പെട്ടിപ്പാലം സമരം ഭരണാധികാരികളെ പാഠം പഠിപ്പിച്ചു -സി.ആർ. നീലകണ്ഠൻ

പു​ന്നോ​ൽ: ഗ്രാ​മ​ങ്ങ​ളു​ടെ നെ​ഞ്ചി​ലേ​ക്ക് മാ​ലി​ന്യം ത​ള്ളി മാ​ലി​ന്യ​സം​സ്ക​ര​ണ​മെ​ന്ന പ്രാ​ഥ​മി​ക ഉ​ത്ത​ര​വാ​ദി​ത്ത​ത്തി​ൽ​നി​ന്ന് ഒ​ഴി​ഞ്ഞു​മാ​റു​ന്ന ഭ​ര​ണാ​ധി​കാ​രി​ക​ളെ പാ​ഠം പ​ഠി​പ്പി​ച്ച ജ​ന​കീ​യ മു​ന്നേ​റ്റ​മാ​യി​രു​ന്നു പെ​ട്ടി​പ്പാ​ലം സ​മ​ര​മെ​ന്ന് പ​രി​സ്ഥി​തി പ്ര​വ​ർ​ത്ത​ക​ൻ സി.​ആ​ർ. നീ​ല​ക​ണ്ഠ​ൻ. പെ​ട്ടി​പ്പാ​ലം സ​മ​ര വി​ജ​യ​ത്തി​ന്റെ പ​ത്താം വാ​ർ​ഷി​ക​സം​ഗ​മ​ത്തി​ൽ മു​ഖ്യ​പ്ര​ഭാ​ഷ​ണം ന​ട​ത്തു​ക​യാ​യി​രു​ന്നു അ​ദ്ദേ​ഹം. പെ​ട്ടി​പ്പാ​ലം സ​മ​രം സ​മാ​ന​മാ​യ നി​ര​വ​ധി ജ​ന​കീ​യ​മു​ന്നേ​റ്റ​ങ്ങ​ൾ​ക്ക് പ്ര​ചോ​ദ​ന​മാ​യെ​ന്നും അ​ദ്ദേ​ഹം പ​റ​ഞ്ഞു.

ഒ​രു​ദി​വ​സം പോ​ലും മാ​ലി​ന്യം ത​ള്ളു​ന്ന​ത് തു​ട​രാ​ൻ അ​നു​വ​ദി​ക്കി​ല്ലെ​ന്ന പെ​ട്ടി​പ്പാ​ലം സ​മ​ര​സ​മി​തി​ക​ളു​ടെ നി​ശ്ച​യ​ദാ​ർ​ഢ്യ​മാ​ണ് സ​മ​ര​ത്തെ സ​മ്പൂ​ർ​ണ വി​ജ​യ​ത്തി​ലെ​ത്തി​ച്ച​തെ​ന്നും ഇ​ത് ജ​ന​കീ​യ മു​ന്നേ​റ്റ​ങ്ങ​ൾ​ക്ക് മാ​തൃ​ക​യാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി. കേ​ന്ദീ​കൃ​ത മാ​ലി​ന്യ സം​സ്ക​ര​ണ പ​ദ്ധ​തി​ക​ൾ അ​പ്രാ​യോ​ഗി​ക​വും അ​ഴി​മ​തി​ക്കു​ള്ള മ​റ​യും മാ​ത്ര​മാ​ണ്. പൊ​തു​ജ​നാ​രോ​ഗ്യ സം​ര​ക്ഷ​ണ​സ​മി​തി ജ​ന​റ​ൽ ക​ൺ​വീ​ന​ർ പി.​എം. അ​ബ്ദു​ൽ​നാ​സി​ർ അ​ധ്യ​ക്ഷ​ത വ​ഹി​ച്ചു.

വാ​ർ​ഡ് അം​ഗം ശ​ഹ​ദി​യ മ​ധു​രി​മ, സി.​ആ​ർ. റ​സാ​ക്ക്, എ​ൻ.​വി. അ​ജ​യ​കു​മാ​ർ, ജ​ബീ​ന ഇ​ർ​ഷാ​ദ്, മ​ധു ക​ക്കാ​ട്, സി​ദ്ദീ​ഖ് സ​ന, റ​സി​യ ല​ത്തീ​ഫ്, എ.​പി. അ​ജ്മ​ൽ, സ​ജ്ജാ​ദ് അ​ഹ്മ​ദ്‌ എ​ന്നി​വ​ർ സം​സാ​രി​ച്ചു. 10 വ​ർ​ഷം മു​മ്പ് സ​മ​ര​ത്തി​ൽ പ​ങ്കെ​ടു​ത്ത​വ​രി​ൽ മി​ക്ക​വ​രും സം​ഗ​മ​ത്തി​ൽ സം​ബ​ന്ധി​ച്ചു. പ്രാ​യാ​ധി​ക്യം​കൊ​ണ്ട് പ്ര​യാ​സം അ​നു​ഭ​വി​ക്കു​ന്ന​വ​രു​ൾ​പ്പെ​ടെ ഉ​ള്ള​വ​രു​ടെ സാ​ന്നി​ധ്യം ആ​വേ​ശ​ക​ര​മാ​യി. സ​മ​രാ​വേ​ശം നി​ല​നി​ർ​ത്തു​മെ​ന്നും കെ-​റെ​യി​ൽ ഉ​ൾ​പ്പെ​ടെ ഒ​രു ജ​ന​വി​രു​ദ്ധ പ​ദ്ധ​തി​യും പ്ര​ദേ​ശ​ത്ത് അ​നു​വ​ദി​ക്കി​ല്ലെ​ന്നു​മു​ള്ള പ്ര​തി​ജ്ഞ ഉ​ൾ​ക്കൊ​ണ്ടാ​ണ് അ​വ​ർ മ​ട​ങ്ങി​യ​ത്. സി.​പി. അ​ഷ​റ​ഫ് സ്വാ​ഗ​ത​വും എ.​പി. അ​ർ​ഷാ​ദ് ന​ന്ദി​യും പ​റ​ഞ്ഞു.