കള്ളന്മാർ കറങ്ങിനടപ്പുണ്ട്, കരുതൽ വേണം

ക​ണ്ണൂ​ർ: വീ​ട് കു​ത്തി​ത്തു​റ​ന്നും വീ​ട്ടു​കാ​രെ ഭീ​ഷ​ണി​പ്പെ​ടു​ത്തി​യും ക​വ​ർ​ച്ച സം​ഘ​ങ്ങ​ൾ വി​ല​സു​ന്നു. പു​തു​വ​ർ​ഷ​ത്തി​ൽ ചെ​റു​തും വ​ലു​തു​മാ​യ അ​മ്പ​തോ​ളം മോ​ഷ​ണ​ങ്ങ​ളാ​ണ് ജി​ല്ല​യി​ൽ ന​ട​ന്ന​ത്. ​കൃ​ത്യ​മാ​യ ആ​സൂ​ത്ര​ണ​വും ഹൈ​ടെ​ക് മാ​ർ​ഗ​ങ്ങ​ളും ഉ​പ​യോ​ഗി​ച്ചാ​ണ് മോ​ഷ​ണ​ങ്ങ​ൾ. വീ​ട്ടി​ലെ അം​ഗ​ങ്ങ​ളു​ടെ എ​ണ്ണ​വും സ്ത്രീ​ക​ൾ ത​നി​ച്ചു​താ​മ​സി​ക്കു​ന്ന​ത് സം​ബ​ന്ധി​ച്ചു​മെ​ല്ലാം മോ​ഷ്ടാ​ക്ക​ൾ​ക്ക് കൃ​ത്യ​മാ​യ വി​വ​ര​മു​ണ്ട്. പ​ക​ൽ, സാ​ധ​നം വി​ൽ​പ​ന​യു​ടെ​യും ഭി​ക്ഷാ​ട​ന​ത്തി​ന്റെ​യും മ​റ​വി​ലെ​ത്തി കാ​ര്യ​ങ്ങ​ൾ മ​നസ്സി​ലാ​ക്കി രാ​ത്രി മോ​ഷ​ണ​ത്തി​നെ​ത്തു​ന്ന സം​ഭ​വ​ങ്ങ​ളും ഏ​റെ​യാ​ണ്. തി​ങ്ക​ളാ​ഴ്ച രാ​വി​ലെ ക​ണ്ണൂ​ർ പ​ള്ളി​ക്കു​ന്നി​ൽ വീ​ട്ടു​കാ​ർ പു​റ​ത്തു​പോ​യ സ​മ​യം നോ​ക്കി​യാ​ണ് അ​ഞ്ച് പ​വ​ൻ സ്വ​ർ​ണ​വും 10,000 രൂ​പ​യും ക​വ​ർ​ന്ന​ത്.

വീ​ട്ടു​ട​മ അ​നി​ത​യും മ​ക​ളും ബ​ന്ധു​വീ​ട്ടി​ൽ പോ​യ​ത് ഉ​റ​പ്പാ​ക്കി​യാ​ണ് ജ​ന​ൽ ത​ക​ർ​ത്ത് വീ​ട്ടി​ന​ക​ത്ത് സൂ​ക്ഷി​ച്ചി​രു​ന്ന ബാ​ഗി​ൽ​നി​ന്നും താ​ക്കോ​ൽ കൈ​ക്ക​ലാ​ക്കി മോ​ഷ​ണം ന​ട​ത്തി​യ​ത്. ക​ണ്ണൂ​രി​ൽ ജോ​ലി​ചെ​യ്യു​ന്ന മ​ക​ൾ ആ​തി​ര ഉ​പ​യോ​ഗി​ക്കു​ന്ന ബാ​ഗി​ൽ വീ​ടി​ന്റെ താ​ക്കോ​ൽ സൂ​ക്ഷി​ച്ചി​രു​ന്നു. ഇ​തു​പ​യോ​ഗി​ച്ചാ​ണ് മോ​ഷ്ടാ​വ് പ്ര​ധാ​ന വാ​തി​ൽ തു​റ​ന്ന് അ​ക​ത്തു ക​യ​റി​യ​ത്. സ​മീ​പ​ത്തെ വീ​ടു​ക​ളി​ലും മോ​ഷ​ണം ശ്ര​മം ന​ട​ന്ന​താ​യി വി​വ​ര​മു​ണ്ട്. മ​റ്റൊ​രു വീ​ടി​ന്റെ ജ​ന​ലും സ​മാ​ന​മാ​യ രീ​തി​യി​ൽ ത​ക​ർ​ത്തി​ട്ടു​ണ്ട്.

