യന്ത്രങ്ങൾ നശിക്കുന്നു; എന്തിനീ മൗനം?

കാസർകോട്​: മാതൃകാപരമായി​ പ്രവർത്തിച്ച ഒരു പൊതുമേഖല സ്​ഥാപനം നശിക്കു​​േമ്പാൾ കേന്ദ്ര-സംസ്​ഥാന സർക്കാറുകൾ തുടരുന്ന മൗനത്തിലാണ്​​ ദുരൂഹത. ഇരു സർക്കാറുകളും വിചാരിച്ചാൽ മണിക്കൂറുകൾക്കകം തീർക്കാവുന്ന പ്രശ്​നമേ ഭെൽ ഇ.എം.എൽ കമ്പനിയെ സംബന്ധിച്ചുള്ളൂ. 51 ശതമാനം ഒാഹരികൾ സ്വന്തമാക്കിയെങ്കിലും തിരിച്ച്​ കേരളത്തിനുതന്നെ കൈമാറാൻ ഭെൽ തീരുമാനമെടുത്തിട്ട്​ വർഷങ്ങൾ പിന്നിട്ടു.

സംസ്​ഥാനം അത്​ ഒരുരൂപക്ക്​ തിരിച്ചുവാങ്ങാൻ തീരുമാനിച്ചിട്ടും​ വർഷങ്ങൾ കഴിഞ്ഞു. പിന്നെ ആർക്കാണിതിൽ പ്രശ്​നം. എന്താണ്​ തുടർ നടപടികളൊന്നുമുണ്ടാകാത്തത്​. കേന്ദ്ര മന്ത്രി, സംസ്​ഥാന ഗവർണർ, മുഖ്യമന്ത്രി തുടങ്ങിയവരെ തൊഴിലാളി പ്രതിനിധികൾ പലതവണ പോയി കണ്ടു. ജനപ്രതിനിധികൾക്കൊപ്പമാണ്​ കാണുന്നത്​. 'ശരിയാക്കാ'മെന്ന പതിവ്​ മറുപടിയാണ്​ എന്നും ലഭിക്കുന്നത്​. ഒന്നും ചെയ്യാതായപ്പോൾ കോടതിയിൽ അഭയം തേടുന്നു. കേസുകൾ നീണ്ടുപോകുന്നു.

മൂന്നു മാസത്തിനകം തീർപ്പാക്കണമെന്ന വിധി കഴിഞ്ഞ ഒക്​ടോബറിൽ വന്നു. വിധി നടപ്പാകാതെ വന്നപ്പോൾ കോടതിയലക്ഷ്യം ചൂണ്ടിക്കാട്ടി വീണ്ടും തൊഴിലാളികൾ കോടതിയെ സമീപിക്കുന്നു. അങ്ങനെ നിയമ യുദ്ധം ഒരുഭാഗത്ത്​. രണ്ടു വർഷത്തിലധികമായി കൂലിയും വേലയുമില്ലാതെ പട്ടിണിയിലായ തൊഴിലാളികളാണ്​ ലക്ഷങ്ങൾ മുടക്കി നിയമയുദ്ധം നടത്തുന്നതെന്നുകൂടി മനസ്സിലാക്കണം.

കാടുകയറി പ്ലാൻറ്​

നഷ്​ടത്തിലായിട്ടല്ല ഇൗ കമ്പനി അടച്ചിട്ടത്​. കഴിഞ്ഞവർഷം മാർച്ചിൽ ലോക്​ഡൗണി​െൻറ മറവിൽ താൽക്കാലികമായി അടച്ചതാണ്​. ആ സമയത്തുപോലും 30 കോടിയുടെ ജോലി കരാർ ഉണ്ടായിരുന്നതായി തൊഴിലാളികൾ പറയുന്നു. കോവിഡും ലോക്​ഡൗണും അടച്ചിടാനുള്ള തന്ത്രമായാണ്​ കമ്പനി അധികൃതർ കണ്ടത്​. 12 ഏക്കറിലെ കമ്പനി കാടുകയറിയിരിക്കുകയാണിപ്പോൾ. യന്ത്രങ്ങൾ തുരുമ്പുകയറി നശിക്കുന്നു. തിരിഞ്ഞുനോക്കാൻ ഒരാളുമില്ല. ഇതുവരെ ക്ലീനിങ്​ പോലും നടത്തിയിട്ടില്ല. കാവൽക്കാരനായി സെക്യൂരിറ്റി ഗാർഡുണ്ട്​. നൂറുകണക്കിന്​ കുടുംബങ്ങളുടെ പട്ടിണി മാറ്റിയ സ്​ഥാപനമാണ്​ ഉരുകിയില്ലാതാവുന്നത്​.

ഉത്തരമില്ലാത്ത ചോദ്യങ്ങൾ

12 ഏക്കറിലെ കമ്പനിക്ക്​ ഭെൽ വിലയിട്ടത്​ പത്തരക്കോടിയാണ്​. എന്തടിസ്​ഥാനത്തിലാണ്​ ഇൗ വിലയിട്ടതെന്ന്​ ഇന്നും ആർക്കുമറിയില്ല. അങ്കമാലി ടെൽക്കും കോഴിക്കോട്​ സ്​റ്റീൽ കോംപ്ലക്​സും കേന്ദ്ര​പൊതുമേഖല സ്​ഥാപനങ്ങളുമായി സംയോജിപ്പിക്കു​േമ്പാൾ 50 ശതമാനം ഒാഹരികളാണ്​ കേന്ദ്രത്തിനു നൽകിയത്​. കാസർകോട്​ കെല്ലി​േൻറത്​ മാത്രം 51 ശതമാനമാക്കിയത്​ ആരുടെ താൽപര്യമായിരുന്നു.

