കർണാടകയിലേക്കുള്ള യാത്ര: റെഗുലര്‍ പാസ് വേണ്ട
text_fields
കാസർകോട്: ജില്ലയില്‍ നിന്ന് കര്‍ണാടകയിലേക്കും തിരിച്ചും ദിവസേന യാത്ര ചെയ്യുന്നതിനായി ഇനിമുതല്‍ റെഗുലര്‍ പാസ് ആവശ്യമില്ലെന്ന് ജില്ല കലക്ടര്‍ ഡോ.ഡി. സജിത് ബാബു ജില്ലതല കൊറോണ കോര്‍ കമ്മിറ്റി വിഡിയോ കോണ്‍ഫറന്‍സിങ് യോഗത്തില്‍ അറിയിച്ചു.
ദിവസേന യാത്ര ചെയ്യുന്നതിനായി റെഗുലര്‍ പാസ് അനുവദിച്ചിരുന്ന നടപടി പിന്‍വലിച്ചതായി കലക്ടര്‍ പറഞ്ഞു. എന്നാല്‍, ഇനിമുതല്‍ ആൻറിജന്‍ പരിശോധന നടത്തി ലഭിക്കുന്ന നെഗറ്റിവ് സര്‍ട്ടിഫിക്കറ്റ് സഹിതം കോവിഡ് ജാഗ്രത പോര്‍ട്ടലില്‍ രജിസ്‌ട്രേഷന്‍ നടത്തിയാല്‍ മാത്രം മതിയാകും. തലപ്പാടി ചെക്ക് പോസ്റ്റില്‍ ഇതിനാവശ്യമായ പരിശോധന നടത്തുന്നതിന് ജില്ല മെഡിക്കല്‍ ഓഫിസര്‍ സംവിധാനം ഒരുക്കും.
പാണത്തൂര്‍, മാണിമൂല, പെര്‍ള, ജാല്സൂര് റോഡുകളിലൂടെയും യാത്രാനുമതി
നിലവില്‍ യാത്ര അനുവദിച്ചിട്ടുള്ള ദേശീയപാത 66 കൂടാതെ (തലപ്പാടി ചെക്ക് പോസ്റ്റ്) പാണത്തൂര്‍, മാണിമൂല, പെര്‍ള, ജാല്സൂര് എന്നീ പ്രധാന റോഡുകളിലൂടെയും ദക്ഷിണ കന്നട ജില്ലയിലേക്ക് യാത്ര ചെയ്യുന്നതിനുള്ള അനുമതി നല്‍കുന്നതായി കലക്ടര്‍ യോഗത്തില്‍ അറിയിച്ചു.
ഈ റോഡുകളിലൂടെ കടന്നുവരുന്നവരും ആൻറിജന്‍ പരിശോധന നടത്തി ലഭിക്കുന്ന നെഗറ്റീവ് സര്‍ട്ടിഫിക്കറ്റ് സഹിതം കോവിഡ് ജാഗ്രത പോര്‍ട്ടലില്‍ രജിസ്‌ട്രേഷന്‍ നടത്തണം.പാണത്തൂര്‍, മാണിമൂല, പെര്‍ള, ജാല്സൂര് എന്നീ നാലു റോഡുകള്‍ കടന്നു പോകുന്നതും കര്‍ണാടകയുമായി അതിര്‍ത്തി പങ്കിടുന്നതുമായ ഗ്രാമപഞ്ചായത്തുകള്‍ അതിര്‍ത്തിയില്‍ പരിശോധനക്ക് ആവശ്യമായ ക്രമീകരണങ്ങള്‍ ഒരുക്കണമെന്ന് കലക്ടര്‍ പറഞ്ഞു.
രജിസ്‌ട്രേഷന്‍ കൂടാതെ പ്രവേശിക്കാം
പാണത്തൂര്‍, മാണിമൂല, പെര്‍ള, ജാല്സൂര് റോഡുകളിലൂടെ അതിര്‍ത്തി ഗ്രാമപഞ്ചായത്തിലേക്ക് മാത്രമായി കര്‍ണാടകയില്‍ നിന്ന് കടന്നു വരുന്നവരെ രജിസ്‌ട്രേഷന്‍ കൂടാതെ പ്രവേശിപ്പിക്കാം. എന്നാല്‍, ആ വ്യക്തി ഗ്രാമപഞ്ചായത്തിെൻറ പരിധിവിട്ട് മറ്റൊരു ഗ്രാമപഞ്ചായത്തിലേക്ക് പ്രവേശിക്കുന്നില്ലെന്ന് ഉറപ്പുവരുത്തേണ്ടത് ബന്ധപ്പെട്ട ഗ്രാമപഞ്ചായത്തിെൻറ ചുമതലയായിരിക്കുമെന്ന് കലക്ടര്‍ യോഗത്തില്‍ അറിയിച്ചു
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
