സ​ർ​വി​സ് റോ​ഡു​ക​ൾ അ​നിശ്ചി​തമായി അടച്ചിട്ടു; വ​ല​ഞ്ഞ് ജ​ന​ങ്ങ​ൾ

ത​ല​ശ്ശേ​രി: മു​ഴ​പ്പി​ല​ങ്ങാ​ട് -മാ​ഹി ബൈ​പാ​സി​ലേ​ക്കു​ള്ള സ​ർ​വി​സ് റോ​ഡു​ക​ൾ അ​ട​ച്ചി​ട്ട​തി​ൽ വ​ല​ഞ്ഞ് ജ​ന​ങ്ങ​ൾ. നാ​ല് മാ​സം മു​മ്പാ​ണ് ബൈ​പാ​സ് റോ​ഡ് തു​റ​ന്ന​ത്. എ​ന്നാ​ൽ ബൈ​പാ​സി​ലേ​ക്കു​ള്ള സ​ർ​വി​സ് റോ​ഡു​ക​ൾ പ​ല​യി​ട​ത്തും ത​ക​ർ​ന്നു. അ​റ്റ​കു​റ്റ​പ​ണി​ക​ൾ​ക്കാ​യാ​ണ് സ​ർ​വി​സ് റോ​ഡു​ക​ൾ അ​ട​ച്ചി​ട്ട​ത്. ചോ​നാ​ടം ഭാ​ഗ​ത്ത്‌ നി​ന്നും കൊ​ള​ശ്ശേ​രി​യി​ലേ​ക്കു​ള്ള സ​ർ​വി​സ് റോ​ഡി​ൽ വൈ​ദ്യു​തി ട്രാ​ൻ​സ്‌​ഫോ​മ​ർ റോ​ഡി​ലേ​ക്ക് ത​ള്ളി നി​ൽ​ക്കു​ക​യാ​ണ്. ഇ​ടു​ങ്ങി​യ റോ​ഡാ​യ​തി​നാ​ൽ വ​ലി​യ വാ​ഹ​ന​ങ്ങ​ൾ ഇ​വി​ടെ കു​ടു​ങ്ങ​ന്ന​ത് പ​തി​വാ​ണ്. റോ​ഡി​ന്റെ ഒ​രു വ​ശ​ത്ത് ഗ​ർ​ത്തം രൂ​പ​പ്പെ​ട്ട​തും യാ​ത്ര ദു​ഷ്ക​ര​മാ​ക്കി. വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടു​ന്ന​ത് പ​തി​വാ​യ​തോ​ടെ​യാ​ണ് റോ​ഡ് അ​നി​ശ്ചി​ത​മാ​യി അ​ട​ച്ചി​ട്ട​ത്.

കൊ​ള​ശ്ശേ​രി​യി​ൽ നി​ന്നും ബാ​ലം ഭാ​ഗ​ത്തേ​ക്ക്‌ പോ​കു​ന്ന സ​ർ​വി​സ് റോ​ഡ് അ​ട​ച്ചി​ട്ട് ഒ​രാ​ഴ്ച പി​ന്നി​ട്ടു. 100 മീ​റ്റ​റോ​ളം ടാ​റി​ങ് ചെ​യ്യാ​ത്ത​തി​നാ​ൽ കു​ണ്ടും കു​ഴി​യും രൂ​പ​പ്പെ​ട്ട് വാ​ഹ​ന​ങ്ങ​ളു​ടെ അ​ടി​വ​ശം റോ​ഡി​ൽ ത​ട്ടു​ന്ന നി​ല​യി​ലാ​ണു​ള്ള​ത്. അ​പ​ക​ട​ങ്ങ​ൾ പ​തി​വാ​യ​തോ​ടെ നാ​ട്ടു​കാ​ർ പ​രാ​തി ഉ​ന്ന​യി​ച്ചി​രു​ന്നു. ഇ​തേ തു​ട​ർ​ന്ന്‌ ദി​വ​സ​ങ്ങ​ൾ​ക്ക് മു​മ്പ് ജി​ല്ല ഭ​ര​ണാ​ധി​കാ​രി​ക​ളും ബൈ​പാ​സ് അ​ധി​കൃ​ത​രും ക​രാ​ർ ക​മ്പ​നി പ്ര​തി​നി​ധി​ക​ളും ഇ​വി​ടെ സ​ന്ദ​ർ​ശി​ച്ചി​രു​ന്നു. ഇ​ല്ല​ത്ത്താ​ഴെ ഭാ​ഗ​ത്ത്‌ നി​ന്നും പെ​രി​ങ്ക​ള​ത്തേ​ക്ക് പോ​കു​ന്ന സ​ർ​വി​സ് റോ​ഡി​ന്റേ​തും സ​മാ​ന​സ്ഥി​തി​യാ​ണ്. ഒ​രു മാ​സ​ത്തോ​ള​മാ​യി റോ​ഡ് അ​ട​ച്ചി​ട്ട്. ബേ​സ്മെ​ന്റ് പോ​ലു​മി​ല്ലാ​ത്ത 100 മീ​റ്റ​ർ ഭാ​ഗ​ത്ത്‌ വേ​ന​ൽ​ക്കാ​ല​ത്ത് പോ​ലും യാ​ത്ര ദു​സ്സ​ഹ​മാ​യി​രു​ന്നു. മ​ഴ​ക്കാ​ല​മാ​യ​തോ​ടെ വാ​ഹ​ന​ങ്ങ​ൾ ച​ളി​യി​ൽ തെ​ന്നി അ​പ​ക​ട​ത്തി​ൽ​പ്പെ​ടു​ക പ​തി​വാ​യ​തി​നെ​ത്തു​ട​ർ​ന്ന് അ​ട​ച്ചി​ടു​ക​യാ​യി​രു​ന്നു.