ജില്ല കാരംസ് ചാമ്പ്യൻഷിപ് സംഘാടക സമിതി

ചെറുവത്തൂർ: കാസർകോട് ജില്ല കാരംസ് അസോസിയേഷൻ ജില്ലയിൽ ആദ്യമായി സംഘടിപ്പിക്കുന്ന കാരംസ് ചാമ്പ്യൻഷിപ്പ് 21ന് ചെറുവത്തൂരിൽ നടക്കും. ചെറുവത്തൂർ ഗ്രാമ പഞ്ചായത്ത് ഹാളിൽ രാവിലെ 10ന് ജില്ല പഞ്ചായത്ത് പ്രസിഡന്‍റ് ബേബി ബാലകൃഷ്ണൻ ഉദ്ഘാടനം ചെയ്യും. നടത്തിപ്പിന് സംഘടാക സമിതി രൂപവത്കരിച്ചു.

ചെറുവത്തൂർ ഗ്രാമ പഞ്ചായത്ത് പ്രസിഡന്റ് സി.വി. പ്രമീള ഉദ്ഘാടനം ചെയ്തു. കാരംസ് അസോസിയേഷൻ ജില്ല പ്രസിഡന്‍റ് പ്രഫ. കെ.പി. ജയരാജൻ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്‍റ് മാധവൻ മണിയറ മുഖ്യാഥിതിയായി. കെ. നാരായണൻ, കെ.കെ. കുമാരൻ, മുകേഷ് ബാലകൃഷ്ണൻ, എ.കെ. ചന്ദ്രൻ, സി. ചന്ദ്രൻ, ടി. രാജൻ, മനോജ് പള്ളിക്കര, കെ.വി. സുധാകരൻ, അബ്ദുൾ റഹ്‌മാൻ കാസർകോട് എന്നിവർ സംസാരിച്ചു.

എൻട്രികൾ ക്ഷണിച്ചു

ചെറുവത്തൂർ: ജില്ല കാരംസ് ചാമ്പ്യൻഷിപ്പിന് എൻട്രികൾ ക്ഷണിച്ചു. ആൺ, പെൺ, വെറ്ററൻസ് വിഭാഗങ്ങളിൽ സിംഗിൾസ്, ഡബിൾസ് മൽസരങ്ങളുണ്ടാകും. വിജയികൾക്ക് സർട്ടിഫിക്കറ്റും ട്രോഫിയും നൽകും. സംസ്ഥാന ചാമ്പ്യൻഷിപ്പിൽ പങ്കെടുക്കേണ്ട ജില്ല ടീമിനെയും തിരഞ്ഞെടുക്കും. പങ്കെടുക്കുന്നവർ നവംബർ 18 ന് വൈകുന്നേരം അഞ്ചിനകം പേര് നൽകണം.

കോവിഡ് നിയന്ത്രണങ്ങളോടെ നടത്തുന്ന മൽസരത്തിൽ ആർ.ടി.പി.സി.ആർ നെഗറ്റീവ് സർട്ടിഫിക്കറ്റ് നിർബന്ധമാണ്. ദിവസം രജിസ്ട്രേഷൻ സമയത്ത് ആധാർ കാർഡ്, വയസ് തെളിയിക്കുന്ന രേഖകൾ എന്നിഹാജരാക്കണം. ഫോൺ: 9447297441, 828422443, 9495006258.