കള്ളക്കടത്തിന്റെ തലക്കനത്തിൽ കഴുത്തൊടിഞ്ഞവർ

കേ​ള​കം: ക​ള്ള​ക്ക​ട​ത്തി​ന്റെ ത​ല​ക്ക​ന​ത്താ​ൽ ക​ഴു​ത്തൊ​ടി​ഞ്ഞ മ​നു​ഷ്യ​ർ. കു​ട​ക് മേ​ഖ​ല​ക​ളി​ലേ​ക്ക് ക​ശു​വ​ണ്ടി​ക്ക​ട​ത്ത് ന​ട​ത്തി ഉ​പ​ജീ​വ​നം ന​ട​ത്തി​യ​തി​ന്‍റെ മ​ധു​ര സ്മ​ര​ണ​ക​ളാ​ണ് ക​ണ്ണൂ​രി​ന്‍റെ മ​ല​യോ​ര ഗ്രാ​മ​ങ്ങ​ൾ​ക്ക് പ​റ​യാ​നു​ള്ള​ത്. 1980-90 കാ​ല​ഘ​ട്ട​ത്തി​ൽ ക​ണ്ണൂ​ർ ജി​ല്ല​യു​ടെ ക​ർ​ണാ​ട​ക അ​തി​ർ​ത്തി പ​ങ്കി​ടു​ന്ന മേ​ഖ​ല​ക​ളി​ൽ ഉ​ത്സ​വ പ്ര​തീ​തി​യാ​യി​രു​ന്നു. .

രാ​ത്രി ന​ഗ​ര​മു​റ​ങ്ങു​മ്പോ​ൾ ക​ർ​ണാ​ട​ക​ത്തി​ലെ അ​തി​ർ​ത്തി പ്ര​ദേ​ശ​മാ​യ മാ​ക്കൂ​ട്ടം, ബ​ർ​ണാ​നി വ​ന​ത്തി​ലേ​ക്ക് ക​ശു​വ​ണ്ടി ചാ​ക്കു​ക​ൾ ഇ​രു​മു​ടി കെ​ട്ടി ഓ​രോ കു​ടും​ബ​വും യാ​ത്ര തു​ട​ങ്ങും. വീ​ടു​ക​ളും ക​ട​ക​ളും ക​യ​റി​യി​റ​ങ്ങി ക​ശു​വ​ണ്ടി വാ​ങ്ങി മൂ​ന്നു ബാ​റ്റ​റി​യു​ടെ പി​ച്ച​ള ടോ​ർ​ച്ചു​മെ​ടു​ത്ത്‌ പൊ​ലീ​സ് ചെ​ക്പോ​സ്റ്റു​ക​ളും ഒ​റ്റു​കാ​രും ഒ​ളി​ച്ചി​രി​ക്കു​ന്ന കാ​ട്ടി​ലൂ​ടെ കി​ലോ​മീ​റ്റ​റു​ക​ൾ നീ​ളു​ന്ന യാ​ത്ര, നേ​രം വെ​ളു​ക്കു​ന്ന​തു​വ​രെ.

അ​ന്ന് ന​ട​ന്ന ദൂ​ര​ത്തി​ന്റെ പ​കു​തി​പോ​ലും പി​ന്നീ​ട് ഒ​രി​ക്ക​ലും ന​ട​ക്കേ​ണ്ടി വ​ന്നി​ട്ടി​ല്ല​ന്നാ​ണ് അ​നു​ഭ​വ​സ്ഥ​ർ പ​റ​യു​ന്ന​ത്. അ​ന്നെ​ടു​ത്ത ചു​മ​ടി​നോ​ളം വ​രി​ല്ല മു​ഴു​വ​ൻ ജീ​വി​ത​ത്തി​ന്റെ ക​ന​വു​മ​ത്രെ. ആ ​ഓ​ർ​മ​ക​ൾ​ക്ക് ത​ന്നെ ക​ഴു​ത്തൊ​ടി​യു​ന്ന ക​ന​മു​ണ്ട്. കാ​ട്ടാ​ന​ക​ളും കാ​ട്ട് ജീ​വി​ക​ളും കു​ട​ക് -കേ​ര​ള വ​ന​മേ​ഖ​ല​ക​ളി​ൽ എ​ത്തു​ന്ന​തി​ന് മു​മ്പ് ക​ശു​വ​ണ്ടി ചു​മ​ടേ​ന്തി വ​ന​ത്തി​ലൂ​ടെ കി​ലോ​മീ​റ്റ​റു​ക​ൾ പോ​ലും സ​ഞ്ച​രി​ക്കാ​ൻ ക​ഴി​ഞ്ഞി​രു​ന്ന അ​ക്കാ​ല​ത്ത് കേ​ള​കം പ​ഞ്ചാ​യ​ത്തി​ലെ അ​ട​ക്കാ​ത്തോ​ട് ടൗ​ൺ ജ​ന​നി​ബി​ഡ​മാ​യി​രു​ന്നു.

