വീടിനു മുകളിൽ മണ്ണിടിഞ്ഞു

ചെറുവത്തൂർ: ചെറുവത്തൂരിൽ വീടിനു മുകളിൽ മണ്ണിടിഞ്ഞു വീണു. മയിലാട്ടി കുന്നിന് സമീപത്തെ എം.കെ. അഷറഫി​െൻറ വീടിനു മുകളിലേക്കാണ് മണ്ണിടിഞ്ഞു വീണത്. ഇതേത്തുടർന്ന് കുടിവെള്ള പൈപ്പുപൊട്ടി.

വീണ്ടും മണ്ണിടിയാനുള്ള സാധ്യതയുണ്ടെന്ന് അധികൃതർ പറഞ്ഞു. ഗ്രാമപഞ്ചായത്ത് പ്രസിഡൻറ്​ സി.വി. പ്രമീള, വൈസ് പ്രസിഡൻറ്​ പി.വി. രാഘവൻ സ്​റ്റാൻഡിങ്​ കമ്മിറ്റി ചെയർ മാന്മാരായ പി. പത്മിനി, സി.വി. ഗിരീശൻ, രാജേന്ദ്രൻ പയ്യാടക്കത്ത് വില്ലേജ് ഓഫിസർ ബിജു എന്നിവർ സന്ദർശിച്ചു.