ഭൂമി വിട്ടുകൊടുക്കൽ; ചീമേനി എസ്റ്റേറ്റ് മെലിയുന്നു

ചെ​റു​വ​ത്തൂ​ർ: ചീ​മേ​നി​യി​ലെ പ്ലാ​ന്‍റേ​ഷ​ൻ കോ​ർ​പ​റേ​ഷ​ന് കീ​ഴി​ലു​ള്ള ഭൂ​മി പ​തി​ച്ചു​ന​ൽ​ക​ൽ പ​തി​വാ​യ​തോ​ടെ എ​സ്റ്റേ​റ്റ് മെ​ലി​യു​ന്നു. നി​ര​വ​ധി സ​ർ​ക്കാ​ർ പ​ദ്ധ​തി​ക​ൾ​ക്കാ​യി ഭൂ​മി വി​ട്ടു ന​ൽ​കേ​ണ്ടി​വ​രു​ന്ന ജി​ല്ല​യി​ലെ പ്ര​ധാ​ന സ്ഥ​ല​മാ​ണ് ചീ​മേ​നി.

ക​ഴി​ഞ്ഞ അ​ഞ്ച് വ​ർ​ഷ​ത്തി​നി​ടെ മാ​ത്രം ഏ​ക്ക​ർ​ക​ണ​ക്കി​ന് ഭൂ​മി​യാ​ണ് വി​വി​ധ പ​ദ്ധ​തി​ക​ൾ​ക്കാ​യി വി​ട്ടു ന​ൽ​കി​യ​ത്. 1977ൽ 99 ​വ​ർ​ഷ​ത്തേ​ക്ക് 4714 ഏ​ക്ക​ർ ഭൂ​മി ക​ശു​വ​ണ്ടി കൃ​ഷി ന​ട​ത്താ​ൻ റ​വ​ന്യൂ​വ​കു​പ്പി​ൽ നി​ന്ന് ലീ​സി​നെ​ടു​ത്ത​താ​ണ് ഈ ​സ്ഥ​ലം.

ലീ​സി​ന് കി​ട്ടി​യ ഭൂ​മി​യെ​ല്ലാം മ​റ്റ് പ​ദ്ധ​തി​ക​ൾ​ക്കു​വേ​ണ്ടി വി​ട്ടു​കൊ​ടു​ക്കേ​ണ്ട അ​വ​സ്ഥ​യാ​ണ് എ​സ്റ്റേ​റ്റി​നി​പ്പോ​ൾ. ഭൂ​പ​രി​ഷ്ക​ര​ണ നി​യ​മം നി​ല​വി​ൽ വ​ന്ന​തോ​ടെ​യാ​ണ് കോ​ട്ട​യം സ്വ​ദേ​ശി തോ​മ​സ് കൊ​ട്ടു​കാ​പ്പ​ള്ളി​യു​ടെ ഉ​ട​മ​സ്ഥ​ത​യി​ൽ​നി​ന്ന് സ​ർ​ക്കാ​റി​ലേ​ക്ക് ഭൂ​മി എ​ത്തു​ന്ന​ത്. 1977ൽ 99 ​വ​ർ​ഷ​ത്തേ​ക്കാ​ണ് പ്ലാ​ന്റേ​ഷ​ൻ കോ​ർ​പ​റേ​ഷ​ന് റ​വ​ന്യൂ വ​കു​പ്പ് ഭൂ​മി പാ​ട്ട​ത്തി​ന് ന​ൽ​കു​ന്ന​ത്. കാ​ർ​ഷി​ക മേ​ഖ​ല​യി​ലെ വൈ​വി​ധ്യ​വ​ത്ക​ര​ണ​ത്തി​ന് കോ​ർ​പ​റേ​ഷ​ൻ തി​രി​ഞ്ഞ​തോ​ടെ ക​ശു​വ​ണ്ടി​ക്ക് പു​റ​മേ റ​ബ​ർ‌ കൃ​ഷി​യു​മാ​യി. 94 സ്ഥി​രം തൊ​ഴി​ലാ​ളി​ക​ളാ​ണ് എ​സ്റ്റേ​റ്റി​ൽ ജോ​ലി ചെ​യ്യു​ന്ന​ത്.

പൊ​ലീ​സ് സ്റ്റേ​ഷ​ൻ, പ​ഞ്ചാ​യ​ത്ത് ഓ​ഫി​സ്, ആ​യു​ർ​വേ​ദ ആ​ശു​പ​ത്രി എ​ന്നി​വ സ്ഥാ​പി​ക്കാ​നാ​ണ് അ​ഞ്ച്​ ഏ​ക്ക​ർ ഭൂ​മി എ​സ്റ്റേ​റ്റി​ൽ​നി​ന്ന് ആ​ദ്യ​ഘ​ട്ട​ത്തി​ൽ പ​തി​ച്ചു​കൊ​ടു​ത്ത​ത്. പി​ന്നീ​ട് ചീ​മേ​നി​യി​ൽ തു​റ​ന്ന ജ​യി​ൽ സ്ഥാ​പി​ക്കാ​ൻ 308 ഏ​ക്ക​ർ ഭൂ​മി​യും ന​ൽ​കി. ഇ​തി​ന് പി​ന്നാ​ലെ എ​ത്തി​യ ഐ.​ടി പാ​ർ​ക്കി​ന് 100 ഏ​ക്ക​റും ന​ൽ​കി.