ഇതുവഴി ഏഴംഗ ഡയറക്​ടർ ബോർഡിൽ ചെയർമാനും എം.ഡിയും ഉൾപ്പെടെ ആറുപേരും ഭെല്ലിൽനിന്നായി. ​കാലങ്ങളായി കെൽ നടത്തിയിരുന്ന മാനേജ്​മെൻറ്​ ഏറക്കുറെ ഒൗട്ടായി. ഇതോടെ, കമ്പനി നടത്തിപ്പ്​ തോന്നുംപടിയായി.

നോക്കാനും പറയാനും ആളില്ലാതായപ്പോൾ ഉൽപാദനം മെല്ലെ താഴ്​ന്നു. ഭെൽ ഏറ്റെടുക്കുന്നതോടെ ജീവനക്കാർക്ക്​ മഹാഭാഗ്യം വരുന്നുണ്ടെന്നായിരുന്നു പ്രചാരണം. അന്നത്തെ ഭരണപക്ഷമായതിനാൽ സി.​െഎ.ടി.യു യൂനിയനെ തെറ്റിദ്ധരിപ്പിച്ചത്​ അങ്ങനെയാണ്​.

കേന്ദ്രത്തി​െൻറ കോർട്ടിലാണ്​ കാര്യങ്ങൾ എന്നതിനാൽ ബി.എം.എസും ഏറക്കുറെ മൗനത്തിലായി. കമ്പനിക്ക്​ താഴിട്ടതോടെയാണ്​ യൂനിയനുകൾക്ക്​ കാര്യം പിടികിട്ടിയത്​. കാസർകോട്​ ഒപ്പുമരച്ചുവട്ടിൽ നൂറുദിവസമായി സർവകക്ഷി യൂനിയൻ പ്രതിനിധികൾ സത്യഗ്രഹ സമരത്തിലാണ്​.

കേരളത്തി​െൻറ റോൾ

ഭെൽ 51 ശതമാനം ഒാഹരി കൈയടക്കിയെന്നതുകൊണ്ടുമാത്രം കേരള സർക്കാറിന്​ ഇതിൽനിന്ന്​ ഒഴിഞ്ഞുമാറാനാവുമോ. ​49 ശതമാനം ഒാഹരിയും ഡയറക്​ടർ ബോർഡിൽ ഒരംഗവും സംസ്​ഥാനത്തിനുണ്ട്​. ഡയറക്​ടർ ആണെന്ന കാര്യം വ്യവസായ വകുപ്പ്​ അഡീഷനൽ സെക്രട്ടറി മറന്ന മട്ടാണ്​. സംസ്​ഥാനത്തെ കേന്ദ്ര സ്​ഥാപനങ്ങൾ അടച്ചിട്ടാൽ കേരളം ഇങ്ങനെയാണോ സാധാരണ പെരുമാറുക.

എത്രതവണ കേന്ദ്രത്തിന്​ ക​െത്തഴുതും. ഒരു കാര്യം ഉറപ്പാണ്,​ കെൽ നശിപ്പിക്കുന്നതിൽ ഭെല്ലിനുണ്ടായ അതേ റോൾ കേരളത്തിനുമുണ്ട്​. അതാണ്​ കുറ്റകരമായ മൗനം തെളിയിക്കുന്നത്​.

പ്രതീക്ഷ കോടതിയിൽ

മൂന്നുമാസത്തിനകം പ്രശ്​നം തീർപ്പാക്കണമെന്ന ഹൈകോടതി ഉത്തരവ്​ പാലിക്കാത്തതിനെതിരെ സമർപ്പിച്ച കോടതിയലക്ഷ്യ കേസിലാണ്​ ഇനി പ്രതീക്ഷ. ഏപ്രിൽ ആദ്യവാരത്തിൽ വന്ന വിധിയിൽ പറയുന്നത്,​ മേയ്​ 31നകം തീർപ്പായില്ലെങ്കിൽ കേന്ദ്ര വ്യവസായ വകുപ്പ്​ സെക്രട്ടറി നേരിട്ട്​ കോടതിയിൽ ഹാജരാവണമെന്നാണ്​.

ഇതിലെങ്കിലും എന്തെങ്കിലും വിധി വരുമെന്നാണ്​ തൊഴിലാളികളുടെ പ്രതീക്ഷ. തൊഴിലാളികളുടെ മാത്രം പ്രശ്​നമായി കാണാതെ കാസർകോടി​െൻറ മൊത്തം പ്രശ്​നമായി കണ്ടെങ്കിലേ കമ്പനി വീണ്ടും തുറക്കുകയുള്ളൂ. അല്ലാതെ രാഷ്​ട്രീയ പാർട്ടികൾക്ക്​ യാ​ത്ര തുടങ്ങാനുള്ള ഒരിടമായി മാത്രം ജില്ലയെ കണ്ടാൽ മികച്ച പൊതുമേഖല സ്​ഥാപനം ചരിത്രമാകും.

(അവസാനിച്ചു)