ഒ​രേ​ദി​വ​സം ത​ന്നെ സ​മീ​പ​ത്തെ ഒ​ന്നി​ല​ധി​കം വീ​ടു​ക​ൾ ക​വ​ർ​ച്ചസം​ഘം ഉ​ന്നം വെ​ക്കു​ന്ന​ത് പ​തി​വാ​യി​ട്ടു​ണ്ട്. ര​ണ്ടു​മാ​സം മു​മ്പ് ഇ​രി​ങ്ങ​ലി​ലും കു​പ്പം മു​ക്കു​ന്നി​ലും പൂ​ട്ടി​യി​ട്ട വീ​ടു​ക​ൾ കു​ത്തി​ത്തു​റ​ന്ന് ക​വ​ർ​ച്ച ന​ട​ത്തി​യി​രു​ന്നു. വാ​ഹ​ന​ത്തി​ലെ​ത്തി​യ പ്ര​ഫ​ഷ​ന​ൽ ക​വ​ർ​ച്ചസം​ഘ​മാ​ണ് ഇ​തി​നു​പി​ന്നി​ലെ​ന്ന് സൂ​ച​ന​യു​ണ്ടാ​യി​രു​ന്നു.

ഉ​ത്ത​ര​മ​ല​ബാ​റി​ലെ ദേ​വി ക്ഷേ​ത്ര​ങ്ങ​ളി​ൽ പ്ര​സി​ദ്ധ​മാ​യ മാ​ടാ​യി​ക്കാ​വി​ൽ ക​വ​ർ​ച്ച​ ശ്ര​മം ന​ട​ന്ന​ത് ര​ണ്ടു​ദി​വ​സം മു​മ്പാ​ണ്. ക്ഷേ​ത്ര​ത്തി​ലെ അ​ടിച്ചുത​ളി​ക്കാ​യി എ​ത്തി​യ ജീ​വ​ന​ക്കാ​ര​നാ​ണ് ന​ട തു​റ​ന്ന​നി​ല​യി​ൽ ക​ണ്ട​ത്. പ്ര​ധാ​ന ശ്രീ​കോ​വി​നോ​ട് ചേ​ർ​ന്ന ക്ഷേ​ത്ര​പാ​ല​ക​ന്റെ വി​ഗ്ര​ഹ​ത്തി​ൽ ചാ​ർ​ത്തി​യ വെ​ള്ളി​മാ​ല ക​വ​രു​ക​യും ന​ട​യി​ൽ ഉ​പേ​ക്ഷി​ച്ച നി​ല​യി​ൽ പി​ന്നീ​ട് ക​ണ്ടെ​ത്തു​ക​യും ചെ​യ്തു. മാ​ഹി സെൻറ് തെ​രേ​സ ദേ​വാ​ല​യ​ത്തി​ൽ കു​ർ​ബാ​ന​ക്ക് ഉ​പ​യോ​ഗി​ക്കു​ന്ന ചെ​റി​യ കു​രി​ശ്, കാ​സ, പി​ലാ​സ എ​ന്നി​വ മോ​ഷണം പോ​യ​ത് ക​ഴി​ഞ്ഞ ദി​വ​സ​മാ​ണ്.

