വെള്ളത്തിലായത് ഒരു ലക്ഷം വാഴകൾ; പുഴയിലെ ബണ്ട് പൊളിച്ചുനീക്കും

കാ​ഞ്ഞ​ങ്ങാ​ട്: ഒ​രു ല​ക്ഷം വാ​ഴ​ക​ൾ വെ​ള്ള​ത്തി​ലാ​യ ക​ര്‍ഷ​ക​രു​ടെ പ്ര​ശ്ന​ത്തി​ന് എം.​എ​ൽ.​എ ഉ​ൾ​പ്പെ​ടെ ജ​ന​പ്ര​തി​നി​ധി​ക​ൾ ഇ​ട​പെ​ട്ട​തോ​ടെ പ​രി​ഹാ​രം. മ​ടി​ക്കൈ മു​ട്ടോ​ർ​ക്ക, അ​ര​യി പ്ര​ദേ​ശ​ത്തെ വാ​ഴ ക​ർ​ഷ​ക​രാ​ണ് വെ​ള്ളം ക​യ​റി​യ​തി​നെ തു​ട​ർ​ന്ന് വ​ലി​യ പ്ര​യാ​സ​ത്തി​ലാ​യി​രു​ന്ന​ത്. ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി നീ​ലേ​ശ്വ​രം പു​ഴ​യു​ടെ സ്വാ​ഭാ​വി​ക ഒ​ഴു​ക്ക് ത​ട​സ്സ​പ്പെ​ടു​ത്തി​യ​തി​നെ തു​ട​ര്‍ന്നാ​യി​രു​ന്നു ഒ​രു ല​ക്ഷ​ത്തി​ല​ധി​കം വ​രു​ന്ന വാ​ഴ​കൃ​ഷി വെ​ള്ള​ത്തി​ലാ​യ​ത്.

വി​ഷ​യം ക​ര്‍ഷ​ക സം​ഘം ദേ​ശീ​യ​പാ​ത ക​രാ​റു​കാ​രാ​യ മേ​ഘ ക​ണ്‍സ്ട്ര​ക്ഷ​ന്‍ എ​ൻ​ജി​നീ​യ​ര്‍മാ​രു​ടെ ശ്ര​ദ്ധ​യി​ൽ​പെ​ടു​ത്തി. സി.​പി.​എം ജി​ല്ല സെ​ക്ര​ട്ട​റി എം.​വി. ബാ​ല​കൃ​ഷ്ണ​ന്‍ വെ​ള്ളം ക​യ​റി​യ വാ​ഴ​കൃ​ഷി​യി​ട​ങ്ങ​ൾ സ​ന്ദ​ര്‍ശി​ച്ചു. ക​ര്‍ഷ​ക​രു​ടെ പ്ര​ശ്നം മ​ന​സ്സി​ലാ​ക്കി​യ​തി​നെ തു​ട​ര്‍ന്ന് മേ​ഘ ക​മ്പ​നി​യു​മാ​യി അ​ദ്ദേ​ഹ​വും ച​ർ​ച്ച ന​ട​ത്തി​യി​രു​ന്നു. ജ​ന​പ്ര​തി​നി​ധി​ക​ളടക്കം ഇ​ട​പെ​ട്ട​തോ​ടെ നി​ർ​മാ​ണ ക​മ്പ​നി, പു​ഴ​യു​ടെ സ്വാ​ഭാ​വി​ക ഒ​ഴു​ക്കി​ന് ത​ട​സ്സം വ​രു​ത്തു​ന്ന ബ​ണ്ട് പൊ​ളി​ക്കാ​നു​ള്ള ന​ട​പ​ടി സ്വീ​ക​രി​ച്ചു.

