സൂക്ഷിച്ചില്ലെങ്കിൽ കടി ഉറപ്പ്; കാ​ഞ്ഞ​ങ്ങാ​ട് കൈയടക്കി തെരുവുനായ്ക്കൾ

കാ​ഞ്ഞ​ങ്ങാ​ട്: ഹോ​സ്ദു​ർ​ഗ്, ടി.​ബി റോ​ഡ് പ്ര​ദേ​ശ​ങ്ങ​ൾ തെ​രു​വുനാ​യ്ക്ക​ളു​ടെ പി​ടി​യി​ൽ. ഇ​രു​ട്ട് വീ​ണാ​ൽ അ​ക്ര​മ​കാ​രി​ക​ളാ​യ നാ​യ്ക്ക​ളെ ഭ​യ​ന്ന് പു​റ​ത്തി​റ​ങ്ങാ​ൻ ക​ഴി​യാ​ത്ത അ​വ​സ്ഥ​യാ​ണ്. ഹോ​സ്ദു​ർ​ഗ് പൊ​ലീ​സ് സ്‌​റ്റേ​ഷ​ൻ, ഫ​യ​ർ സ്‌​റ്റേ​ഷ​ൻ, ആ​ർ.​ഡി.​ഒ, മി​നി സി​വി​ൽ സ്‌​റ്റേ​ഷ​ൻ, കോ​ട​തി പ​രി​സ​ര​ങ്ങ​ളി​ലും കെ​ട്ടി​ട​ങ്ങ​ളു​ടെ വ​ള​പ്പി​ലും കോ​ട​തി റോ​ഡു​ക​ളി​ലും രാ​ത്രി കൂ​ട്ട​ത്തോ​ടെ നാ​യ്ക്ക​ക്ക​ൾ വി​ഹ​രി​ക്കു​ന്നു.

പ​ക​ലും നാ​യ് ശ​ല്യ​മു​ണ്ടെ​ങ്കി​ലും രാ​ത്രി​യാ​ണ് ഇ​വ കൂ​ട്ട​ത്തോ​ടെ അ​ക്ര​മ​കാ​രി​ക​ളാ​കു​ന്ന​ത്. കു​ശാ​ൽ​ന​ഗ​ർ, ക​ല്ലൂ​രാ​വി, തീ​ര​ദേ​ശ മേ​ഖ​ല​ക​ളി​ലേ​ക്ക് ഇ​രു​ച​ക്ര​വാ​ഹ​ന​ങ്ങ​ളി​ലും കാ​ൽ​ന​ട​യാ​യും നി​ത്യ​വും നൂ​റ് ക​ണ​ക്കി​നാ​ളു​ക​ൾ പോ​കു​ന്ന​ത് ടി.​ബി റോ​ഡ് വ​ഴി​യാ​ണ്. ഈ ​ഭാ​ഗ​ത്താ​ണ് രാ​ത്രി നാ​യ്ക്ക​ളു​ടെ ഉ​പ​ദ്ര​വം രൂ​ക്ഷ​മാ​യ​ത്.

പ്രാ​ദേ​ശി​ക യൂ​ത്ത് ലീ​ഗ് നേ​താ​വ് ക​ല്ലൂ​രാ​വി​യി​ലെ സ​വാ​ദി​നെ ശ​നി​യാ​ഴ്ച രാ​ത്രി 50 ഓ​ളം വ​രു​ന്ന നാ​യ്ക്കൂ​ട്ടം ആ​ക്ര​മി​ക്കാ​ൻ ശ്ര​മി​ച്ചു. ഓ​ടി​ക്കൊ​ണ്ടി​രു​ന്ന ബൈ​ക്കി​ന് മേ​ൽ നാ​യ്ക്ക​​ൾ ചാ​ടി വീ​ണെ​ങ്കി​ലും ത​ല​നാ​രി​ഴ​ക്ക് ര​ക്ഷ​പ്പെ​ടു​ക​യാ​യി​രു​ന്നു. ന​ഗ​ര​ത്തി​ന്റെ പ്ര​ധാ​ന ഭാ​ഗ​മാ​യ ടി.​ബി റോ​ഡ് ടൗ​ൺ ഹാ​ൾ ഭാ​ഗം കൂ​രി​രു​ട്ടി​ലു​മാ​ണ്.