തലശ്ശേരി ജനറൽ ആശുപത്രിയിലെ സേവനനിരക്ക് കൂട്ടുന്നു

ത​ല​ശ്ശേ​രി: ജ​ന​റ​ൽ ആ​ശു​പ​ത്രി​യി​ലെ സൗ​ക​ര്യ​ങ്ങ​ളും സേ​വ​നനി​ര​ക്കും വ​ർ​ധി​പ്പി​ക്കാ​ൻ വി​ക​സ​ന സ​മി​തി യോ​ഗം തീ​രു​മാ​നി​ച്ചു. പ്ര​ധാ​ന ബ്ലോ​ക്കി​ന്റെ റാ​മ്പ് പു​ന​ർ​നി​ർ​മാ​ണം ഉ​ട​ൻ പൂ​ർ​ത്തി​യാ​ക്കി തു​റ​ന്നു ന​ൽ​കും. അ​ത്യാ​ഹി​ത വി​ഭാ​ഗം ട്രോ​മാ കെ​യ​ർ സം​വി​ധാ​ന​മാ​ക്കി മാ​റ്റി സ്ഥാ​പി​ക്കും. മു​ffo​ൽ ജ​ന​റ​ൽ ആ​ശു​പ​ത്രി​യെ​ന്ന ബോ​ർ​ഡ് വെ​ക്കും. ലാ​ബ് ചാ​ർ​ജു​ക​ളി​ൽ 25 ശ​ത​മാ​നം വ​ർ​ധി​പ്പി​ക്കാ​നും ജ​ന​ന സ​ർ​ട്ടി​ഫി​ക്ക​റ്റി​ലെ തെ​റ്റ് തി​രു​ത്താ​ൻ 100 രൂ​പ​വീ​തം ഈ​ടാ​ക്കാ​നും തീ​രു​മാ​നി​ച്ചു. രോ​ഗി​യെ അ​ഡ്മി​റ്റ് ചെ​യ്യു​മ്പോ​ൾ അ​ഡ്മി​ഷ​ൻ ചാ​ർ​ജാ​യി 20 രൂ​പ​യും മേ​ജ​ർ ശ​സ്ത​ക്രി​യ​ക്ക് 1000 രൂ​പ​യും മൈ​ന​ർ ശ​സ്ത്ര​ക്രി​യ​ക്ക് 250 രൂ​പ​യും ഇ.​സി.​ജി​ക്ക് 60 രൂ​പ​യും ഈ​ടാ​ക്കാ​ൻ തീ​രു​മാ​നി​ച്ചു. ബി.​പി.​എ​ൽ വി​ഭാ​ഗ​ക്കാ​ർ ഒ​റി​ജി​ന​ൽ രേ​ഖ എ​ത്തി​ച്ചാ​ൽ മാ​ത്ര​മേ ആ​നു​കൂ​ല്യ​ങ്ങ​ൾ അ​നു​വ​ദി​ക്കേ​ണ്ട​തു​ള്ളൂ​വെ​ന്നും യോ​ഗം തീ​രു​മാ​നി​ച്ചു. പി. ​എ​സ്.​സി. മു​ഖേ​ന ഡ്രൈ​വ​ർ​മാ​ർ നി​യ​മി​ക്ക​പ്പെ​ട്ട​തി​നാ​ൽ​ ഇ​പ്പോ​ഴു​ള്ള താ​ൽ​കാ​ലി​ക ഡ്രൈ​വ​ർ​മാ​രെ ക​രാ​ർ തീ​രു​ന്ന മു​റ​ക്ക് പി​രി​ച്ചുവി​ടും.

ആ​ശു​പ​ത്രി കാ​ന്റീ​നി​ൽ നി​ന്നു​ള്ള ലാ​ഭ​വി​ഹി​തം ആ​ശു​പ​ത്രി വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക് ന​ൽ​കാ​നും കാ​ന്റീ​ൻ അ​ക്കൗ​ണ്ടി​ൽ ന​ഗ​ര​സ​ഭ ചെ​യ​ർ​മാ​ന്റെ കൂ​ടി പേ​രി​ലേ​ക്ക് മാ​റ്റാ​നും തീ​രു​മാ​നി​ച്ചു. ന​ഗ​ര​സ​ഭ ചെ​യ​ർ​പേ​ഴ്സ​ൻ കെ.​എം. ജ​മു​നാ​റാ​ണി, സ്പീ​ക്ക​ർ അ​ഡ്വ. എ.​എ​ൻ. ഷം​സീ​ർ, ആ​ശു​പ​ത്രി സൂ​പ്ര​ണ്ട് ഡോ.​വി.​കെ. രാ​ജീ​വ​ൻ, ആ​ർ.​എം.​ഒ ജി​തി​ൻ, ന​ഴ്സി​ങ് സൂ​പ്ര​ണ്ട്, അം​ഗ​ങ്ങ​ളു​മാ​യ എം.​പി. അ​ര​വി​ന്ദാ​ക്ഷ​ൻ, അ​ഡ്വ. കെ.​എ. ല​ത്തീ​ഫ്, എം.​പി. സു​മേ​ഷ്, വാ​ഴ​യി​ൽ വാ​സു, പൊ​ന്ന്യം കൃ​ഷ്ണ​ൻ, ഒ​ത​യോ​ത്ത് ര​മേ​ശ​ൻ, പ്ര​സ​ന്ന​ൻ, ജി​തി​ൻ എ​ന്നി​വ​ർ പ​​ങ്കെ​ടു​ത്തു.