സ്പോർട്സ് കൗൺസിലിന്റെ ലെറ്റർ ഹെഡ് ഉപയോഗിച്ച് തട്ടിപ്പെന്ന് പരാതി

കാ​ഞ്ഞ​ങ്ങാ​ട്: സം​സ്ഥാ​ന സ്പോ​ർ​ട്സ് കൗ​ൺ​സി​ലി​ന്റെ കീ​ഴി​ലു​ള്ള കെ.​എ​ഫ്.​എ​യു​ടെ അം​ഗീ​കാ​ര​മു​ണ്ടെ​ന്ന് തെ​റ്റി​ദ്ധ​രി​പ്പി​ച്ച് ലെ​റ്റ​ർ ഹെ​ഡ് ത​യാ​റാ​ക്കി ക​ബ​ളി​പ്പി​ക്കു​ന്ന​താ​യി പ​രാ​തി. പ​ട​ന്ന​യി​ലെ ഒ​രു ഫു​ട്ബാ​ൾ സം​ഘ​ട​ന​ക്കെ​തി​രെ​യാ​ണ് പ​രാ​തി. കെ.​എ​ഫ്.​എ​യു​ടെ അം​ഗീ​കാ​രം നേ​ടി​യ ക്ല​ബു​ക​ൾ​ക്ക് മാ​ത്ര​മേ കെ.​എ​ഫ്.​എ​യു​ടെ ഔ​ദ്യോ​ഗി​ക നാ​മ​മോ മു​ദ്ര​യോ ഉ​പ​യോ​ഗി​ക്കാ​ൻ പാ​ടു​ള്ളൂ എ​ന്ന നി​ബ​ന്ധ​ന നി​ല​നി​ൽ​ക്കെ​യാ​ണ് ലെ​റ്റ​ർ​ഹെ​ഡ് ഉ​ൾ​പ്പെ​ടെ അ​ടി​ച്ച് തെ​റ്റി​ദ്ധ​രി​പ്പി​ക്കു​ന്ന​തെ​ന്ന് പ​രാ​തി​യി​ലു​ണ്ട്. ജി​ല്ല ഫു​ട്ബാൾ അ​സോ​സി​യേ​ഷ​ൻ പ്ര​സി​ഡ​ന്റ് ചെ​റു​വ​ത്തൂ​രി​ലെ കെ. ​വീ​ര​മ​ണി ഇ​ത് സം​ബ​ന്ധി​ച്ച് ച​ന്തേ​ര പൊ​ലീ​സി​ൽ പ​രാ​തി ന​ൽ​കി. ഫി​ഫ​യു​ടെ​യും എ.​എ​ഫ്.​സി​യു​ടെ​യും ഓ​ൾ ഇ​ന്ത്യ ഫു​ട്‌​ബാൾ ഫെ​ഡ​റേ​ഷ​ന്റെ​യും അം​ഗീ​കാ​ര​മു​ള്ള സം​സ്ഥാ​ന​ത്തെ ഫു​ട്‌​ബാ​ൾ രം​ഗ​ത്തെ ഔ​ദ്യോ​ഗി​ക സം​ഘ​ട​ന​യാ​ണ് കേ​ര​ള ഫു​ട്‌​ബാൾ അ​സോ​സി​യേ​ഷ​നും ജി​ല്ല ഫു​ട്‌​ബാൾ അ​സോ​സി​യേ​ഷ​നു​മെ​ന്നും ഇ​ത്ത​ര​മൊ​രു ഫു​ട്ബാ​ൾ സം​ഘ​ട​ന​ക്ക് അം​ഗീ​കാ​ര​മി​​ല്ലെ​ന്നും പ​രാ​തി​യി​ൽ ചൂ​ണ്ടി​ക്കാ​ട്ടി.

കെ.​എ​ഫ്.​എ​യി​ൽ അ​ഫി​ലി​യേ​റ്റ് ചെ​യ്‌​ത അം​ഗീ​കൃ​ത ക്ല​ബ് ആ​ണെ​ന്ന് പ്ര​ചാ​ര​ണം ന​ട​ത്തി സാ​മ്പ​ത്തി​ക​നേ​ട്ടം കൈ​വ​രി​ച്ച​താ​യും ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്നും പ​രാ​തി​യി​ലു​ണ്ട്. ഗു​രു​ത​ര​മാ​യ കു​റ്റ​മാ​യ​തി​നാ​ൽ നി​യ​മ​ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും പ​രാ​തി​യി​ൽ ആ​വ​ശ്യ​പ്പെ​ട്ടു.