അമ്മയുടെ സങ്കടവും ആനയുടെ സ്നേഹവും കാൻവാസിൽ പകർത്തി സംവേദ്യ

ചെ​റു​വ​ത്തൂ​ർ: വ​ർ​ണ​മ​നോ​ഹ​ര​മാ​യ ചി​ത്ര​ങ്ങ​ൾ വ​ര​ക്കേ​ണ്ടു​ന്ന പ്രാ​യ​ത്തി​ൽ ഹൃ​ദ​യ​ത്തി​ൽ ത​ട്ടി​യ ഒ​രു വാ​ർ​ത്ത​യു​ടെ ചി​ത്രം​വ​ര​ച്ച് സം​വേ​ദ്യ. പി​ലി​ക്കോ​ട് ഗ​വ. യു.​പി സ്കൂ​ളി​ലെ മൂ​ന്നാം ക്ലാ​സി​ൽ പ​ഠി​ക്കു​ന്ന സം​വേ​ദ്യ മു​ല്ലേ​രി​യാ​ണ് ആ​ന​യു​ടെ അ​രി​കി​ൽ​നി​ന്ന കു​ടും​ബ​ത്തി​ന്റെ ചി​ത്രം ക​ട​ലാ​സി​ൽ പ​ക​ർ​ത്തി​യ​ത്.

ചെ​റു​പ്രാ​യ​ത്തി​ൽ​ത​ന്നെ ഒ​ട്ട​ന​വ​ധി പു​സ്ത​ക​ങ്ങ​ൾ വാ​യി​ച്ച് ശ്ര​ദ്ധേ​യ​യാ​യ ചി​ത്ര​കാ​രി​യാ​ണ് സം​വേ​ദ്യ. ഓ​രോ ദി​നാ​ച​ര​ണ​ങ്ങ​ളി​ലും അ​തി​നോ​ട​നു​ബ​ന്ധി​ച്ച ചി​ത്ര​ങ്ങ​ൾ വ​ര​ക്കാ​റു​ണ്ട്. ക​ഴി​ഞ്ഞ​ദി​വ​സം ആ ​കു​ഞ്ഞു​മ​ന​സ്സി​ൽ പ​തി​ഞ്ഞ​ത് ആ​രു​ടെ​യും മ​ന​സ്സ​ലി​യി​ക്കു​ന്ന ആ ​വാ​ർ​ത്ത​യും ചി​ത്ര​വു​മാ​ണ്.

വ​യ​നാ​ട്ടി​ലെ ദു​ര​ന്ത​ത്തി​ൽ ര​ക്ഷ​പ്പെ​ടാ​ൻ​വേ​ണ്ടി കാ​ട്ടി​ലേ​ക്കോ​ടി​യ അ​മ്മ​യും കു​ഞ്ഞും കൊ​മ്പ​ന്റെ മു​ന്നി​ൽ​പെ​ട്ട​പ്പോ​ൾ കൊ​മ്പ​നോ​ട് സ​ങ്ക​ടം​പ​റ​യു​ക​യും കൊ​മ്പ​ൻ ക​ണ്ണീ​രോ​ടെ അ​വ​ർ​ക്ക് കാ​വ​ലി​രി​ക്കു​ക​യും ചെ​യ്ത വാ​ർ​ത്ത​യാ​ണ് സം​വേ​ദ്യ​യു​ടെ മ​ന​സ്സി​ൽ ത​ട്ടി​യ​ത്.