ലോക്​ഡൗണിൽ സഹായവുമായി പൊലീസുണ്ട്​

കാസർകോട്​: ലോക്​ഡൗണിൽ കുടുങ്ങിയവർക്ക്​ സഹായവുമായി പൊലീസ്​. ആവശ്യക്കാർക്ക്​ മരുന്ന്​ എത്തിക്കുന്നതിനുപുറമെ ഭക്ഷണവും എത്തിച്ച്​ മാതൃകയാവുകയാണ്​ ജില്ലയിലെ പൊലീസ്​. മരുന്നുവാങ്ങാൻ എന്നപേരിൽ ആളുകൾ പുറത്തിറങ്ങുന്നത്​ ഒഴിവാക്കാൻ സർക്കാർതലത്തിൽ എടുത്ത തീരുമാനമാണത്​.

ലോക്​ഡൗണിൽ പുറത്തിറങ്ങുന്ന വാഹനങ്ങൾ പരിശോധിക്കു​േമ്പാൾ മിക്കവരും പറയുന്ന മറുപടിയാണ്​ മരുന്നുവാങ്ങാൻ പോവുന്നുവെന്നത്​. പരമാവധി ആളുകൾ പുറത്തിറങ്ങുന്നത്​ ഒഴിവാക്കുകയാണ്​ ലക്ഷ്യം.

ചിറ്റാരിക്കാൽ പൊലീസ് സ്​റ്റേഷൻ പരിധിയിലെ ഭീമനടി ടൗണിൽ വർഷങ്ങളായി ഒറ്റക്ക് താമസിക്കുന്ന അനിയൻ ഭക്ഷണം കിട്ടാതെ കുടുങ്ങിയിരുന്നു. ഹോട്ടലുകൾ ഒന്നും തുറക്കാത്തതിനാലാണ്​ ഇയാൾ ദുരിതത്തിലായത്​. വിവരമറിഞ്ഞ ചിറ്റാരിക്കാൽ എസ്.ഐ കെ.പി. രമേശൻ കൂവപ്പാറയുടെ നേതൃത്വത്തിൽ ഭക്ഷണപ്പൊതി എത്തിച്ചു നൽകി.