പാർക്കിങ്‌ സൗകര്യമില്ല; റെയിൽവേക്ക് ചെറുവത്തൂരിനോട് അവഗണന

ചെ​റു​വ​ത്തൂ​ർ: വി​ക​സ​ന കാ​ര്യ​ത്തി​ൽ റെ​യി​ൽ​വേ അ​ധി​കൃ​ത​ർ​ക്ക് ചെ​റു​വ​ത്തൂ​ർ റെ​യി​ൽ​വേ സ്‌​റ്റേ​ഷ​നി​ലും തി​ക​ഞ്ഞ അ​വ​ഗ​ണ​ന. ആ​ദ​ർ​ശ്‌ സ്റ്റേ​ഷ​നാ​യി ഉ​യ​ർ​ത്തി​യ ജി​ല്ല​യി​ലെത​ന്നെ ഏ​റ്റ​വും പ​ഴ​ക്കം ചെ​ന്ന പ്ര​ധാ​ന സ്‌​റ്റേ​ഷ​നു​ക​ളി​ലൊ​ന്നാ​ണി​ത്‌. എ​ന്നാ​ൽ, അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ വീ​ർപ്പുമു​ട്ടു​ക​യാ​ണി​വി​ടം.ദി​വ​സേ​ന നൂ​റു​ക​ണ​ക്കി​ന് യാ​ത്ര​ക്കാർ എ​ത്തു​ന്ന സ്‌​റ്റേ​ഷ​നാ​ണ്‌ ചെ​റു​വ​ത്തൂ​ർ. ഇ​വി​ടെ​യെ​ത്തു​ന്ന​വ​ർ​ക്ക്‌ വാ​ഹ​ന പാ​ർ​ക്കി​ങ്‌ സൗ​ക​ര്യ​മി​ല്ല. റെ​യി​ൽ​വേ സ്റ്റേഷ​ന്റെ പ​ടി​ഞ്ഞാ​റു​ഭാ​ഗ​ത്തു​ള്ള മ​ര​ങ്ങ​ൾ​ക്കി​ട​യി​ലും റോ​ഡ​രി​കി​ലു​മാ​ണ്‌ നി​ല​വി​ൽ വാ​ഹ​ന​ങ്ങ​ൾ പാ​ർ​ക്ക്‌ ചെ​യ്യു​ന്ന​ത്‌.

റെ​യി​ൽ​വേ​യു​ടെ സ്ഥ​ലം സ്റ്റേഷന് തൊ​ട്ട​ടു​ത്തു​ണ്ടെ​ങ്കി​ലും പാ​ർ​ക്കി​ങ് സൗ​ക​ര്യം ഒ​രു​ക്കി​യി​ട്ടി​ല്ല. പി. ​ക​രു​ണാ​ക​ര​ൻ എം.​പി​യാ​യി​രു​ന്ന സ​മ​യ​ത്ത്‌ പാ​ർ​ക്കി​ങ്ങി​നാ​യി പ്രൊ​പ്പോ​സ​ൽ ന​ൽ​കി​യി​രു​ന്നു. എ​ന്നാ​ൽ തു​ട​ർ​ന​ട​പ​ടി​ക​ൾ ഉ​ണ്ടാ​യി​ല്ല. നി​ര​വ​ധി യാ​ത്ര​ക്കാ​രെ​ത്തു​ന്ന സ്‌​റ്റേ​ഷ​നി​ൽ പ​ര​ശു​റാം എ​ക്‌​സ്‌​പ്ര​സി​നും മം​ഗ​ള​ക്കും സ്‌​റ്റോ​പ്പ്‌ അ​നു​വ​ദി​ക്ക​ണ​മെ​ന്ന​ത് വ​ർ​ഷ​ങ്ങ​ളാ​യു​ള്ള ആ​വ​ശ്യ​മാ​ണ്‌.