പ​ക​ൽ ഓ​ട്ടോ ഓ​ടി​ച്ച് ഓ​ട്ട​ത്തി​നി​ട​യി​ല്‍ വീ​ടു​ക​ള്‍ ക​ണ്ടെ​ത്തി രാ​ത്രി ബൈ​ക്കി​ല്‍ മോ​ഷ​ണ​ത്തി​നെ​ത്തു​ന്ന സം​ഘ​ത്തെ ചൊ​ക്ലി പൊ​ലീ​സ് പി​ടി​കൂ​ടി​യ​ത് ക​ഴി​ഞ്ഞ മാ​സ​മാ​ണ്. ചൊ​ക്ലി മേ​ഖ​ല​യി​ലെ ഒ​രു വീ​ടി​ന്റെ കാ​ര്‍പോ​ര്‍ച്ചി​ല്‍ ഇ​വ​ര്‍ പ​തു​ങ്ങി​നി​ല്‍ക്കു​ന്ന​ത് പൊ​ലീ​സ് പ​ട്രോ​ളി​ങ് സം​ഘ​ത്തി​ന്റെ ശ്ര​ദ്ധ​യി​ല്‍പ്പെ​ടു​ക​യാ​യി​രു​ന്നു. ഇ​വ​രി​ല്‍നി​ന്ന് കൈ​യു​റ, ക​മ്പി​പ്പാ​ര​ക​ള്‍, സ്‌​ക്രൂ​ഡ്രൈ​വ​ര്‍, ടോ​ര്‍ച്ച്, ബ്ലേ​ഡ് എ​ന്നി​വ ക​ണ്ടെ​ടു​ത്തു. വ​ള​പ്പ​ട്ട​ണം, മ​ട്ട​ന്നൂ​ര്‍, ക​ണ്ണൂ​ര്‍, ച​ക്ക​ര​ക്ക​ല്ല്, എ​ട​ക്കാ​ട് എ​ന്നീ സ്റ്റേ​ഷ​നു​ക​ളി​ല്‍ ഇ​വ​രു​ടെ പേ​രി​ൽ മോ​ഷ​ണക്കേ​സു​ക​ളു​ണ്ട്. ത​ളാ​പ്പി​ൽ ചൈ​ത​ന്യ ക്ലി​നി​ക്കി​ൽ​നി​ന്ന് അ​ര​ല​ക്ഷം രൂ​പ മോ​ഷ്ടി​ച്ച​ത് ക​ഴി​ഞ്ഞ ന​വ​ബ​റി​ൽ. ബാ​ങ്ക് അ​വ​ധി​യാ​യ​തി​നാ​ൽ മൂ​ന്നു​ദി​വ​സ​ത്തെ വ​രു​മാ​നം ഇ​വി​ടെ സൂ​ക്ഷി​ച്ചി​രു​ന്നു. ഇ​ത് മ​ന​സ്സി​ലാ​ക്കി​യാ​ണ് മോ​ഷ​ണം. 60ഓ​ളം മോ​ഷ​ണ കേ​സു​ക​ളി​ൽ പ്ര​തി​യാ​യ തീ​പ്പൊ​രി പ്ര​സാ​ദി​നെ​യാ​ണ് സം​ഭ​വ​ത്തി​ൽ പൊ​ലീ​സ് പൊ​ക്കി​യ​ത്.

പ​തി​യാ​ത്ത കാ​മ​റ​ക​ൾ

പ​ണ്ട​ത്തെ പോ​ലെ നി​രീ​ക്ഷ​ണ കാ​മ​റ​ക​ളി​ലൊ​ന്നും മോ​ഷ്ടാ​ക്ക​ളു​ടെ ചി​ത്ര​ങ്ങ​ൾ പ​തി​യു​ന്നി​ല്ല. പൊ​ലീ​സ് പ​രി​ശോ​ധി​ക്കു​ന്ന ദൃ​ശ്യ​ങ്ങ​ളി​ൽ പ​ല​തി​ലും മു​ഖ​വും കാ​മ​റ​യും മ​റ​ച്ച നി​ല​യി​ലാ​ണ്. ത​ല​ശ്ശേ​രി​യി​ലും ക​ണ്ണൂ​രി​ലും അ​ട​ക്കം നി​രീ​ക്ഷ​ണ കാ​മ​റ​യു​ടെ മു​ന്നി​ലൂ​ടെ മോ​ഷ്ടാ​ക്ക​ൾ കൂ​ളാ​യി ന​ട​ക്കു​ന്ന ദൃ​ശ്യ​ങ്ങ​ൾ ഈ​യി​ടെ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു. മാ​ടാ​യി​ക്കാ​വി​ൽ ക​ഴി​ഞ്ഞ ദി​വ​സം മോ​ഷ​ണം ന​ട​ന്ന​പ്പോ​ൾ ക്ഷേ​ത്ര​ത്തി​ലെ നി​രീ​ക്ഷ​ണ കാ​മ​റ​ക​ളി​ലൊ​ന്നും മോ​ഷ്ടാ​വി​ന്റെ ദൃ​ശ്യം വ്യ​ക്ത​മാ​യി​രു​ന്നി​ല്ല. മോ​ഷ​ണം ത​ട​യാ​നും ന​ഗ​ര​ത്തി​ലെ ക്ര​മ​സ​മാ​ധാ​നം ഉ​റ​പ്പാ​ക്കാ​നും പൊ​ലീ​സ് സ്ഥാ​പി​ച്ച സി.​സി.​ടി.​വി അ​ടി​ച്ചു​മാ​റ്റി​യ ക​ള്ള​നും ക​ണ്ണൂ​രു​ണ്ട്. പ​ഴ​യ ബ​സ് സ്റ്റാ​ൻ​ഡി​ന​ടു​ത്ത റോ​ഡി​ൽ സ്ഥാ​പി​ച്ച ര​ഹ​സ്യ​കാ​മ​റ​യു​ടെ എ​ക്സ്റ്റ​ൻ​ഷ​ൻ ബോ​ക്സാ​ണ് മൂ​ന്നു​മാ​സം മു​മ്പ് ക​വ​ർ​ന്ന​ത്.

