കെ.ആർ. ഗൗരിയമ്മ -കാസർകോട് ജില്ലയുടെ വ്യവസായ ഭൂപടം വരച്ച മന്ത്രി

കാസർകോട്​: അന്തരിച്ച മുൻ മന്ത്രി കെ.ആർ. ഗൗരിയമ്മ കാസർകോടി​െൻറ ചരിത്രത്തിലും വലിയ സംഭാവന നൽകിയ മഹദ്​​ വ്യക്​തിത്വം. ജില്ലയിലെ പൊതുമേഖല സ്​ഥാപനമായ കേരള ഇക്​ട്രിക്കൽ ആൻഡ്​ അലൈഡ്​ എൻജിനീയറിങ്​ കമ്പനി (കെൽ) യാഥാർഥ്യമാക്കിയത്​ ഗൗരിയമ്മ വ്യവസായ മന്ത്രിയായിരിക്കുന്ന വേളയിലാണ്​.

ഇന്ന്​ രാജ്യത്തെ മഹാരത്​ന കമ്പനിയായ ഭെൽ പകുതിയിലധികം ഒാഹരി സ്വന്തമാക്കിയതോടെ ഭെൽ ഇലക്​ട്രിക്കൽസ്​ മെഷീൻസ്​ ലിമിറ്റഡ്​ എന്നാണ്​ കമ്പനിയുടെ പേര്​. ഭെൽ ഏറ്റെടുത്തതോടെ കമ്പനി തകർച്ചയിലേക്കും ഇപ്പോൾ ഒരു വർഷമായി അടച്ചിടലി​േലക്കും നയിച്ചുവെങ്കിലും ഇത്രയും വലിയ കമ്പനി ജില്ലക്ക്​ നൽകിയതിൽ ഗൗരിയമ്മയുടെ പങ്ക്​ വലുതാണ്​. ഇ. അഹമ്മദ്​ വ്യവസായ മന്ത്രിയായിരിക്കെ 1987 ജനുവരി 26നാണ്​ കെൽ യൂനിറ്റിന്​ കാസർകോട്ട്​​ തറക്കല്ലിടുന്നത്​.

അതേവർഷം ഏപ്രിൽ മുതൽ ഗൗരിയമ്മയാണ്​ പിന്നീട്​ വ്യവസായ മ​ന്ത്രിയായത്​. 1991ജൂൺ 17വരെ വ്യവസായ മന്ത്രിയായി ഇവർ തുടർന്നു. ഇക്കാലയളവിലാണ്​ കെൽ എന്ന സ്​ഥാപനം പൂർത്തിയാക്കാൻ കഴിഞ്ഞത്​. കെൽ വ്യവസായ പ്ലാൻറി​െൻറ ഉദ്​ഘാടനവും നടന്നത്​ ഇവരുടെ കാലത്ത്​.ജില്ലക്ക്​ ലഭിച്ച ഏറ്റവും വലിയ നേട്ടമായി കെൽ യൂനിറ്റിനെ കണ്ടു.

ട്രെയിനുകൾക്കാവശ്യമായ ആൾട്ടർനേറ്ററുകൾ നിർമിക്കുന്ന രാജ്യത്തെ ഏറ്റവും മികച്ച പൊതുമേഖല സ്​ഥാപനമായി കെൽ മാറി. 500ഒാളം പേർക്ക്​ നേരിട്ട്​ ജോലി നൽകുന്ന സ്​ഥാപനം ജില്ലക്ക്​ വലിയ മുതൽക്കൂട്ടായി. സ്​ഥാപനത്തി​െൻറ വളർച്ചയും തളർച്ചയുമെല്ലാം അവർ അന്വേഷിച്ചുകൊണ്ടിരുന്നു.

ഏറ്റവും മികച്ച കമ്പനിയാക്കാൻ പരമാവധി ശ്രമിച്ചു. ഇങ്ങനെ കെ.ആർ. ഗൗരിയമ്മ എന്ന കേരളത്തിലെ മികച്ച വ്യവസായ മന്ത്രിമാരിൽ ഒരാൾ മറയു​േമ്പാൾ കാസർകോടിന്​ കടപ്പാടുകൾ ഏറെയാണ്​.