അത്യാഹിത വിഭാഗത്തിൽ ചികിത്സയില്ലാത്തത് പ്രതിഷേധാർഹം–എ.െഎ.വൈ.എഫ്

കാസർകോട്: ജില്ലയിലെ ആശുപത്രികളിലെ അത്യാഹിത വിഭാഗത്തിൽ ചികിത്സ സൗകര്യം ഇല്ലാത്തത് പ്രതിഷേധാർഹമെന്ന് എ.ഐ.വൈ.എഫ്.നിലവിൽ അപകടം പറ്റി എല്ലൊടിഞ്ഞവർക്ക് ഓർത്തോ സർജ​െൻറ സേവനം ജില്ലയിൽ കാസർകോട് ജനറൽ ആശുപത്രിയിൽ മാത്രമാണുള്ളത്. മേജർ ശസ്ത്രക്രിയക്ക് പല ആശുപത്രികളെയും ആശ്രയിക്കേണ്ട അവസ്​ഥയാണ്. സാധാരണ ജനവിഭാഗത്തെ സംബന്ധിച്ചിടത്തോളം ഏറെ പ്രയാസത്തിലാക്കുന്നതാണ് ഇപ്പോഴത്തെ സ്ഥിതി.

പരിയാരം മെഡിക്കൽ കോളജിൽ ജീവൻരക്ഷ ശസ്ത്രക്രിയകൾ മാത്രമാണ് ചെയ്യുന്നതെന്നാണ് രോഗികളോട് അറിയിക്കുന്നത്. അപകടത്തിൽ പെടുന്നവർ ദിവസങ്ങളോളം സർജറിക്കായി കാത്തുകിടക്കേണ്ടുന്ന സ്​ഥിതിയും ഉണ്ട്. ടാറ്റ ആശുപത്രി എല്ലാ സജ്ജീകരണങ്ങളോടെയും, ജില്ലയിലെ ഗവ. മെഡിക്കൽ കോളജ് അത്യാധുനിക രീതിയിൽ പ്രവർത്തനമാരംഭിച്ചും പൂർണമായും കോവിഡ് ആശുപത്രിയാക്കി മാറ്റി, ജില്ല ആശുപത്രിയെ കോവിഡ് മുക്​ത ആശുപത്രിയാക്കുകയാണ് വേണ്ടത്. അതിനാൽ സർക്കാർ അടിയന്തരമായും വിഷയത്തിലിടപെടണമെന്ന് എ.ഐ.വൈ.എഫ് ആവശ്യപ്പെട്ടു.

ജില്ല പ്രസിഡൻറ്​ ബിജു ഉണ്ണിത്താൻ അധ്യക്ഷത വഹിച്ചു. സംസ്ഥാന വൈസ് പ്രസിഡൻറ് അനിതരാജ്, ജില്ല സെക്രട്ടറി മുകേഷ് ബാലകൃഷ്ണൻ, എം.സി. അജിത്ത്, സനോജ് കാടകം, ധനീഷ് ബിരിക്കുളം എന്നിവർ സംസാരിച്ചു.