ക​പ്പ​ലി​ലെ ക​ള്ള​നും ഹൈ​ടെ​ക് മോ​ഷ്ടാ​വും

വീ​ടു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലും ആ​ധു​നി​ക സം​വി​ധാ​ന​ങ്ങ​ൾ ഉ​പ​യോ​ഗി​ച്ച് സു​ര​ക്ഷ ഒ​രു​ക്കു​മ്പോ​ൾ ക​ള്ള​ൻ​മാ​രും ഹൈ​ടെ​ക് ആ​ണ്. ഗൂ​ഗ്ൾ​മാ​പ്പ് നോ​ക്കി​യും ശ​ബ്ദം കേ​ൾ​പ്പി​ക്കാ​തെ ഗ്യാ​സ് ക​ട്ട​ർ ഉ​പ​യോ​ഗി​ച്ച് അ​ല​മാ​ര ത​ക​ർ​ത്തും മോ​ഷ​ണ​ങ്ങ​ൾ വേ​റെ ലെ​വ​ലാ​ണ്.

ഗൂ​ഗ്ൾ​മാ​പ്പ് നോ​ക്കി കൂ​ടു​ത​ൽ വീ​ടു​ള്ള പ്ര​​ദേ​ശ​ങ്ങ​ൾ ക​ണ്ടെ​ത്തി മോ​ഷ​ണം ന​ട​ത്തു​ന്ന അ​ന്ത​ർ​സം​സ്ഥാ​ന സം​ഘം ക​ണ്ണൂ​രി​ൽ അ​റ​സ്റ്റി​ലാ​യ​ത് ഒ​ന്ന​ര​മാ​സം മു​മ്പാ​ണ്. ന്യൂ​ഡ​ൽ​ഹി ഗു​രു​നാ​നാ​ക്ക് മാ​ർ​ക്ക​റ്റി​ലെ മ​ഹേ​ന്ദ്ര (50), ഉ​ത്ത​ർപ്ര​ദേ​ശ് സ്വ​ദേ​ശി​ക​ളാ​യ അ​ക്ബ​ർ​പൂ​ർ ര​വീ​ന്ദ്ര​പാ​ൽ ഗൗ​തം (28), സം​ബാ​ൽ ജ​ന്ന​ത്ത് ഇ​ന്റ​ർ കോ​ള​ജി​ന് സ​മീ​പം റം​ബ​റോ​സ് (26) എ​ന്നി​വ​രെ​യാ​ണ് ടൗ​ൺ പൊ​ലീ​സ് പി​ടി​കൂ​ടി​യ​ത്.

