കാണാതായ മൂന്ന് കുട്ടികളെ കണ്ടെത്തി രക്ഷിതാക്കളെ ഏൽപ്പിച്ചു

ത​ല​ശ്ശേ​രി: സ്ത്രീ ​സു​ര​ക്ഷ മാ​ത്ര​മ​ല്ല, കു​ട്ടി​ക​ളെ​യും സു​ര​ക്ഷി​ത​മാ​ക്കാ​ൻ ക​ഴി​യു​മെ​ന്ന് ത​ല​ശ്ശേ​രി​യി​ലെ പി​ങ്ക് പൊ​ലീ​സ് അ​ന്വേ​ഷ​ണ​ത്തി​ലൂ​ടെ തെ​ളി​യി​ച്ചു. ദു​രൂ​ഹ സാ​ഹ​ച​ര്യ​ത്തി​ൽ പാ​നൂ​രി​ൽ നി​ന്നും കൂ​ത്തു​പ​റ​മ്പി​ൽ നി​ന്നും കാ​ണാ​താ​യ മൂ​ന്ന് കു​ട്ടി​ക​ളെ​യാ​ണ് 48 മ​ണി​ക്കൂ​റി​ന​കം ക​ണ്ടെ​ത്തി ര​ക്ഷി​താ​ക്ക​ൾ​ക്ക് കൈ​മാ​റി​യ​ത്.

ത​ല​ശ്ശേ​രി പി​ങ്ക് പൊ​ലീ​സി​ലെ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ കെ.​കെ. അ​നു​ശ്രീ​യു​ടെ​യും എം. ​ര​ജീ​ഷ​യു​ടെ​യും സ​ന്ദ​ർ​ഭോ​ചി​ത​മാ​യ അ​ന്വേ​ഷ​ണ​മാ​ണ് കു​ട്ടി​ക​ളെ ക​ണ്ടെ​ത്താ​ൻ സാ​ധി​ച്ച​ത്. ക​ഴി​ഞ്ഞ ദി​വ​സം കൂ​ത്തു​പ​റ​മ്പ് ഭാ​ഗ​ത്തു​നി​ന്ന് അ​മ്മ​യോ​ടൊ​പ്പം ഡോ​ക്ട​റെ കാ​ണാ​ൻ ത​ല​ശ്ശേ​രി​യി​ലെ​ത്തി​യ 15 കാ​ര​ൻ ആ​ശു​പ​ത്രി​യി​ൽ നി​ന്നാ​ണ് അ​മ്മ​യു​ടെ ക​ണ്ണ് വെ​ട്ടി​ച്ച് മു​ങ്ങി​യ​ത്. കാ​ണാ​താ​യ പ​രാ​തി ഉ​യ​ർ​ന്ന​തോ​ടെ പൊ​ലീ​സ് അ​ന്വേ​ഷ​ണം തു​ട​ങ്ങി. പു​തി​യ ബ​സ് സ്റ്റാ​ൻ​ഡി​ൽ തി​ര​യു​ന്ന​തി​നി​ട​യി​ലാ​ണ് പൊ​ലീ​സു​കാ​രാ​യ അ​നു​ശ്രീ​യും ര​ജി​ഷ​യും പാ​സ​ഞ്ച​ർ ലോ​ബി​യി​ൽ പ​രി​ഭ്ര​മി​ച്ചി​രു​ന്ന15 കാ​ര​നെ ക​ണ്ടെ​ത്തി​യ​ത്. പി​ന്നീ​ടാ​ണ് പാ​നൂ​രി​ൽ​നി​ന്നും ര​ണ്ട് വി​ദ്യാ​ർ​ഥി​ക​ളെ കാ​ണാ​നി​ല്ലെ​ന്ന പ​രാ​തി ഉ​യ​ർ​ന്ന​ത്. 10,13 വ​യ​സ്സു​ള്ള കു​ട്ടി​ക​ളാ​യ​തി​നാ​ൽ ര​ക്ഷി​താ​ക്ക​ളും പൊ​ലീ​സും പ​രി​ഭ്രാ​ന്ത​രാ​യി.

ഒ​രു​ കു​ട്ടി​ക്ക് അ​സു​ഖ​മാ​യ​തി​നാ​ൽ ഡോ​ക്ട​റെ കാ​ണാ​നാ​ണ് കൂ​ട്ടു​കാ​ര​നെ​യും വി​ളി​ച്ച് ത​ല​ശ്ശേ​രി​യി​ലെ​ത്തി​യ​ത്. വ​ഴി​യി​ൽ വെ​ച്ച് യൂ​നി​ഫോം മാ​റ്റി​യു​ള്ള യാ​ത്ര​യാ​യ​തി​നാ​ൽ ദു​രൂ​ഹ​ത​യും ഉ​യ​ർ​ന്നു. കു​ട്ടി​ക​ളെ കാ​ണാ​താ​യെ​ന്ന പ​രാ​തി ജി​ല്ല​യി​ലാ​കെ എ​ത്തി​യ​തോ​ടെ​യാ​ണ് ത​ല​ശ്ശേ​രി പി​ങ്ക് പൊ​ലീ​സ് തി​ര​ച്ചി​ൽ തു​ട​ങ്ങി​യ​ത്.

ക​ട​ൽ​പാ​ലം, പാ​ർ​ക്കു​ക​ൾ എ​ന്നി​വി​ട​ങ്ങ​ളി​ലെ​ല്ലാം അ​ന്വേ​ഷി​ച്ച​തി​ന് ശേ​ഷം സം​ശ​യം തീ​ർ​ക്കാ​ൻ ആ​ശു​പ​ത്രി​യി​ലും ക​യ​റി തി​ര​ഞ്ഞു. ഒ.​പി ര​ജി​സ്റ്റ​റി​ൽ 13കാ​ര​ന്റെ വി​വ​രം ക​ണ്ട​തോ​ടെ പൊ​ലീ​സു​കാ​രി​ക​ൾ ഒ.​പി കാ​ത്തി​രി​പ്പ് സ്ഥ​ല​ത്തെ​ത്തി. പൊ​ലീ​സി​നെ ക​ണ്ട​തോ​ടെ കു​ട്ടി​ക​ൾ പെ​ട്ടെ​ന്ന് മു​ഖം മ​റ​ക്കാ​ൻ ശ്ര​മി​ച്ചു. ഇ​താ​ണ് തി​രി​ച്ച​റി​യാ​ൻ ഇ​ട​യാ​ക്കി​യ​ത്. ഇ​രു​വ​രെ​യും പി​ടി​കൂ​ടി സ്റ്റേ​ഷ​നി​ലെ​ത്തി​ച്ച ശേ​ഷം ര​ക്ഷി​താ​ക്ക​ളെ വി​ളി​ച്ചു വ​രു​ത്തി ഏ​ൽ​പ്പി​ക്കു​ക​യാ​യി​രു​ന്നു.