മ​ല​പ്പു​റം, പാ​ല​ക്കാ​ട്, വ​യ​നാ​ട്, കോ​ഴി​ക്കോ​ട് ജി​ല്ല​ക​ളി​ൽ നി​ന്നും തൊ​ഴി​ൽ തേ​ടി​യെ​ത്തി​യ​വ​ർ​ക്ക് ക​ശു​വ​ണ്ടി ചു​മ​ടു​ക​ൾ ന​ൽ​കി​യി​രു​ന്ന​വ​ർ ഏ​റെ​യാ​ണ്. ചു​മ​ട്ടു​കൂ​ലി കു​റ​വാ​യി​രു​ന്ന അ​ക്കാ​ല​ത്ത് ഒ​രു കി​ലോ ഗ്രാം ​ക​ശു​വ​ണ്ടി കാ​ന​ന​പാ​ത​ക​ളും കു​ന്നും മ​ല​ക​ളും താ​ണ്ടി ക​ർ​ണാ​ട​ക​യി​ലെ ബ​ർ​ണാ​നി​യി​ലും, മാ​ക്കൂ​ട്ട​ത്തും ഡി​പ്പോ​യി​ൽ എ​ത്തി​ക്കു​ന്ന​തി​ന് കൂ​ലി 90 പൈ​സ മു​ത​ൽ ഒ​ന്നേ​കാ​ൽ രൂ​പ വ​രെ മാ​ത്രം.

ജ​ന​ത കൈ​ലി വി​പ​ണി​യി​ൽ എ​ത്തി​യ അ​ക്കാ​ല​ത്ത് കു​ഴ​ൽ പോ​ലെ തു​ന്നി തൈ​ച്ച് വ​യ​മ്പ​യാ​ക്കി ര​ണ്ട് ഭാ​ഗ​ങ്ങ​ളി​ൽ കൃ​ത്യ​മാ​യ തൂ​ക്കം ക​ശു​വ​ണ്ടി നി​റ​ച്ച് ഇ​രു​മു​ടി​ക്കെ​ട്ടാ​ക്കി ക​ശു​വ​ണ്ടി ചു​മ​ക്കു​ന്ന​തി​നാ​യി​രു​ന്നെ​ന്നും നാ​ട്ടു​കാ​രോ​ർ​ക്കു​ന്നു. ക​ണ്ണൂ​ർ ജി​ല്ല​യി​ൽ ല​ഭി​ച്ചി​രു​ന്ന​തി​ലും കൂ​ടു​ത​ൽ വി​ല ല​ഭി​ച്ച​തു​കൊ​ണ്ടാ​യി​രു​ന്നു പ്ര​തി​ബ​ന്ധ​ങ്ങ​ള​വ​ഗ​ണി​ച്ച് ക​ശു​വ​ണ്ടി ക​ർ​ണാ​ട​ക​യി​ലേ​ക്ക് ക​ട​ത്താ​ൻ പ്രേ​രി​പ്പി​ച്ച​ത്. പി​ൽ​കാ​ല​ത്താ​ണ് ഇ​ത് ത​ട​യാ​ൻ സ​ർ​ക്കാ​ർ ക​ശു​വ​ണ്ടി​ക്ക് ത​റ​വി​ല നി​ശ്ച​യി​ച്ച് സം​ഭ​ര​ണം ആ​രം​ഭി​ച്ച​ത്.