പ​യ്യാ​മ്പ​ല​ത്ത് അ​ശോ​ക​ന്റെ വീ​ട് കു​ത്തിത്തു​റ​ന്ന് സ്വ​ർ​ണ​വും പ​ണ​വും ക​വ​ർ​ന്ന കേ​സി​ലാ​ണ് അ​റ​സ്റ്റ്. കേ​ര​ള​ത്തി​ലെ​ത്തി ഗൂ​ഗ്ൾ മാ​പ്പ് ഉ​പ​യോ​ഗി​ച്ച് കെ​ട്ടി​ട​ങ്ങ​ളു​ടെ​യും വീ​ടു​ക​ളു​ടെ​യും വി​വ​ര​ങ്ങ​ൾ ശേ​ഖ​രി​ച്ച് മോ​ഷ​ണം ന​ട​ത്തി മ​ട​ങ്ങു​ക​യാ​ണ് പ​തി​വ്. പ്ര​തി​ക​ൾ യു.​പി, ഡ​ൽ​ഹി എ​ന്നി​വി​ട​ങ്ങ​ളി​ൽ അ​ഞ്ച് മോ​ഷ​ണ കേ​സു​ക​ളി​ൽ ജ​യി​ൽ ശി​ക്ഷ അ​നു​ഭ​വി​ച്ച​വ​രു​മാ​ണ്.

മോ​ഷ​ണം ന​ട​ത്തേ​ണ്ട വീ​ടും ക​ട​ക​ളും ഗൂ​ഗ്ൾ മാ​പ്പി​ലൂ​ടെ ക​ണ്ടെ​ത്തും. സ​മീ​പ​ത്ത് പൊ​ലീ​സ് സ്റ്റേ​ഷ​ൻ, ആ​ളു​ക​ൾ കൂ​ടു​ന്ന​യി​ട​ങ്ങ​ൾ എ​ന്നി​വ​യി​ല്ലെ​ന്ന് ഉ​റ​പ്പാ​ക്കും.

ര​ക്ഷ​പ്പെ​ടേ​ണ്ട വ​ഴി​ക​ൾ, റെ​യി​ൽ​വേ ഗേ​റ്റ്, ഗ​താ​ഗ​ത​ക്കു​രു​ക്ക് എ​ന്നി​വ​യെ​ല്ലാം ഗൂ​ഗ്ൾ മാ​പ്പി​ൽ തി​ര​യും. മോ​ഷ​ണം ക​ഴി​ഞ്ഞ് സു​ര​ക്ഷി​ത​മാ​യി മ​ട​ങ്ങാ​ൻ ഹൈ​ടെ​ക് ആ​സൂ​ത്ര​ണം ക​ണ്ട് പൊ​ലീ​സു​പോ​ലും ഞെ​ട്ടി.

ക​ണ്ണൂ​ർ ന​ഗ​ര​ഹൃ​ദ​യ​ത്തി​ൽ പൂ​ട്ടി​യി​ട്ട വീ​ടു കു​ത്തി​ത്തു​റ​ന്ന് 13 പ​വ​ൻ സ്വ​ർ​ണ​വും 15,000 രൂ​പ​യും ക​വ​ർ​ന്നി​ട്ട് മാ​സം ഒ​ന്നാ​യി​ല്ല.

താ​ണ ദി​നേ​ശ് ഓ​ഡി​റ്റോ​റി​യ​ത്തി​ന് സ​മീ​പ​മു​ള്ള പു​ഷ്‌​ല​ത​യു​ടെ വീ​ട്ടി​ലാ​ണ് ക​വ​ർ​ച്ച ന​ട​ന്ന​ത്. വീ​ടു​പൂ​ട്ടി പു​റ​ത്തു​പോ​യി മ​ട​ങ്ങി എ​ത്തി​യ​പ്പോ​ഴാ​ണ് വാ​തി​ൽ കു​ത്തി​ത്തു​റ​ന്ന നി​ല​യി​ൽ ക​ണ്ടെ​ത്തി​യ​ത്.

വീ​ടി​ന​കം പ​രി​ശോ​ധി​ച്ച​പ്പോ​ൾ അ​ല​മാ​ര ഗ്യാ​സ് ക​ട്ട​ർ ഉ​പ​യോ​ഗി​ച്ചു തു​റ​ന്ന നി​ല​യി​ലാ​യി​രു​ന്നു. സം​ഭ​വ​ത്തി​ൽ ക​ള്ള​ൻ ക​പ്പ​ലി​ൽ ത​ന്നെ​യാ​യി​രു​ന്നു. പ​രാ​തി​ക്കാ​രി​യു​ടെ അ​ടു​ത്ത ബ​ന്ധു​വാ​യ പ്ര​തി സി​ദ്ധാ​ർ​ഥി​നെ 24 മ​ണി​ക്കൂ​റി​ന​കം പി​ടി​കൂ​ടി​യ​ത് പൊ​ലീ​സി​ന് നേ​ട്ട​മാ​യി.

