കടകളിൽ മാത്രമല്ല, വിദ്യാലയമുറ്റത്തും ലഹരി വസ്തുക്കൾ -നാർകോട്ടിക് സെല്‍ ഡിവൈ.എസ്.പി

കാ​ഞ്ഞ​ങ്ങാ​ട്: യു​വ​ത്വ​ത്തി​ന്റെ പ​ച്ച​പ്പു​ക​ള്‍ക്ക് മീ​തെ തീമേ​ഘ​ങ്ങ​ളാ​യി പ​തി​യു​ന്ന രാ​സ​ല​ഹ​രി​ക​ള്‍ക്കെ​തി​രെ നാ​ടും​ന​ഗ​ര​വും മ​നു​ഷ്യ​രൊ​ക്കെ​യും അ​തി ജാ​ഗ്ര​ത പു​ല​ര്‍ത്തേ​ണ്ട കാ​ല​മാ​ണി​തെ​ന്ന് കാ​സ​ര്‍കോ​ട് നാ​ര്‍ക്കോ​ട്ടി​ക് സെ​ല്‍ ഡി​വൈ.​എ​സ്.​പി എ.​എം. മാ​ത്യു.

ക​ട​ക​ളി​ല്‍നി​ന്നും ക​മ്പോ​ള​ങ്ങ​ളി​ല്‍നി​ന്നും മാ​ത്ര​മ​ല്ല ല​ഹ​രി വ​സ്തു​ക്ക​ള്‍ വി​ദ്യാ​ല​യ മു​റ്റ​ത്തു​നി​ന്നു​ത​ന്നെ ല​ഭ്യ​മാ​വു​ന്നു എ​ന്ന​ത് ഏ​റെ ഗു​രു​ത​ര​മാ​യ സ്ഥി​തി​വി​ശേ​ഷ​മാ​ണെ​ന്നും മ​ക്ക​ളു​ടെ വ​ള​ര്‍ച്ച​യെ ര​ക്ഷി​താ​ക്ക​ള്‍ ക​ണ്ണി​മ പൂ​ട്ടാ​തെ നോ​ക്കി​ക്കാ​ണ​ണ​മെ​ന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി.

വി​വി​ധ പ​രീ​ക്ഷ​ക​ളി​ല്‍ വി​ജ​യം നേ​ടി​യ വി​ദ്യാ​ര്‍ഥി​ക​ളെ അ​നു​മോ​ദി​ക്കാ​ന്‍ ആ​റ​ങ്ങാ​ടി അ​ര്‍റ​ഹ്‌​മ സെൻറ​ര്‍ സം​ഘ​ടി​പ്പി​ച്ച ച​ട​ങ്ങി​ല്‍ ല​ഹ​രി വി​രു​ദ്ധ ബോ​ധ​വ​ത്ക​ര​ണ ക്ലാ​സെ​ടു​ക്കു​ക​യാ​യി​രു​ന്നു അ​ദ്ദേ​ഹം. ചെ​യ​ര്‍മാ​ന്‍ ബ​ഷീ​ര്‍ ആ​റ​ങ്ങാ​ടി അ​ധ്യ​ക്ഷ​ത വ​ഹി​ച്ചു. കാ​ഞ്ഞ​ങ്ങാ​ട് സം​യു​ക്ത ജ​മാ​അ​ത്ത് പ്ര​സി​ഡ​ൻ​റ്​ പാ​ല​ക്കി സി. ​കു​ഞ്ഞാ​മ​ദ് ഹാ​ജി ഉ​ദ്ഘാ​ട​നം ചെ​യ്തു.

വി​ജ​യി​ക​ള്‍ക്ക് സി.​എ​ച്ച്. സെ​ന്റ​ർ വൈ​സ് ചെ​യ​ര്‍മാ​ന്‍ താ​യ​ല്‍ അ​ബ്ദു​ല്‍ റ​ഹ്‌​മാ​ന്‍ ഹാ​ജി ഉ​പ​ഹാ​രം ന​ൽ​കി. മു​സ്‌​ലിം ലീ​ഗ് ദേ​ശീ​യ കൗ​ണ്‍സി​ല്‍ അം​ഗം എ. ​ഹ​മീ​ദ് ഹാ​ജി, സം​യു​ക്ത ജ​മാ​അ​ത്ത് വൈ​സ് പ്ര​സി​ഡ​ൻ​റ്​ സു​റൂ​ര്‍ മൊ​യ്തു ഹാ​ജി, ന്യൂ​ന​പ​ക്ഷ വി​ദ്യാ​ഭ്യാ​സ സ​മി​തി ജി​ല്ല സെ​ക്ര​ട്ട​റി സി. ​മു​ഹ​മ്മ​ദ് കു​ഞ്ഞി, ന​ഗ​ര​സ​ഭ കൗ​ണ്‍സി​ല​ര്‍മാ​രാ​യ മു​ഹ​മ്മ​ദ് അ​ലി, ടി.​കെ. സു​മ​യ്യ, ജ​മാ​അ​ത്ത് പ്ര​സി​ഡ​ന്റ് ഇ.​കെ. അ​ബ്ദു​ര്‍ റ​ഹ്‌​മാ​ന്‍ തു​ട​ങ്ങി​യ​വ​ർ സം​സാ​രി​ച്ചു. ജ​ന​റ​ല്‍ ക​ണ്‍വീ​ന​ര്‍ എം.​കെ. റ​ഷീ​ദ് സ്വാ​ഗ​ത​വും വ​ര്‍ക്കി​ങ്​ ക​ണ്‍വീ​ന​ര്‍ എം.​കെ. അ​ഷ്‌​റ​ഫ് കോ​ട്ട​ക്കു​ന്ന് ന​ന്ദി​യും പ​റ​ഞ്ഞു.