ചെന്നായ് ഭീതിയിൽ ഒരു നാട്

കാ​ഞ്ഞ​ങ്ങാ​ട്: ബ​ളാ​ൽ പ​ഞ്ചാ​യ​ത്തി​ലെ ചു​ള്ളി ഭാ​ഗ​ങ്ങ​ളി​ൽ നാ​ട്ടു​കാ​ർ ചെ​ന്നാ​യ്ക്ക​ളു​ടെ ഭീ​ഷ​ണി​യി​ൽ. ചു​ള്ളി​യി​ലെ ചി​ല ഭാ​ഗ​ങ്ങ​ളി​ൽ ചെ​ന്നാ​യ് കൂ​ട്ട​ങ്ങ​ളി​റ​ങ്ങി​യ​താ​യി സ്ഥി​രീ​ക​രി​ച്ചു. ക​ഴി​ഞ്ഞ​ദി​വ​സം രാ​വി​ലെ​യും ക​ഴി​ഞ്ഞ ആ​ഴ്ച​ക​ളി​ലും ഈ ​ഭാ​ഗ​ങ്ങ​ളി​ൽ ചെ​ന്നാ​യ് കൂ​ട്ട​ങ്ങ​ളി​റ​ങ്ങി.

നീ​ലേ​ശ്വ​രം സ്വ​ദേ​ശി മൊ​യ്തു ഹാ​ജി​യു​ടെ ഉ​ട​മ​സ്ഥ​ത​യി​ലു​ള്ള പ​റ​മ്പി​ൽ ഇ​വയെ​ത്തി. എ​ട്ടു മാ​സം പ്രാ​യ​മു​ള്ള മ​ലാ​ൻ​കു​ഞ്ഞി​നെ ചെ​ന്നാ​യ്ക്ക​ൾ ഭ​ക്ഷി​ച്ച​തിന്റെ അ​വ​ശി​ഷ്ടം ക​ണ്ടെ​ത്തി. മ​ലാ​ൻ കു​ഞ്ഞി​ന്റെ ക​ര​ച്ചി​ൽ കേ​ട്ടാ​ണ് പ​രി​സ​ര​വാ​സി​ക​ൾ ഓ​ടി​ക്കൂ​ടി​യ​ത്.

പ​രി​സ​ര​വാ​സി​ക​ളെ​ത്തി​യ​പ്പോ​ൾ മ​ലാ​ൻ​കു​ഞ്ഞി​നെ പ​കു​തി ഭ​ക്ഷി​ച്ച് ചെ​ന്നാ​യ്ക്ക​ൾ ര​ക്ഷ​പ്പെ​ടു​ക​യാ​യി​രു​ന്നു. ര​ണ്ടാ​ഴ്ച മുമ്പും ഈ ​ഭാ​ഗ​ത്തെ ഫോ​റ​സ്റ്റ് ഏ​രി​യ​യി​ൽ മ​ലാ​നി​ന്റെ ജ​ഡം ക​ണ്ടെ​ത്തി​യി​രു​ന്നു. ഇ​തും ചെ​ന്നാ​യ്ക്ക​ൾ ആ​ക്ര​മി​ച്ച് കൊ​ന്ന​താ​ണ്. മ​ലാ​നി​ന്റെ ജ​ഡം പോ​സ്റ്റ്മോ​ർ​ട്ടം ചെ​യ്ത​പ്പോ​ഴാ​ണ് ഇ​ത് വ്യ​ക്ത​മാ​യ​ത്. മ​രു​തോം ഫോ​റ​സ്റ്റ് സെ​ക്ഷ​ൻ ഓ​ഫി​സ​ർ ബി.​എ​സ്. വി​നോ​ദ്കു​മാ​റി​ന്റെ നേ​തൃ​ത്വ​ത്തി​ൽ സ്ഥ​ല​ത്ത് അ​ന്വേ​ഷ​ണം ന​ട​ത്തി.

പ്ര​ദേ​ശ​ത്ത് ക​ണ്ട ആ​റി​ലേ​റെ കാ​ൽ​പ്പാ​ടു​ക​ളും ചെ​ന്നാ​യ്ക്ക​ളു​ടെ​താ​ണെ​ന്ന് സ്ഥി​രീ​ക​രി​ച്ചു. ചു​ള്ളി​യി​ൽ പു​ലി​യി​റ​ങ്ങി​യെ​ന്നാ​യി​രു​ന്നു പ്ര​ച​ാര​ണ​മു​ണ്ടാ​യ​ത്. ഈ ​പ്ര​ദേ​ശ​ത്തെ വ​ന​ത്തി​ൽ ചെ​ന്നാ​യ്ക്ക​ളു​ടെ സാ​ന്നി​ധ്യ​മു​ണ്ടെ​ങ്കി​ലും ജ​ന​വാ​സ കേ​ന്ദ്ര​ത്തി​ലി​റ​ങ്ങു​ന്ന​ത് ആ​ദ്യ​മെ​ന്ന് വ​ന​പാ​ല​ക​ർ പ​റ​ഞ്ഞു. കാ​ട്ടു​പ​ന്നി​യു​ടെ​യും കു​ര​ങ്ങ​ന്മാ​രു​ടെ​യും ശ​ല്യം രൂ​ക്ഷ​മാ​യ പ്ര​ദേ​ശ​ത്താ​ണ് ചെ​ന്നാ​യു​ടെ ഭീ​ഷ​ണി​യും. നി​ര​വ​ധി ക​ർ​ഷ​ക​രു​ടെ നാ​ണ്യ​വി​ള​ക​ൾ കാ​ട്ടു​പ​ന്നി​യും കു​ര​ങ്ങും സ്ഥി​ര​മാ​യി ന​ശി​പ്പി​ക്കു​ന്നു​ണ്ട്.