സ്വ​ന്തം വീ​ട്ടി​ലെ മോ​ഷ​ണം സം​ശ​യി​ക്കാ​തി​രി​ക്കാ​ൻ പ്ര​ഫ​ഷ​ന​ൽ ക​ള്ള​ൻ​മാ​രെ​പോ​ലെ വീ​ടി​ന്റെ ഗ്രി​ല്ലും കു​ത്തി​ത്തു​റ​ക്കു​ക​യും അ​ല​മാ​ര ഇ​ല​ക്ട്രി​ക് ക​ട്ട​ർ ഉ​പ​യോ​ഗി​ച്ച് ത​ക​ർ​ക്കു​ക​യു​മാ​യി​രു​ന്നു. ഇ​യാ​ൾ​ക്ക് പാ​ല​ക്കാ​ടും കോ​ട്ട​യ​വും അ​ട​ക്കം വി​വി​ധ​യി​ട​ങ്ങ​ളി​ൽ മോ​ഷ​ണ കേ​സു​ക​ൾ നി​ല​വി​ലു​ണ്ട്.

ചോ​ര വീ​ണു...

വീ​ട്ടു​കാ​രെ അ​ക്ര​മി​ച്ച് ആ​ഭ​ര​ണ​ങ്ങ​ൾ ക​വ​രു​ന്ന സം​ഭ​വ​ങ്ങ​ളും വ​ർ​ധി​ക്കു​ക​യാ​ണ്. ഇ​ത്ത​രം ക​വ​ർ​ച്ച​ക്ക് പി​ന്നി​ൽ പ​ല​പ്പോ​ഴും ഇ​ത​ര​സം​സ്ഥാ​ന മോ​ഷ്ടാ​ക്ക​ളാ​ണെ​ന്നാ​ണ് ക​ണ്ടെ​ത്ത​ൽ.​​ സ്വ​ർ​ണാ​ഭ​ര​ണ​ങ്ങ​ളും മൊ​ബൈ​ൽ ഫോ​ണു​മാ​ണ് ഇ​വ​ർ ഉ​ന്നം വെ​ക്കു​ന്ന​ത്. 2021 സെ​പ്റ്റം​ബ​റി​ൽ പ്ര​ഭാ​ത സ​മ​സ്​​കാ​ര​ത്തി​ന്​ അം​ഗ​ശു​ദ്ധി വ​രു​ത്താ​ൻ പു​റ​ത്തി​റ​ങ്ങി​യ വാ​രം എ​ള​യാ​വൂ​രി​ലെ കെ.​പി. ആ​യി​ഷ​ക്ക് മോ​ഷ്ടാ​വി​ന്റെ അ​ക്ര​മ​ത്തി​ൽ ജീ​വ​ൻ ത​ന്നെ ന​ഷ്ട​മാ​യി. പൈ​പ്പ് ലൈ​ൻ അ​ട​ച്ച​ശേ​ഷം ആ​യി​ഷ പു​റ​ത്തി​റ​ങ്ങു​ന്ന​ത് കാ​ത്തി​രു​ന്ന ​പ്ര​തി അ​വ​രു​ടെ ചെ​വി മു​റി​ച്ചെ​ടു​ത്താ​ണ് സ്വ​ര്‍ണ​ക്ക​മ്മ​ലു​ക​ള്‍ ക​വ​ർ​ന്ന​ത്. അ​തീ​വ​ഗു​രു​ത​രാ​വ​സ്ഥ​യി​ല്‍ ആ​ശു​പ​ത്രി​യി​ല്‍ ക​ഴി​യ​വേ​യാ​ണ് ആ​യി​ഷ മ​രി​ച്ച​ത്. സം​ഭ​വ​ത്തി​ൽ അ​സം സ്വ​ദേ​ശി​യാ​ണ് പി​ടി​യി​ലാ​യ​ത്. വെ​ള്ള​മെ​ടു​ക്കാ​നും അ​ല​ക്കി​യ വ​സ്ത്ര​ങ്ങ​ളെ​ടു​ക്കാ​നും രാ​ത്രി പു​റ​ത്തി​റ​ങ്ങു​ന്ന വീ​ട്ട​മ്മാ​രു​ടെ ആ​ഭ​ര​ണ​ങ്ങ​ൾ പി​ടി​ച്ചു​പ​റി​ക്കു​ക​യും പ​രി​ക്കേ​ൽ​പ്പിക്കു​ക​യും ചെ​യ്യു​ന്ന സ്ഥി​രം സം​ഘ​ങ്ങ​ൾ വ​രെ ക​ണ്ണൂ​രി​ലു​ണ്ട്.

