ചിത്താരിപ്പുഴ ഗതിമാറിയൊഴുകി; ത​ട​യ​ണ തീ​ർ​ത്ത് നീ​രൊ​ഴു​ക്കു ത​ട​ഞ്ഞു

കാ​ഞ്ഞ​ങ്ങാ​ട്: ചി​ത്താ​രി​പ്പു​ഴ ഗ​തി​മാ​റി​യൊ​ഴു​കി​യ​തോ​ടെ അ​ജാ​നൂ​ർ മീ​നി​റ​ക്കു കേ​ന്ദ്ര​ത്തി​നു ഭീ​ഷ​ണി​യാ​യ​തി​നെ​ത്തു​ട​ർ​ന്ന് മ​ത്സ്യ​ത്തൊ​ഴി​ലാ​ളി​ക​ളും തൊ​ഴി​ലു​റ​പ്പു തൊ​ഴി​ലാ​ളി​ക​ളും നാ​ട്ടു​കാ​രും ചേ​ർ​ന്ന് ത​ട​യ​ണ നി​ർ​മി​ച്ചു. അ​ഴി​മു​ഖ​ത്ത് നൂ​റു​ക​ണ​ക്കി​ന് കൊ​ത്തോ​ല​യും മു​ള​യും വ​ട​വും ര​ണ്ടാ​യി​ര​ത്തോ​ളം മ​ണ​ൽ​ചാ​ക്കു​ക​ളും ചേ​ർ​ത്തു​വെ​ച്ച് ത​ട​യ​ണ തീ​ർ​ത്ത് പു​ഴ​യു​ടെ നീ​രൊ​ഴു​ക്കു ത​ട​ഞ്ഞു.

ബു​ധ​നാ​ഴ്ച രാ​വി​ലെ ആ​റു മ​ണി​യോ​ടെ ക്ഷേ​ത്ര സ്ഥാ​നി​ക​രു​ടെ നേ​തൃ​ത്വ​ത്തി​ൽ ത​ട​യ​ണ പ്ര​വൃ​ത്തി തു​ട​ങ്ങി. ഉ​ച്ച​യാ​കു​മ്പോ​ഴേ​ക്കും വെള്ളം ത​ട​ഞ്ഞു​നി​ർ​ത്താ​നാ​യി. ചി​ത്താ​രി​ക്ക​ട​പ്പു​റ​ത്തു​നി​ന്നും ഒ​രു കി​ലോ​മീ​റ്റ​റോ​ളം ദൂ​ര​ത്താ​യാ​ണ് അ​ഴി മു​റി​ഞ്ഞ​ത്. സാ​ധാ​ര​ണ ചി​ത്താ​രി പു​ഴ​യി​ലെ നീ​രൊ​ഴു​ക്ക് അ​റ​ബി​ക്ക​ട​ലി​ലേ​ക്കാ​ണ്.

ഇ​ങ്ങ​നെ പോ​യാ​ൽ മീ​നി​റ​ക്കു കേ​ന്ദ്ര​ത്തി​നു ഭീ​ഷ​ണി ഉ​ണ്ടാ​കാ​റി​ല്ല. നാ​ലു​വ​ർ​ഷം മു​മ്പ് പു​ഴ ഗ​തി​മാ​റി മീ​നി​റ​ക്കു കേ​ന്ദ്ര​ത്തി​നു സ​മീ​പ​ത്തെ​ത്തി​യ​പ്പോ​ൾ മ​ത്സ്യ​ത്തൊ​ഴി​ലാ​ളി​ക​ൾ ചേ​ർ​ന്ന് ഒ​രു ല​ക്ഷ​ത്തോ​ളം രൂ​പ ചെ​ല​വാ​ക്കി ഇ​തു​പോ​ലെ മ​ണ​ൽ​ചാ​ക്കു​ക​ൾ നി​ര​ത്തി സം​ര​ക്ഷി​ച്ചി​രു​ന്നു. കു​റും​ബ ഭ​ഗ​വ​തി ക്ഷേ​ത്ര സ്ഥാ​നി​ക​രാ​യ അ​മ്പാ​ടി കാ​ര​ണ​വ​ർ, ഗോ​പി കൂ​ട്ടാ​യി, വാ​ർ​ഡ് അം​ഗം കെ. ​ര​വീ​ന്ദ്ര​ൻ, ക്ഷേ​ത്ര ക​മ്മി​റ്റി അം​ഗ​ങ്ങ​ളാ​യ എ. ​പൃ​ഷ്ക​ര​ൻ, എ. ​വേ​ണു, പ്രാ​ദേ​ശി​ക ത​ലം കൂ​ട്ടാ​യ്മ​യി​ലെ എ.​കെ. ന​ന്ദ​ന​ൻ, എ. ​പ്ര​ശാ​ന്ത​ൻ തു​ട​ങ്ങി​യ​വ​ർ ത​ട​യ​ണ നി​ർ​മാ​ണ​ത്തി​ന് നേ​തൃ​ത്വം ന​ൽ​കി.