ട്രക്ക് നിയന്ത്രണംവിട്ട്​ മറിഞ്ഞു

ചെ​റു​പു​ഴ: ചെ​റു​പു​ഴ കു​ണ്ടം​ത​ടം വ​ള​വി​ല്‍ ട്ര​ക്ക് നി​യ​ന്ത്ര​ണം വി​ട്ടു മ​റി​ഞ്ഞു ര​ണ്ടു​പേ​ര്‍ക്കു പ​രി​ക്കേ​റ്റു. പെ​രി​ങ്ങോം വെ​ളി​ച്ചം​തോ​ടി​ല്‍ നി​ന്ന്​ കോ​ണ്‍ക്രീ​റ്റ് മി​ശ്രി​ത​വു​മാ​യി പാ​ലാ​വ​യ​ല്‍ ഭാ​ഗ​ത്തേ​ക്കു പോ​വു​ക​യാ​യി​രു​ന്ന സ്വ​കാ​ര്യ ക​രാ​ര്‍ ക​മ്പ​നി​യു​ടെ ട്ര​ക്കാ​ണ് കു​ണ്ടം​ത​ടം ഭാ​ഗ​ത്തെ കു​ത്ത​നെ​യു​ള്ള വ​ള​വി​ല്‍ നി​യ​ന്ത്ര​ണം ന​ഷ്​​ട​പ്പെ​ട്ടു മ​റി​ഞ്ഞ​ത്.

ട്ര​ക്കി​ലു​ണ്ടാ​യി​രു​ന്ന ത​മി​ഴ്‌​നാ​ട് സ്വ​ദേ​ശി​ക​ളാ​യ ല​ക്ഷ്മി​കാ​ന്ത് (42), ശി​വ (22) എ​ന്നി​വ​ര്‍ക്കാ​ണ് പ​രി​ക്കേ​റ്റ​ത്. ഇ​വ​രെ ചെ​റു​പു​ഴ​യി​ലെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ചീ​മേ​നി -കാ​ക്ക​ട​വ് -ഓ​ട​ക്കൊ​ല്ലി റോ​ഡ് നി​ര്‍മാ​ണ​വു​മാ​യി ബ​ന്ധ​പ്പെ​ട്ട പ്ര​വൃ​ത്തി​ക്ക്​​ കോ​ണ്‍ക്രീ​റ്റ് മി​ശ്രി​തം എ​ത്തി​ക്കു​ന്ന വാ​ഹ​ന​മാ​ണ് അ​പ​ക​ട​ത്തി​ല്‍പെ​ട്ട​ത്.

പെ​രി​ങ്ങോ​ത്ത് നി​​ന്ന്​ അ​ഗ്നി​ശ​മ​ന​സേ​ന​യും ചെ​റു​പു​ഴ പൊ​ലീ​സും സ്ഥ​ല​ത്തെ​ത്തി ര​ക്ഷാ​പ്ര​വ​ര്‍ത്ത​നം ന​ട​ത്തി. അ​പ​ക​ട​ത്തെ തു​ട​ര്‍ന്നു വാ​ഹ​ന​ത്തി​ല്‍ നി​ന്ന്​ പ​ര​ന്നൊ​ഴു​കി​യ ഓ​യി​ലും ഡീ​സ​ലും നീ​ക്കി​യ ശേ​ഷ​മാ​ണ് ഗ​താ​ഗ​തം പു​നഃ​സ്ഥാ​പി​ച്ച​ത്. ചെ​റു​പു​ഴ എ​സ്.​ഐ എം.​പി. വി​ജ​യ​കു​മാ​ര്‍, പെ​രി​ങ്ങോം ഫ​യ​ര്‍ സ്‌​റ്റേ​ഷ​ന്‍ ഓ​ഫി​സ​ര്‍ കെ.​എം. ശ്രീ​നാ​ഥ​ന്‍ എ​ന്നി​വ​ര്‍ ര​ക്ഷാ​പ്ര​വ​ര്‍ത്ത​ന​ത്തി​ന് നേ​തൃ​ത്വം ന​ല്‍കി.