പ്രദേശം സന്ദര്‍ശിച്ചു

കാ​ഞ്ഞ​ങ്ങാ​ട്: വെ​ള്ള​ക്കെ​ട്ടി​നെ തു​ട​ർ​ന്ന്​ വാ​ഴ​കൃ​ഷി ന​ശി​ച്ച കാ​ഞ്ഞ​ങ്ങാ​ട് ന​ഗ​ര​സ​ഭ പ​രി​ധി​യി​ലെ അ​ര​യി പ്ര​ദേ​ശ​ങ്ങ​ള്‍ ഇ. ​ച​ന്ദ്ര​ശേ​ഖ​ര​ൻ എം.​എ​ൽ.​എ, ക​ല​ക്ട​ര്‍ കെ. ​ഇ​മ്പ​ശേ​ഖ​ര്‍ എ​ന്നി​വ​ർ സ​ന്ദ​ര്‍ശി​ച്ചു. കൃ​ഷി​നാ​ശ​ത്തെ സം​ബ​ന്ധി​ച്ച സ​മ​ഗ്ര​മാ​യ റി​പ്പോ​ര്‍ട്ട് സ​മ​ര്‍പ്പി​ക്കു​ന്ന​തി​ന് പ്രി​ന്‍സി​പ്പ​ല്‍ അ​ഗ്രി​ക​ള്‍ച്ച​ര്‍ ഓ​ഫി​സ​ര്‍ പി. ​രാ​ഘ​വേ​ന്ദ്ര​ക്ക് ക​ല​ക്ട​ര്‍ നി​ര്‍ദേ​ശം ന​ല്‍കി. വാ​ഴ​കൃ​ഷി മ​ധു​രക്കിഴ​ങ്ങ് കൃ​ഷി തു​ട​ങ്ങി​യ​വ​യാ​ണ് ന​ശി​ച്ച​ത്.

ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി നീ​ലേ​ശ്വ​രം പു​ഴ​യി​ല്‍ മ​ണ്ണി​ട്ട​ട​ച്ച​പ്പോ​ഴാ​ണ് ഈ ​പ്ര​ദേ​ശ​ങ്ങ​ളി​ല്‍ വെ​ള്ള​ക്കെ​ട്ട് രൂ​പ​പ്പെ​ട്ട​ത് എ​ന്നാ​ണ് പ​രാ​തി. അ​ര​യി വെ​ള്ള​രി​ക്ക​ണ്ടം, കോ​ടാ​ളി, വി​രി​പ്പു​വ​യ​ല്‍, ചി​റ​ക്കാ​ല്‍, കാ​ര്‍ത്തി​ക വ​യ​ല്‍ തു​ട​ങ്ങി പ​ന​ങ്കാ​വു​വ​രെ നീ​ളു​ന്ന പ്ര​ദേ​ശ​ങ്ങ​ളി​ലെ കൃ​ഷി​യി​ട​ങ്ങ​ളി​ലാ​ണ് വെ​ള്ളം ക​യ​റി​യ​ത്. ഒ​രു ല​ക്ഷ​ത്തി​ല​ധി​കം വാ​ഴ​ത്തൈ​ക​ൾ ന​ശി​ച്ചു ന​ഷ്ട​മു​ണ്ടാ​യ​താ​യി ക​ര്‍ഷ​ക​ര്‍ ക​ല​ക്ട​റോ​ട് പ​റ​ഞ്ഞു.

കാ​ഞ്ഞ​ങ്ങാ​ട് ന​ഗ​ര​സ​ഭ ചെ​യ​ര്‍പേ​ഴ്‌​സ​ൻ കെ.​വി. സു​ജാ​ത, കൗ​ണ്‍സി​ല​ര്‍ കെ.​വി. മാ​യാ​കു​മാ​രി, സ്റ്റാ​ന്‍ഡി​ങ് ക​മ്മി​റ്റി ചെ​യ​ര്‍പേ​ഴ്‌​സ​ൻ​മാ​രാ​യ കെ.​വി. സ​ര​സ്വ​തി, കെ. ​ല​ത, ക​ര്‍ഷ​ക പ്ര​തി​നി​ധി പി.​പി. രാ​ജു തു​ട​ങ്ങി​യ​വ​ര്‍ കാ​ര്യ​ങ്ങ​ൾ വി​ശ​ദീ​ക​രി​ച്ചു.

പ്രി​ന്‍സി​പ്പ​ല്‍ അ​ഗ്രി​ക​ള്‍ച്ച​ര്‍ ഓ​ഫി​സ​ര്‍ പി. ​രാ​ഘ​വേ​ന്ദ്ര, കൃ​ഷി ഡെ​പ്യൂ​ട്ടി ഡ​യ​റ​ക്ട​ര്‍ സ്മി​ത ന​ന്ദി​നി, കാ​ഞ്ഞ​ങ്ങാ​ട് കൃ​ഷി ഫീ​ൽ​ഡ് അ​സി. കെ. ​മു​ര​ളീധ​ര​ൻ, കാ​ഞ്ഞ​ങ്ങാ​ട് വി​ല്ലേ​ജ് ഓ​ഫി​സ​ര്‍ കെ. ​രാ​ജ​ൻ തു​ട​ങ്ങി​യ​വ​ര്‍ ക​ല​ക്ട​റോ​ടൊ​പ്പം ഉ​ണ്ടാ​യി​രു​ന്നു.