വളപട്ടണം മിനി ഇൻഡസ്ട്രിയൽ എസ്റ്റേറ്റ്; പഞ്ചായത്തിന്​ തിരികെ ലഭിക്കാൻ നടപടിയില്ല

വ​ള​പ​ട്ട​ണം: വ​ള​പ​ട്ട​ണം പ​ഞ്ചാ​യ​ത്ത്‌ മി​നി ഇ​ൻ​ഡ​സ്ട്രി​യ​ൽ എ​സ്റ്റേ​റ്റ് പ്ര​വ​ർ​ത്ത​ന​ത്തി​ൽ നി​യ​മ​വി​രു​ദ്ധ നി​ല​പാ​ട്. 1975ൽ ​പ​ഞ്ചാ​യ​ത്തി​ന്റെ ഉ​ട​മ​സ്ഥ​ത​യി​ലു​ള്ള 2.25 ഏ​ക്ക​ർ ഭൂ​മി​യി​ൽ​പ്പെ​ട്ട സ്ഥ​ലം പൊ​തു​മേ​ഖ​ല സ്ഥാ​പ​ന​മാ​യ സി​ഡ്കോ​വി​ന് 30 വ​ർ​ഷം ക​ഴി​ഞ്ഞാ​ൽ തി​രി​ച്ചു​ത​ര​ണ​മെ​ന്ന നി​ബ​ന്ധ​ന​യി​ൽ പാ​ട്ട​ത്തി​ന്​ ന​ൽ​കി​യി​രു​ന്നു.

പി​ന്നീ​ട് മി​നി ഇ​ൻ​ഡ​സ്ട്രി​യ​ൽ എ​സ്റ്റേ​റ്റ് സ്ഥാ​പി​ച്ച് 11 മു​റി​ക​ളു​ള്ള കെ​ട്ടി​ടം നി​ർ​മി​ക്കു​ക​യും വി​വി​ധ സം​രം​ഭ​ക​ർ​ക്ക് ന​ൽ​കു​ക​യും ചെ​യ്തു. എ​ന്നാ​ൽ, 49 വ​ർ​ഷ​മാ​യി​ട്ടും സി​ഡ്​​കോ കെ​ട്ടി​ട​മോ ഭൂ​മി​യോ പ​ഞ്ചാ​യ​ത്തി​ന് വി​ട്ടു​കൊ​ടു​ക്കാ​തെ കൈ​വ​ശം വെ​ച്ചി​രി​ക്കു​ക​യാ​ണ്.

11 മു​റി​ക​ളി​ലാ​യി സം​രം​ഭ​ങ്ങ​ൾ പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും നി​കു​തി​യി​ന​ത്തി​ൽ തു​ച്ഛ​മാ​യ വ​രു​മാ​നം മാ​ത്ര​മാ​ണ് പ​ഞ്ചാ​യ​ത്തി​ന് ല​ഭി​ക്കു​ന്ന​തെ​ന്നാ​ണ് ആ​ക്ഷേ​പം.

എ​ന്നാ​ൽ, കൈ​വ​ശ​ക്കാ​രാ​യ ന​ട​ത്തി​പ്പു​കാ​ർ മ​റു​വാ​ട​ക​ക്ക് ന​ൽ​കി ല​ക്ഷ​ങ്ങ​ൾ സമ്പാ​ദി​ക്കു​ന്ന​താ​യി പ​രാ​തി​യു​ണ്ട്. അ​തി​നി​ടെ വ​ർ​ഷ​ങ്ങ​ൾ​ക്കു​മു​മ്പ് മി​നി വ്യ​വ​സാ​യ കേ​ന്ദ്ര​ത്തി​ന്റെ കെ​ട്ടി​ട​ത്തി​ന്​ സ​മാ​ന്ത​ര​മാ​യി പ​ഞ്ചാ​യ​ത്ത്‌ ഭൂ​മി​യി​ൽ കൈ​വ​ശ​ക്കാ​രി​ൽ ഒ​രാ​ൾ അ​ന​ധി​കൃ​ത​മാ​യി ര​ണ്ട് മു​റി​ക​ൾ കൂ​ടി നി​ർ​മി​ക്കു​ക​യു​ണ്ടാ​യി.

