അർബുദ രോഗികൾക്കായി മുടി മുറിച്ച് നൽകി

ചെറുവത്തൂർ: അർബുദ രോഗികൾക്കായി മുടി മുറിച്ച് നൽകി കൊച്ചു മിടുക്കി. ചീമേനി അമ്മംകോട് കെ. കുഞ്ഞികൃഷ്​ണന്‍റെയും കെ.കെ. സുജാതയുടെയും മകൾ ശ്രീലക്ഷ്മിയാണ് മാതൃകാപരമായ പ്രവർത്തനം കാഴ്ചവെച്ചത്.

ഈ വർഷം ചീമേനി ഗവ. ഹയർ സെക്കൻ്ററി സ്കൂളിൽ നിന്നും പത്താംക്ലാസ് പരീക്ഷയിൽ മുഴുവൻ വിഷയങ്ങൾക്കും എ പ്ലസ് കരസ്ഥമാക്കിയിരുന്നു. ബ്ലഡ് ഡോണേഴ്സ് കേരള, കാസർകോട് ജില്ലാ കമ്മിറ്റി അംഗം വിനേഷ് ചീമേനി മുടി ഏറ്റുവാങ്ങി. മർച്ചന്‍റ്​സ്​ യൂത്ത് വിങ്​ ചീമേനി യൂനിറ്റിന്‍റെ നേതൃത്വത്തിൽ ശ്രീലക്ഷ്മിയെ ഉപഹാരം നൽകി അനുമോദിച്ചു.