ബ​സു​ക​ളു​ടെ അ​ധി​ക നി​ര​ക്ക്: ന​ട​പ​ടി​ക്ക് ആ​ർ.​ടി.​ഒ

കാ​ഞ്ഞ​ങ്ങാ​ട്: ബ​സ് സ്റ്റാ​ൻ​ഡി​ൽ നി​ന്ന് മ​ല​യോ​ര​ത്തേ​ക്കു​ള്ള സ്വ​കാ​ര്യ ബ​സു​ക​ൾ അ​ധി​ക നി​ര​ക്ക് ഈ​ടാ​ക്കു​ന്നെ​ന്ന പ​രാ​തി​യി​ൽ മോ​ട്ടോ​ർ വാ​ഹ​ന വ​കു​പ്പ് ന​ട​പ​ടി​ക്കൊ​രു​ങ്ങി.

കാ​സ​ർ​കോ​ട് ആ​ർ.​ടി.​ഒ സ​ജി പ്ര​സാ​ദ് സം​ഭ​വ​ത്തി​ൽ കാ​ഞ്ഞ​ങ്ങാ​ട് എം.​വി.​ഐ​യി​ൽ നി​ന്ന് റി​പ്പോ​ർ​ട്ട് തേ​ടി. ഇ​തു​സം​ബ​ന്ധി​ച്ചു​ള്ള പ​ഠ​ന റി​പ്പോ​ർ​ട്ട് ല​ഭി​ച്ചാ​ലു​ട​ൻ തു​ട​ർ ന​ട​പ​ടി​ക​ളു​ണ്ടാ​കു​മെ​ന്നാ​ണ് സൂ​ച​ന. 1974 ലെ ​ഫെ​യ​ർ​സ്റ്റേ​ജ് നി​ർ​ണ​യി​ച്ച രേ​ഖ​യി​ൽ കി​ഴ​ക്കും​ക​ര സ്റ്റേ​ജി​ല്ലെ​ന്നും ഈ ​റൂ​ട്ടി​ലെ സ്വ​കാ​ര്യ ബ​സു​ക​ളി​ൽ അ​മി​ത ചാ​ർ​ജ്​ വാ​ങ്ങു​ന്നെ​ന്നാ​യി​രു​ന്നു വാ​ർ​ത്ത.

പ​ഴ​യ രേ​ഖ​ക​ൾ പ​രി​ശോ​ധി​ച്ച് റി​പ്പോ​ർ​ട്ട് ന​ൽ​കു​മെ​ന്ന് ആ​ർ.​ടി ഉ​ദ്യോ​ഗ​സ്ഥ​ർ പ​റ​ഞ്ഞു. മോ​ട്ടോ​ർ വാ​ഹ​ന വ​കു​പ്പ് ന​ട​പ​ടി​യെ​ടു​ത്താ​ൽ കി​ഴ​ക്കും​ക​ര മു​ത​ൽ പാ​റ​പ്പ​ള്ളി വ​ഴി മ​ല​യോ​ര​ത്തേ​ക്കു​ള്ള ഓ​രോ സ്ഥ​ല​ത്തേ​ക്കും ടി​ക്ക​റ്റ് നി​ര​ക്ക് ര​ണ്ടു​രൂ​പ മു​ത​ൽ മൂ​ന്നു​വ​രെ കു​റ​യും. മ​ടി​ക്കൈ, കാ​സ​ർ​കോ​ട് റൂ​ട്ടി​ലെ ബ​സു​ക​ൾ മാ​വു​ങ്കാ​ലി​ലേ​ക്ക് മി​നി​മം നി​ര​ക്കാ​യ പ​ത്ത് രൂ​പ വാ​ങ്ങു​മ്പോ​ൾ മാ​വു​ങ്കാ​ലി​ന് കി​ഴ​ക്ക് അ​മ്പ​ല​ത്ത​റ, പാ​ണ​ത്തൂ​ർ, പ​ര​പ്പ, കൊ​ന്ന​ക്കാ​ട്, ചി​റ്റാ​രി​ക്കാ​ൽ, താ​യ​ന്നൂ​ർ റൂ​ട്ടി​ലോ​ടു​ന്ന ബ​സു​ക​ളി​ലെ ആ​യി​ര​ക്ക​ണ​ക്കി​ന് യാ​ത്ര​ക്കാ​രാ​ണ് ദി​വ​സ​വും കൂ​ടു​ത​ൽ ചാ​ർ​ജ് ന​ൽ​കി വ​രു​ന്ന​ത്. ന​ട​പ​ടി പി​ഴ​യീ​ടാ​ക്ക​ലി​ൽ തീ​രി​ല്ല.