2018ൽ ​മാ​തൃ​ഭൂ​മി ന്യൂ​സ് എ​ഡി​റ്റ​ര്‍ വി​നോ​ദ് ച​ന്ദ്ര​നെ​യും ഭാ​ര്യ​യെ​യും വീ​ട്ടി​ല്‍ അ​തി​ക്ര​മി​ച്ചു​ക​യ​റി കെ​ട്ടി​യി​ട്ടു ക്രൂ​ര​മാ​യി മ​ര്‍ദ്ദി​ച്ച​തി​നു ശേ​ഷം അ​ല​മാ​ര ത​ക​ര്‍ത്ത് പ​ണ​വും 25 പ​വ​നും മൂ​ന്ന് മൊ​ബൈ​ല്‍ ഫോ​ണും ക​വ​ര്‍ന്ന​ത് ബം​ഗ്ലാ​ദേ​ശ്‌ സ്വ​ദേ​ശി​ക​ളാ​യി​രു​ന്നു. റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തും ആ​ളൊ​ഴി​ഞ്ഞ വ​ഴി​ക​ളി​ലും കാ​ത്തി​രു​ന്ന് സ്ത്രീ​ക​ള​ു​ടെ​യും കു​ട്ടി​ക​ളു​ടെ​യും ആ​ഭ​ര​ണ​ങ്ങ​ളും പ​ണ​വും ഫോ​ണും ക​വ​രു​ന്ന സം​ഭ​വ​ങ്ങ​ളും ഏ​റെ​യാ​ണ്.

റെ​യി​ൽ​വേ സ്റ്റേ​ഷ​ൻ കേ​ന്ദ്രീ​ക​രി​ച്ച് നി​ര​വ​ധി ​ക​വ​ർ​ച്ച സം​ഘ​ങ്ങ​ളു​ണ്ട്.

പ​ഴു​തു​ക​ള​ട​ക്കാം ജാ​ഗ്ര​ത​യോ​ടെ

അ​ട​ച്ചി​ട്ട വീ​ടു​ക​ളി​ലാ​ണ് മി​ക്ക മോ​ഷ​ണ​വും ന​ട​ക്കു​ന്ന​ത്. കു​റ​ച്ചു ദി​വ​സ​ത്തേ​ക്കു വീ​ടു​പൂ​ട്ടി പോ​കു​മ്പോ​ൾ സ​മീ​പ പൊ​ലീ​സ് സ്റ്റേ​ഷ​നി​ലും വി​ശ്വ​സ്ത​രാ​യ അ​യ​ൽ​ക്കാ​രെ​യും അ​റി​യി​ക്കാം.

അ​പ​രി​ചി​ത​ർ ചു​റ്റി​ത്തി​രി​യു​ന്ന​തു ക​ണ്ടാ​ൽ പൊ​ലീ​സി​ൽ അ​റി​യി​ക്ക​ണം.