കെ​ട്ടി​ട​ത്തി​ന് ന​മ്പ​ർ ഇ​ല്ലാ​ത്ത​തി​നാ​ൽ വാ​ട​ക​യോ കെ​ട്ടി​ട നി​കു​തി​യോ പ​ഞ്ചാ​യ​ത്തി​ന്​ ല​ഭി​ക്കു​ന്നി​ല്ല. മെ​ഴു​കു​തി​രി നി​ർ​മാ​ണം, തീ​പ്പെ​ട്ടി നി​ർ​മാ​ണം, സോ​പ്പ് നി​ർ​മാ​ണം, കൈ​ത്ത​റി പോ​ലു​ള്ള ചെ​റു​കി​ട സം​രം​ഭ​ങ്ങ​ൾ എ​ന്നി​വ​ക്ക്​ മാ​ത്ര​മേ അ​നു​മ​തി​യു​ള്ളൂവെ​ന്ന നി​ബ​ന്ധ​ന​യു​മു​ണ്ടാ​യി​രു​ന്നു.

എ​ന്നാ​ൽ, നി​ബ​ന്ധ​ന​ക​ൾ കാ​റ്റി​ൽ പ​റ​ത്തി മ​ര​ത്ത​ടി സം​ബ​ന്ധ​മാ​യ വ്യ​വ​സാ​യ​ങ്ങ​ളാ​ണ് ഇ​വി​ടെ ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്. ഇ​താ​വ​ട്ടെ മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ന്റെ അ​നു​മ​തി വേ​ണ്ട സം​രം​ഭ​ങ്ങ​ളാ​ണ്.

ഏ​താ​നും മീ​റ്റ​ർ അ​ക​ലെ മാ​ത്രം ആ​രോ​ഗ്യ​കേ​ന്ദ്രം സ്ഥി​തി ചെ​യ്യു​ന്ന​തി​നാ​ൽ പ്ര​വ​ർ​ത്ത​നാ​നു​മ​തി ല​ഭി​ക്കി​ല്ല. പാ​ഴ് വ​സ്തു​ക്ക​ൾ ശേ​ഖ​രി​ച്ച് വി​ൽ​പ​ന ന​ട​ത്തു​ന്ന സ്ക്രാ​പ് വ്യാ​പാ​രി​യും ഇ​വി​ടെ ഒ​രു​ മു​റി​യി​ൽ പ്ര​വ​ർ​ത്തി​ക്കു​ന്നു​ണ്ട്. ഒരു വാ​ട​ക​യും ന​ൽ​കാ​തെ പ​ഞ്ചാ​യ​ത്തി​ന്റെ സ്ഥ​ല​ത്താ​ണ് പാ​ഴ് വ​സ്തു​ക്ക​ൾ അ​ല​ക്ഷ്യ​മാ​യി കൂ​ട്ടി​യി​ട്ടി​രി​ക്കു​ന്ന​ത്. ഇ​ത് തീ​പി​ടി​ത്തം പോ​ലു​ള്ള വ​ൻ അ​പ​ക​ട​ങ്ങ​ൾ​ക്ക് കാ​ര​ണ​മാ​കും.

മ​റ്റ് പൊ​തു​ ആ​വ​ശ്യ​ങ്ങ​ൾ​ക്ക് പ​ഞ്ചാ​യ​ത്തി​ന് കൂ​ടു​ത​ൽ പൊ​തു​സ്ഥ​ലം ല​ഭ്യ​മ​ല്ലാ​ത്ത​തി​നാ​ലും ക​രാ​ർ കാ​ലാ​വ​ധി ക​ഴി​ഞ്ഞ​തി​നാ​ലും മി​നി വ്യ​വ​സാ​യ കേ​ന്ദ്രം പ​ഞ്ചാ​യ​ത്തി​ന് തി​രി​ച്ച് ഏ​ൽ​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് 2021 സെ​പ്റ്റം​ബ​ർ 20ന് ​പ​ഞ്ചാ​യ​ത്ത്‌ ഭ​ര​ണ സ​മി​തി പ്ര​മേ​യം പാ​സാ​ക്കി ചീ​ഫ് സെ​ക്ര​ട്ട​റി​ക്ക്‌ ന​ൽ​കി​യി​രു​ന്നു. സി​ഡ്കോ​ക്കും ജി​ല്ല ക​ല​ക്ട​ർ​ക്കും ക​ത്ത് ന​ൽ​കി​യെ​ങ്കി​ലും ഇ​തു​വ​രെ തു​ട​ർ ന​ട​പ​ടി​യാ​യി​ല്ല.

