വയനാട് ദുരന്തം: സേനക്ക് കണ്ണൂരിൽ സ്വീകരണം
text_fieldsകണ്ണൂർ ഡി.എസ്.സിയിലെ അംഗങ്ങൾക്ക് കോർപറേഷൻ സ്വീകരണം നൽകിയപ്പോൾ
കണ്ണൂർ: വയനാട് ജില്ലയിലെ ചൂരൽമലയിലും മുണ്ടക്കൈയിലുമുണ്ടായ ഉരുൾപൊട്ടലിൽ സ്ഥലത്ത് രക്ഷാദൗത്യത്തിന് നേതൃത്വം നൽകി തിരിച്ചെത്തിയ കണ്ണൂർ ഡി.എസ്.സിയിലെ അംഗങ്ങൾക്ക് കോർപറേഷൻ സ്വീകരണം നൽകി. സേനാ നായകൻ കേണൽ പരം ജിത്ത് സിങ്ങിനെ മേയർ മുസ്ലിഹ് മഠത്തിൽ ഷാൾ അണിയിച്ചും മധുരം നൽകിയും സ്വീകരിച്ചു. 150ഓളം വരുന്ന സംഘമാണ് വയനാട് രക്ഷാദൗത്യത്തിന് കണ്ണൂരിൽനിന്നും പുറപ്പെട്ടത്.
സ്വീകരണ പരിപാടിയിൽ ഡെപ്യൂട്ടി മേയർ അഡ്വ. പി. ഇന്ദിര, മുൻ മേയർ ടി.ഒ. മോഹനൻ, സ്ഥിരം സമിതി അധ്യക്ഷൻമാരായ ഷമീമ, എം.പി. രാജേഷ്, സുരേഷ് ബാബു എളയാവൂർ, കൗൺസിലർമാരായ ജയ സൂര്യ, പി.കെ. അൻവർ, സി.എച്ച് ആസിമ, ബീബി, സുനിഷ എന്നിവർ പങ്കെടുത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.