പ​ത്ര​ങ്ങ​ളും മ​റ്റും മു​റ്റ​ത്ത് കൂ​ടി​ക്കി​ട​ക്കു​ന്ന​തു വീ​ട്ടി​ൽ ആ​രു​മി​ല്ലെ​ന്ന സൂ​ച​ന ന​ൽ​കു​ന്ന​തി​നാ​ൽ ഈ ​സാ​ഹ​ച​ര്യം ഒ​ഴി​വാ​ക്കു​ക. ക​മ്പി​പ്പാ​ര, ഏ​ണി, മ​ഴു തു​ട​ങ്ങി​യ​വ ആ​യു​ധ​ങ്ങ​ളും ഉ​പ​ക​ര​ണ​ങ്ങ​ളും വീ​ടി​ന് സ​മീ​പം ഇ​ടാ​തി​രി​ക്കു​ക. ഇ​ത് മോ​ഷ്ടാ​ക്ക​ളു​ടെ പ​ണി എ​ഴു​പ്പ​ത്തി​ലാ​ക്കും. സി.​സി.​ടി.​വി​യും സു​ര​ക്ഷ അ​ലാ​റ​വും സ​ജ്ജീ​ക​രി​ക്കു​ന്ന​ത് ന​ന്നാ​വും.

പ​ള്ളി​ക്കു​ന്നി​ൽ മോ​ഷ​ണം; അ​ഞ്ച് പ​വ​ൻ ക​വ​ർ​ന്നു

ക​ണ്ണൂ​ർ: പ​ള്ളി​ക്കു​ന്നി​ൽ വീ​ട് കു​ത്തി​ത്തു​റ​ന്ന് അ​ഞ്ച് പ​വ​ൻ സ്വ​ർ​ണ​വും 10,000 രൂ​പ​യും ക​വ​ർ​ന്നു. ശ്രീ​പു​രം ഇം​ഗ്ലീ​ഷ് മീ​ഡി​യം സ്കൂ​ളി​ന് സ​മീ​പം സൗ​പ​ർ​ണി​ക​യി​ൽ അ​നി​ത​യു​ടെ വീ​ട്ടി​ലാ​ണ് തി​ങ്ക​ളാ​ഴ്ച പു​ല​ർ​ച്ച​യോ​ടെ ക​വ​ർ​ച്ച ന​ട​ന്ന​ത്. താ​മ​സ​ക്കാ​രാ​യ അ​നി​ത​യും മ​ക​ൾ ആ​തി​ര​യും കു​ഞ്ഞും ഞാ​യ​റാ​ഴ്ച വൈ​കി​ട്ട് കൊ​റ്റാ​ളി​യി​ലെ ബ​ന്ധു​വീ​ട്ടി​ൽ പോ​യി​രു​ന്നു. പു​ല​ർ​ച്ചെ വീ​ടി​ന്റെ വാ​തി​ൽ തു​റ​ന്നു​കി​ട​ക്കു​ന്ന​ത് ക​ണ്ട അ​ടു​ത്ത വീ​ട്ടി​ലെ ബ​ന്ധു അ​നി​ത​യെ വി​വ​രം അ​റി​യി​ക്കു​ക​യാ​യി​രു​ന്നു. ജ​ന​ൽ ഗ്ലാ​സ് ത​ക​ർ​ത്ത് സോ​ഫ​യി​ലു​ണ്ടാ​യി​രു​ന്ന ആ​തി​ര​യു​ടെ ബാ​ഗി​ൽ​നി​ന്ന് താ​ക്കോ​ൽ എ​ടു​ത്താ​ണ് വീ​ട് തു​റ​ന്ന​ത്. മു​ക​ൾ നി​ല​യി​ലെ അ​ട​ക്കം മു​റി​ക​ളി​​ലെ അ​ല​മാ​ര​ക​ൾ വാ​രി വ​ലി​ച്ചി​ട്ട നി​ല​യി​ലാ​ണ്. അ​ടു​ക്ക​ള വാ​തി​ലും തു​റ​ന്നി​ട്ട നി​ല​യി​ൽ. ക​മ്മ​ൽ, മോ​തി​ര​ങ്ങ​ൾ എ​ന്നി​വ​യാ​ണ് മോ​ഷ​ണം പോ​യ​ത്. സ​മീ​പ​ത്തെ ര​മേ​ശ​ന്റെ വീ​ട്ടി​ലും മോ​ഷ​ണ ശ്ര​മം ന​ട​ന്നി​ട്ടു​ണ്ട്. ഇ​വി​ടെ​യും ജ​ന​ൽ ത​ക​ർ​ത്ത നി​ല​യി​ലാ​ണ്. ടൗ​ൺ പൊ​ലീ​സും ഡോ​ഗ് സ്ക്വാ​ഡും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.