ഒ​ടു​വി​ൽ കൈ​വ​ശ ക​ർ​ഷ​ക​രു​ടെ ആ​വ​ശ്യം അം​ഗീ​ക​രി​ച്ച​തോ​ടെ 375 ഏ​ക്ക​ർ സ്ഥ​ലം അ​വ​ർ​ക്കും പ​തി​ച്ചു ന​ൽ​കി. ഇ​തോ​ടെ ലീ​സി​ന് കി​ട്ടി​യ ഭൂ​മി​യി​ൽ​നി​ന്ന് 788 ഏ​ക്ക​ർ പോ​യി. 788 ഏ​ക്ക​റും ഭൂ​മി പ​തി​ച്ചു​ന​ൽ​കി​യ​തോ​ടെ 4714 ഏ​ക്ക​ർ ഭൂ​മി​യി​ൽ​നി​ന്ന് 3926 ഏ​ക്ക​ർ ഭൂ​മി​യാ​യി കോ​ർ​പ​റേ​ഷ​​ന്‍റെ എ​സ്റ്റേ​റ്റ് ചു​രു​ങ്ങി. ഇ​തി​നി​ട​യി​ൽ വ​ന്ന ഉ​ത്ത​ര​വു​പ്ര​കാ​രം 650 ഏ​ക്ക​ർ ഭൂ​മി ഭൂ​ര​ഹി​ത​രാ​യ ക​ർ​ഷ​ക​ർ​ക്ക് മൂ​ന്ന്​ സെ​ന്‍റ്​ വീ​തം ന​ൽ​കാ​ൻ വി​ട്ടു​കൊ​ടു​ത്തു.

തൊ​ട്ടു​പി​ന്നാ​ലെ 575 ഏ​ക്ക​ർ ഭൂ​മി സോ​ളാ​ർ പ്ലാ​ന്‍റും 440 കെ.​വി സ​ബ്സ്റ്റേ​ഷ​ൻ സ്ഥാ​പി​ക്കാ​നും വി​ട്ടു​കൊ​ടു​ത്തു. ഇ​തോ​ടെ 3926 ഏ​ക്ക​ർ ഭൂ​മി വീ​ണ്ടും 2701 ഏ​ക്ക​റാ​യി ചു​രു​ങ്ങി. ദു​ര​ന്ത​നി​വാ​ര​ണ സേ​ന​ക്ക് 50 ഏ​ക്ക​ർ, നാ​വി​ക അ​ക്കാ​ദ​മി​യു​ടെ ഉ​ദ്യോ​ഗ​സ്ഥ​ർ​ക്ക് ക്വാ​ർ​ട്ടേ​ഴ്സ് പ​ണി​യാ​ൻ 400 ഏ​ക്ക​ർ, താ​പ​നി​ല​യ​ത്തി​നാ​യി അ​ള​ന്ന് തി​ട്ട​പ്പെ​ടു​ത്തി ക​ണ​ക്കാ​ക്കി​യ 250 ഏ​ക്ക​ർ ഇ​ങ്ങ​നെ പോ​കു​ന്നു ഇ​നി​യും വി​ട്ടു​കൊ​ടു​ക്കാ​നി​രി​ക്കു​ന്ന സ്ഥ​ല​ത്തി​ന്റെ ക​ണ​ക്കു​ക​ൾ.

ഭൂ​മി പ​തി​ച്ചു കൊ​ടു​ക്കു​ന്ന​ത് നി​ർ​ബാ​ധം തു​ട​രു​മ്പോ​ഴും ജ​നോ​പ​കാ​ര​പ്ര​ദ​മാ​യ പ​ദ്ധ​തി​ക​ൾ​ക്ക് ഭൂ​മി ന​ൽ​കാ​ൻ സ​ങ്കേ​തി​ക കു​രു​ക്ക് പ​റ​ഞ്ഞ് അ​ധി​കൃ​ത​ർ ത​ട​സ്സം പ​റ​യു​ക​യാ​ണ്. ഗ​വ. കോ​ള​ജ്, മെ​ഡി​ക്ക​ൽ കോ​ള​ജ് എ​ന്നി​വ​യെ​ല്ലാം ചീ​മേ​നി​യി​ൽ വ​രു​മെ​ന്ന് ആ​ദ്യം പ​റ​ഞ്ഞെ​ങ്കി​ലും പി​ന്നീ​ട് മ​റ്റി​ട​ങ്ങ​ളി​ലേ​ക്ക് പോ​കു​ന്ന കാ​ഴ്ച​യും ക​ണ്ടു. 100 ഏ​ക്ക​ർ പ​തി​ച്ചു കൊ​ടു​ത്ത് ഭൂ​മി​യി​ൽ വ​രു​മെ​ന്നു പ​റ​ഞ്ഞ ഐ.​ടി പാ​ർ​ക്കും പോ​യി.

4714 ഏ​ക്ക​ർ ഭൂ​മി​യി​ൽ​നി​ന്ന് 2000ത്തി​ൽ താ​ഴെ ഏ​ക്ക​ർ ഭൂ​മി​യാ​യി ചീ​മേ​നി എ​സ്റ്റേ​റ്റ് മാ​റി​യ സാ​ഹ​ച​ര്യ​ത്തി​ൽ ഇ​നി​യും പ​കു​ത്തു ന​ൽ​കി​യാ​ൽ എ​സ്റ്റേ​റ്റ് ഇ​ല്ലാ​താ​വു​മോ എ​ന്ന ആ​ശ​ങ്ക​യി​ലാ​ണ് ഇ​വി​ട​ത്തു​കാ​ർ.