അടച്ചിട്ട വീട്ടിൽ മോഷണം

ത​ല​ശ്ശേ​രി: കെ.​എം.​എ​സ് സൗ​ണ്ട്സ് ഉ​ട​മ എ.​വി. ര​ണ​ദേ​വി​ന്റെ മ​ഞ്ഞോ​ടി ക​ണ്ണി​ച്ചി​റ റോ​ഡി​ലെ ശ്രീ​രാ​ഗം വീ​ട്ടി​ൽ മോ​ഷ​ണം. ര​ണ​ദേ​വും ഭാ​ര്യ​യും വീ​ട​ട​ച്ച് യു.​എ​സി​ലു​ള്ള മ​ക​ളു​ടെ വീ​ട്ടി​ൽ പോ​യ​താ​യി​രു​ന്നു. വീ​ട് ശ്ര​ദ്ധി​ക്കാ​ൻ മ​രു​മ​ക​നെ ചു​മ​ത​ല​പ്പെ​ടു​ത്തി​യി​രു​ന്നു. മാ​ർ​ച്ച് 21ന് ​അ​മേ​രി​ക്ക​യി​ലേ​ക്ക് പോ​യ ദ​മ്പ​തി​ക​ൾ ബു​ധ​നാ​ഴ്ച നാ​ട്ടി​ൽ തി​രി​ച്ചെ​ത്തി​യ​പ്പോ​ഴാ​ണ് വീ​ട്ടി​ൽ മോ​ഷ​ണം ന​ട​ന്ന​താ​യി അ​റി​യു​ന്ന​ത്.

വീ​ട്ടി​ലെ സി.​സി ടി.​വി ക​ണ​ക്ഷ​നു​ക​ളും അ​നു​ബ​ന്ധ ഉ​പ​ക​ര​ണ​ങ്ങ​ളും ന​ശി​പ്പി​ച്ച​നി​ല​യി​ലാ​യി​രു​ന്നു. മു​ൻ​വാ​തി​ൽ ത​ക​ർ​ത്താ​ണ് മോ​ഷ​ണം. ഇ​രു​നി​ല വീ​ടി​ന​ക​ത്തും പു​റ​ത്തു​മു​ള്ള ശു​ചി​മു​റി​ക​ളി​ലെ പൈ​പ്പ്, വാ​ഷ്ബേ​സി​ൻ ഉ​ൾ​പ്പെ​ടെ​യു​ള്ള സാ​മ​ഗ്രി​ക​ളെ​ല്ലാം ത​ക​ർ​ത്ത​നി​ല​യി​ലാ​ണ്. പു​റ​ത്തെ ന​വീ​ന​രീ​തി​യി​ലു​ള്ള വാ​ഷ്ബേ​സി​ൻ ഇ​ള​ക്കി​യെ​ടു​ത്ത് കൊ​ണ്ടു​പോ​യി. അ​ക​ത്തെ മു​റി​ക​ളി​ലെ അ​ല​മാ​ര​ക​ളെ​ല്ലാം കു​ത്തി​ത്തു​റ​ന്ന് സാ​ധ​ന​ങ്ങ​ൾ വാ​രി പു​റ​ത്ത് വ​ലി​ച്ചെ​റി​ഞ്ഞു.

അ​ല​മാ​ര​ക​ൾ വി​ദേ​ശ​ത്തു​ള്ള മ​ക്ക​ൾ ഉ​പ​യോ​ഗി​ക്കു​ന്ന​താ​ക​യാ​ൽ എ​ന്തെ​ല്ലാം ന​ഷ്ട​പ്പെ​ട്ടു​വെ​ന്ന് ഇ​പ്പോ​ൾ പ​റ​യാ​നാ​വി​ല്ലെ​ന്ന് ര​ണ​ദേ​വ് പ​റ​ഞ്ഞു. പ്രാ​ഥ​മി​കാ​ന്വേ​ഷ​ണ​ത്തി​ൽ വി​ല​പി​ടി​പ്പു​ള്ള ഒ​രു വ​ലി​യ ഉ​രു​ളി​യും ര​ണ്ട് ലാ​പ്ടോ​പ്പു​മാ​ണ് കാ​ണാ​താ​യ​തെ​ന്ന് ര​ണ​ദേ​വ് പ​റ​ഞ്ഞു. വീ​ട്ടി​ലെ സാ​ധ​ന​സാ​മ​ഗ്രി​ക​ൾ ത​ക​ർ​ത്ത സം​ഭ​വ​ത്തി​ൽ ര​ണ്ടു ല​ക്ഷം രൂ​പ​യു​ടെ ന​ഷ്ട​മു​ണ്ടാ​യി​ട്ടു​ണ്ട്. ത​ല​ശ്ശേ​രി പൊ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം തു​ട​ങ്ങി.