കുതിപ്പോടെ ദേശീയപാത പ്രവൃത്തി: ഇനി പുതുവേഗം

ക​ണ്ണൂ​ർ: ദേ​ശീ​യ​പാ​ത 66 ആ​റു​വ​രി പാ​ത​യാ​ക്കു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ ജി​ല്ല​യി​ൽ അ​തി​വേ​ഗം പു​രോ​ഗ​മി​ക്കു​ന്നു. ഇ​തി​ന്റെ ഭാ​ഗ​മാ​യു​ള്ള ബൈ​പാ​സു​ക​ൾ, പാ​ല​ങ്ങ​ൾ, ഫ്ലൈ ​ഓ​വ​റു​ക​ൾ എ​ന്നി​വ നി​ല​വി​ൽ വ​രു​ന്ന​തോ​ടെ ദേ​ശീ​യ​പാ​ത​യു​ടെ മു​ഖ​ച്ഛാ​യ മാ​റും. ദേ​ശീ​യ​പാ​ത വ​ട​ക്ക് ക​രി​വെ​ള്ളൂ​രി​ൽ​നി​ന്ന് തു​ട​ങ്ങി മു​ഴ​പ്പി​ല​ങ്ങാ​ട് അ​വ​സാ​നി​ക്കു​ന്ന​തു​വ​രെ 22 വി​ല്ലേ​ജു​ക​ളി​ലൂ​ടെ​യാ​ണ് പോ​വു​ന്ന​ത്.

ജി​ല്ല​യി​ൽ നാ​ല് ബൈ​പാ​സു​ക​ൾ, ഏ​ഴ് വ​ലി​യ പാ​ല​ങ്ങ​ൾ, ഏ​ഴ് ഫ്ലൈ ​ഓ​വ​റു​ക​ൾ എ​ന്നി​വ​യാ​ണ് ദേ​ശീ​യ​പാ​ത ന​വീ​ക​ര​ണ​ത്തി​ന്റെ ഭാ​ഗ​മാ​യി നി​ർ​മി​ക്കു​ന്ന​ത്. പ​യ്യ​ന്നൂ​ർ (3.82 കി​ലോ​മീ​റ്റ​ർ), ത​ളി​പ്പ​റ​മ്പ് (5.66), ക​ണ്ണൂ​ർ (13.84 ), ത​ല​ശ്ശേ​രി -മാ​ഹി (18.6 കി​ലോ മീ​റ്റ​ർ) എ​ന്നീ നാ​ല് ബൈ​പാ​സു​ക​ളാ​ണ് ദേ​ശീ​യ​പാ​ത​യി​ലു​ണ്ടാ​വു​ക. ഭൂ​മി ഏ​റ്റെ​ടു​ക്ക​ൽ പൂ​ർ​ത്തി​യാ​ക്കി ര​ണ്ട് റീ​ച്ചു​ക​ളി​ൽ ഭൂ​മി നി​ര​പ്പാ​ക്ക​ൽ, മ​ര​ങ്ങ​ൾ മു​റി​ക്ക​ൽ, കെ​ട്ടി​ട​ങ്ങ​ൾ പൊ​ളി​ക്ക​ൽ, വൈ​ദ്യു​തി തൂ​ണു​ക​ൾ മാ​റ്റി​സ്ഥാ​പി​ക്ക​ൽ എ​ന്നി​വ ഏ​താ​ണ്ട് പൂ​ർ​ത്തി​യാ​യി. പു​തി​യ പാ​ല​ങ്ങ​ൾ​ക്കാ​യു​ള്ള പൈ​ലി​ങ്​ പ്ര​വൃ​ത്തി​ക​ളും ആ​രം​ഭി​ച്ചു.

