ, ഹിരൺ എന്നിവരും പിടികൂടിയ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.