എ​ന്നാ​ൽ, മു​മ്പ് കൈ​വ​ശം വെ​ച്ചി​രു​ന്ന സം​രം​ഭ​ക​ർ കൈ​വ​ശ​ക​രാ​ർ രേ​ഖ ഉ​ണ്ടാ​ക്കി കെ​ട്ടി​ടം പ​ണം വാ​ങ്ങി മ​റി​ച്ചു​വി​ൽ​ക്കു​ക​യും മ​റു​വാ​ട​ക​ക്ക് ന​ൽ​കി നി​യ​മ വി​രു​ദ്ധ​മാ​യി ല​ക്ഷ​ങ്ങ​ൾ സ​മ്പാ​ദി​ക്കു​ക​യു​മാ​ണ്. ഇ​തി​നി​ടെ ഭൂ​മി​യു​ടെ അ​വ​കാ​ശം സം​ബ​ന്ധി​ച്ച് ത​ർ​ക്കം ഉ​ണ്ടാ​യെ​ങ്കി​ലും ഭൂ​മി ഗ്രാ​മ പ​ഞ്ചാ​യ​ത്തി​ന്റെ ഉ​ട​മ​സ്ഥ​ത​യി​ൽ ത​ന്നെ​യാ​ണെ​ന്ന് വ​ള​പ​ട്ട​ണം വി​ല്ലേ​ജ് ഓ​ഫി​സ​ർ സാ​ക്ഷ്യ​പ​ത്രം ന​ൽ​കി​യി​രു​ന്നു.

സം​സ്ഥാ​ന​ത്തെ ഏ​റ്റ​വും ചെ​റി​യ ഗ്രാ​മ​പ​ഞ്ചാ​യ​ത്താ​യ വ​ള​പ​ട്ട​ണ​ത്ത് ഭൂ​മി​യു​ടെ ദൗ​ർ​ല​ഭ്യം മ​റ്റ് സം​രം​ഭ​ങ്ങ​ൾ തു​ട​ങ്ങു​ന്ന​തി​ന് വി​ല​ങ്ങ് ത​ടി​യാ​വു​ക​യാ​ണ്. വ്യ​വ​സാ​യ കേ​ന്ദ്ര​ത്തി​ന്റെ ന​ട​ത്തി​പ്പി​ലൂ​ടെ​യും വാ​ട​ക​യി​ന​ത്തി​ൽ കൂ​ടി​യും പ​ഞ്ചാ​യ​ത്തി​ന് ല​ക്ഷ​ക്ക​ണ​ക്കി​ന് രൂ​പ വ​രു​മാ​നം നേ​ടാ​മെ​ന്നി​രി​ക്കെ വ്യ​വ​സാ​യ കേ​ന്ദ്രം യ​ഥാ​ർ​ഥ അ​വ​കാ​ശി​യാ​യ പ​ഞ്ചാ​യ​ത്തി​ന് ല​ഭി​ക്കു​വാ​നു​ള്ള ശ്ര​മ​ങ്ങ​ൾ​ക്ക് വേ​ഗ​ത്തി​ൽ ഫ​ലം കാ​ണേ​ണ്ട​തു​ണ്ട്.

ന​ട​പ​ടി നീ​ളു​ന്ന പ​ക്ഷം പൊ​തു​പ്ര​വ​ർ​ത്ത​ക​ർ ഇ​തു​സം​ബ​ന്ധി​ച്ച് ഹൈ​കോ​ട​തി​യി​ൽ പൊ​തു​താ​ൽ​പ​ര്യ ഹ​ര​ജി ന​ൽ​കാ​നു​ള്ള ഒ​രു​ക്ക​ത്തി​ലാ​ണ്.