ദേ​ശീ​യ​പാ​ത ആ​റു​വ​രി​യാ​ക്ക​ലി​ൽ കാ​സ​ർ​കോ​ട് ജി​ല്ല​യി​ലെ നീ​ലേ​ശ്വ​രം മു​ത​ൽ ക​ണ്ണൂ​ർ ജി​ല്ല​യി​ലെ ത​ളി​പ്പ​റ​മ്പു​വ​രെ ഒ​റ്റ റീ​ച്ചാ​ണ്. ഇ​ത് 40.110 കി​ലോ മീ​റ്റ​ർ വ​രും. ജി​ല്ല​യി​ലെ ക​രി​വെ​ള്ളൂ​ർ, വെ​ള്ളൂ​ർ, ക​ണ്ടോ​ത്ത്, കോ​റോം, എ​ട​നാ​ട്, ചെ​റു​താ​ഴം, ക​ട​ന്ന​പ്പ​ള്ളി, പ​രി​യാ​രം, കു​പ്പം, ത​ളി​പ്പ​റ​മ്പ്​ എ​ന്നീ 10 വി​ല്ലേ​ജു​ക​ളി​ലൂ​ടെ​യാ​ണ് ഈ ​റീ​ച്ച് ക​ട​ന്നു​പോ​വു​ന്ന​ത്. 3799.36 കോ​ടി രൂ​പ​യാ​ണ് പ​ദ്ധ​തി ചെ​ല​വ്.

ത​ളി​പ്പ​റ​മ്പ് -മു​ഴ​പ്പി​ല​ങ്ങാ​ട് റീ​ച്ച് 29.948 കി​ലോ മീ​റ്റ​റാ​ണ്. മൊ​റാ​ഴ, ക​ല്യാ​ശ്ശേ​രി, പാ​പ്പി​നി​ശ്ശേ​രി, ചി​റ​ക്ക​ൽ, പു​ഴാ​തി, വ​ലി​യ​ന്നൂ​ർ, എ​ള​യാ​വൂ​ർ, ചേ​ലോ​റ, ചെ​മ്പി​ലോ​ട്, എ​ട​ക്കാ​ട്, ക​ട​മ്പൂ​ർ, മു​ഴ​പ്പി​ല​ങ്ങാ​ട് എ​ന്നീ 12 വി​ല്ലേ​ജു​ക​ളി​ലൂ​ടെ​യാ​ണ് ഈ ​റീ​ച്ച് ക​ട​ന്നു​പോ​വു​ന്ന​ത്. 3311.37 കോ​ടി രൂ​പ​യാ​ണ് പ​ദ്ധ​തി ചെ​ല​വ്. ര​ണ്ട് റീ​ച്ചു​ക​ളി​ലു​മാ​യി ജി​ല്ല​യി​ലെ ദേ​ശീ​യ​പാ​ത വീ​തി​കൂ​ട്ട​ലി​നാ​യി ഇ​തു​വ​രെ 200.5560 ഹെ​ക്ട​ർ ഭൂ​മി ദേ​ശീ​യ​പാ​ത അ​തോ​റി​റ്റി (എ​ൻ.​എ​ച്ച്.​എ.​ഐ) ഏ​റ്റെ​ടു​ത്തു. ഭൂ​മി​ക്കും കെ​ട്ടി​ട​ങ്ങ​ൾ​ക്കും ന​ഷ്ട​പ​രി​ഹാ​രം ന​ൽ​കാ​നാ​യി ദേ​ശീ​യ​പാ​ത അ​തോ​റി​റ്റി 2,260 കോ​ടി രൂ​പ​യാ​ണ് അ​നു​വ​ദി​ച്ച​ത്. ഇ​തി​ൽ സാ​ധു​വാ​യ രേ​ഖ​ക​ൾ ഹാ​ജ​രാ​ക്കാ​ത്ത ഏ​താ​നും പേ​ർ​ക്കൊ​ഴി​കെ ഭൂ​മി വി​ട്ടു​ന​ൽ​കി​യ മു​ഴു​വ​ൻ പേ​ർ​ക്കും ന​ഷ്ട​പ​രി​ഹാ​രം ന​ൽ​കി.

ഭൂ​മി ഏ​റ്റെ​ടു​ക്കു​ന്ന​തി​ന്റെ 25 ശ​ത​മാ​നം തു​ക സം​സ്ഥാ​ന സ​ർ​ക്കാ​റാ​ണ് വ​ഹി​ക്കു​ന്ന​ത്. 2013ലെ ​ഭൂ​മി​യേ​റ്റെ​ടു​ക്ക​ൽ ച​ട്ട പ്ര​കാ​രം ന​ഷ്ട​പ​രി​ഹാ​ര​മാ​യി ര​ണ്ടി​ര​ട്ടി​വ​രു​ന്ന മി​ക​ച്ച തു​ക​യാ​ണ് ഭൂ​വു​ട​മ​ക​ൾ​ക്ക് ന​ൽ​കു​ന്ന​ത്.