ത​സ്നി​യക്ക് വേണം സ്വന്തമായി കയറിക്കിടക്കാനൊരിടം സു​ബൈ​ർ ബാ​പ്പാ​ലി​പ്പൊ​നം

ബ​ദി​യ​ടു​ക്ക: ബ​ദി​യ​ടു​ക്ക പ​ഞ്ചാ​യ​ത്തി​ലെ കോ​ട്ട​ക​ണി കു​റി​പ്പി​ന​ടു​ക്ക​യി​ൽ വാ​ട​ക വീ​ട്ടി​ൽ താ​മ​സി​ക്കു​ന്ന ഭി​ന്ന​ശേ​ഷി​ക്കാ​രി​യാ​യ ത​സ്നി​യക്ക്​ ഇ​പ്പോ​ഴും കി​ട​പ്പാ​ട​മാ​യി​ല്ല. ഇ​ട​തു​കാ​ലി​ന് ശേ​ഷി​യി​ല്ലാ​തെ ജീ​വി​തം​ ത​ള്ളിനീ​ക്കു​ന്ന ത​സ്നി​യ (35) സ​ർ​ക്കാറിന്റെ ലൈ​ഫ് ഭ​വ​ന​ത്തി​ന്​ കാ​ത്തു​നി​ൽ​ക്കു​കയാണ്. ഇ​ത്ത​ര​ക്കാ​ർ​ക്ക്​ പ്ര​ത്യേക പ​രി​ഗ​ണ​ന ന​ൽ​കാ​ൻ ച​ട്ട​മു​ണ്ടെ​ങ്കി​ലും ഇ​തു​വ​രെ ക​നി​ഞ്ഞി​ല്ല.

ര​ണ്ടുവ​യ​സ്സുള്ളപ്പോഴാ​ണ് പോ​ളി​യോ ബാ​ധി​ച്ച് കാ​ലി​ന്റെ ശേ​ഷി ഇ​ല്ലാ​താ​യ​ത്. വി​വാ​ഹി​ത​യാ​ണ്. ഭ​ർ​ത്താ​വ് മു​ഹ​മ്മ​ദ്​ റ​ഫീ​ഖ്​ ഓ​ട്ടോ ഓ​ടി​ച്ചാ​ണ്​ ജീ​വി​തം നീ​ക്കു​ന്ന​ത്.​ ഏ​ഴും, അ​ഞ്ചും വ​യ​സ്സുള്ള ര​ണ്ട് കു​ട്ടി​കളുണ്ട്. കി​ട​പ്പാ​ട​ത്തി​നാ​യി ത​സ്നി​യ സ​ർ​ക്കാ​റി​ന്റെ ലൈ​ഫ്ഭ​വ​ൻ പ​ദ്ധ​തിയി​ൽ 2020ൽ ​അ​പേ​ക്ഷ ന​ൽ​കി​യെ​ങ്കി​ലും ജ​ന​റ​ൽ വി​ഭാ​ഗ​ത്തി​ന് മു​ൻ​ഗ​ണ പ്ര​കാ​രം ഇ​ല്ലെ​ന്ന കാ​ര​ണം പ​റ​ഞ്ഞ​ത് അ​പേ​ക്ഷ നി​ര​സി​ക്കു​ക​യാ​യി​രു​ന്നു.

ക​ല​ക്ട​ർ​ക്ക്​ നി​വേ​ദ​നം ന​ൽ​കി​യെ​ങ്കി​ലും ഫ​ല​മു​ണ്ടാ​യി​ല്ല. ന​വ​കേ​ര​ള സ​ദ​സ്സി​ലും പ​രാ​തിപ്പെട്ടെങ്കി​ലും ഫ​ലമുണ്ടാ​യി​ല്ല. ജി​ല്ല പ​ഞ്ചാ​യ​ത്ത് സാ​മൂ​ഹി​ക നീ​തി വ​കു​പ്പ് പ്ര​കാ​രം ന​ൽ​കി​യ നാ​ലു​ച​ക്ര സ്കൂ​ട്ട​റി​ലാ​ണ്​ ഇ​വ​ർ യാ​ത്ര ചെ​യ്യു​ന്ന​ത്.

‘കാ​ലി​ന് ശേ​ഷി ഇ​ല്ലെ​ങ്കി​ലും സ്വ​ന്ത​മാ​യി പ​റ്റു​ന്ന തൊ​ഴി​ലെടു​ത്ത് ജീ​വി​ക്കാ​നു​ള്ള ക​രു​ത്ത് എ​നി​ക്കു​ണ്ട് എ​ന്നാ​ൽ സ്വ​ന്ത​മാ​യ വീ​ടി​ന് സ​ർ​ക്കാ​റി​ന്റെ പ്ര​തീ​ക്ഷ മാ​ത്ര​മാ​ണുള്ള​ത്.’ ത​സ്നി​യ പ​റ​ഞ്ഞു.