സ്വ​കാ​ര്യ ബ​സു​ക​ൾ കി​ഴ​ക്കും​ക​ര​യി​ൽ ഇ​ല്ലാ​ത്ത ഫെ​യ​ർ​സ്റ്റേ​ജി​ന് പ​ണം ഈ​ടാ​ക്കു​ന്നെ​ന്ന പ​രാ​തി​യി​ൽ മോ​ട്ടോ​ർ വാ​ഹ​ന വ​കു​പ്പി​ന് ഉ​ട​ന​ടി ന​ട​പ​ടി സ്വീ​ക​രി​ക്കാം. എ​ന്നാ​ൽ, 1974ലെ ​രേ​ഖ​യി​ൽ ത​ന്നെ കൃ​ത്രി​മം ന​ട​ന്നെ​ന്നാ​ണ് പ​രാ​തി​ക്കാ​ര​ൻ പ​റ​യു​ന്ന​ത്.

കാ​ഞ്ഞ​ങ്ങാ​ട് -കൊ​ന്ന​ക്കാ​ട് റൂ​ട്ടി​ന് 53.9 കി​ലോ​മീ​റ്റ​ർ ദൈ​ർ​ഘ്യ​മു​ണ്ടെ​ന്നാ​ണ് ഫെ​യ​ർ​സ്റ്റേ​ജ് നി​ർ​ണ​യി​ച്ച രേ​ഖ​യി​ൽ പ​റ​യു​ന്ന​ത്. 55 കി​ലോ​മീ​റ്റ​റി​ന്‍റെ നി​ര​ക്ക് ഈ​ടാ​ക്കു​ന്നു​ണ്ട്. പൊ​തു​മ​രാ​മ​ത്ത് വ​കു​പ്പി​ന്‍റെ രേ​ഖ​ക​ളി​ലും സ്വ​കാ​ര്യ ബ​സു​ക​ൾ​ക്ക് പെ​ർ​മി​റ്റ് ല​ഭി​ക്കാ​ൻ കൊ​ടു​ത്ത രേ​ഖ​യി​ലു​മെ​ല്ലാം 49 കി​ലോ​മീ​റ്റ​റാ​ണ് ഈ ​റൂ​ട്ടി​ലു​ള്ള ദൂ​രം. പ​ര​പ്പ മു​ത​ൽ കൊ​ന്ന​ക്കാ​ട് വ​രെ 20 കി​ലോ​മീ​റ്റ​റി​ന് 25 കി​ലോ​മീ​റ്റ​റി​ന്‍റെ നി​ര​ക്ക് ഈ​ടാ​ക്കു​ന്നു​ണ്ട്. ഇ​ത് ദൂ​രം അ​ധി​കം കാ​ട്ടി​യു​ള്ള ത​ട്ടി​പ്പാ​ണെ​ന്നാ​ണ് ആ​ക്ഷേ​പം.ഏ​ഴാം​മൈ​ൽ - താ​യ​ന്നൂ​ർ -കാ​ലി​ച്ചാ​ന​ടു​ക്കം റൂ​ട്ടി​ലും ഈ ​ത​ട്ടി​പ്പു​ണ്ടെ​ന്ന് പ​റ​യു​ന്നു. ഏ​ഴാം​മൈ​ൽ മു​ത​ൽ കാ​ലി​ച്ചാ​ന​ടു​ക്കം വ​രെ 10 കി​ലോ​മീ​റ്റ​ർ ഓ​ടാ​ൻ 15 കി​ലോ​മീ​റ്റ​റി​ന്‍റെ നി​ര​ക്ക് ഈ​ടാ​ക്കു​ന്നു​ണ്ടെ​ന്നും പ​റ​യു​ന്നു.

ര​ണ്ട​ര കി​ലോ​മീ​റ്റ​ർ അ​ക​ല​ത്തി​ൽ സ്റ്റേ​ജു​ക​ൾ വേ​ണ​മെ​ന്ന് നി​യ​മം പ​റ​യു​മ്പോ​ൾ, ഇ​വി​ടെ ഒ​രു കി​ലോ​മീ​റ്റ​റി​ൽ കു​റ​ഞ്ഞ ദൂ​ര​ത്തി​ന് വ​രെ സ്റ്റേ​ജു​ണ്ടെ​ന്ന് പ​രാ​തി​ക്കാ​ര​ൻ ചൂ​ണ്ടി​ക്കാ​ട്ടു​ന്നു. ശാ​സ്ത്രീ​യ​മാ​യി പ​രി​ഷ്ക​രി​ച്ചാ​ൽ താ​യ​ന്നൂ​രി​ൽ നി​ന്ന് കാ​ഞ്ഞ​ങ്ങാ​ടെ​ത്താ​ൻ 35ന് ​പ​ക​രം 28 രൂ​പ മ​തി. ഇ​ത് പ​രി​ഹ​രി​ക്കാ​ൻ ക​ല​ക്ട​ർ ഇ​ട​പെ​ട​ണ​മെ​ന്നും ആ​വ​ശ്യ​മു​ണ്ട്. കാ​ഞ്ഞ​ങ്ങാ​ട് - കാ​രാ​ക്കോ​ട്, കാ​ഞ്ഞി​ര​പ്പൊ​യി​ൽ റൂ​ട്ടു​ക​ളി​ലെ ഫെ​യ​ർ സ്റ്റേ​ജ് 2022 ഏ​പ്രി​ൽ 29നാ​യി​രു​ന്നു പ​രി​ഷ്ക​രി​ച്ച​ത്.