ഹോസ്ദുർഗ് ഹൗസിങ് സഹകരണ സംഘത്തിൽ പ്രസിഡന്റിനെച്ചൊല്ലി കോൺഗ്രസിൽ തർക്കം; വനിത ജില്ല നേതാവ് സ്ഥലത്തില്ലാത്ത സമയത്ത് ഭാരവാഹിയെ തിരഞ്ഞെടുത്തു

കാ​ഞ്ഞ​ങ്ങാ​ട് : ബി.​ജെ.​പി​യു​മാ​യി ക​ടു​ത്ത മ​ത്സ​രം ന​ട​ത്തി പി​ടി​ച്ചെ​ടു​ത്ത പോ​സ്ദു​ർ​ഗ് ഹൗ​സിങ് സ​ഹ​ക​ര​ണ സം​ഘം തെര​ഞ്ഞെ​ടു​പ്പി​ൽ വ​നി​ത നേ​താ​വി​നെ ത​ഴ​ഞ്ഞ് മ​റ്റൊ​രാ​ളെ പ്ര​സി​ഡ​ന്റാ​ക്കി​യ​തി​നെച്ചൊ​ല്ലി കോ​ൺ​ഗ്ര​സി​ൽ ത​ർ​ക്കം. വ​നി​താ നേ​താ​വ് സ്ഥ​ല​ത്തി​ല്ലാ​ത്ത സ​മ​യ​ത്ത് സൊ​സൈ​റ്റി പ്ര​സി​ഡ​ന്റി​നെ തെ​ര​ഞ്ഞെ​ടു​ത്ത​തി​നെ ചൊ​ല്ലി​യാ​ണ് കോ​ൺ​ഗ്ര​സി​ൽ ത​ർ​ക്കം ഉ​ണ്ടാ​യ​ത്.

കോ​ൺ​ഗ്ര​സ് ബ്ലോ​ക്ക് ഭാ​ര​വാ​ഹി ത​മ്പാ​ൻ നാ​യ​രെ പ്ര​സി​ഡ​ന്റാ​യി കോ​ൺ​ഗ്ര​സ് നി​യ​മി​ച്ച് ന​ട​ന്ന ഡ​യ​റ​ക്ട​ർ ബോ​ർ​ഡ് യോ​ഗ​ത്തി​ൽ ത​മ്പാ​ൻ നാ​യ​രെ അം​ഗീ​ക​രി​ക്കു​ക​യും മു​സ്‍ലിം ലീ​ഗി​ലെ ക​രീം കു​ശാ​ൽ​ ന​ഗ​റി​നെ വൈ​സ് പ്ര​സി​ഡ​ന്റായി തി​ര​ഞ്ഞെ​ടു​ക്കുകയും ചെയ്തു.

ഒ​മ്പ​ത് ഡ​യ​റ​ക്ട​ർ ബോ​ർ​ഡ് യോ​ഗ​ത്തി​ലേ​ക്ക് ക​ഴി​ഞ്ഞ​ദി​വ​സം ന​ട​ന്ന ക​ടു​ത്ത മ​ത്സ​ര​ത്തി​നൊ​ടു​വി​ൽ ഒമ്പത് സീ​റ്റി​ലും യു.​ഡി.​എ​ഫ് വി​ജ​യി​ക്കു​ക​യാ​യി​രു​ന്നു. കോ​ൺ​ഗ്ര​സി​ന് ഏ​ഴും മു​സ്‍ലിം ലീ​ഗി​ന് ര​ണ്ടും സീ​റ്റാ​ണ് ഉ​ള്ള​ത്. മു​ൻ ന​ഗ​ര​സ​ഭ വൈ​സ് ചെ​യ​ർ​പേ​ഴ്സ​നും മ​ഹി​ള കോ​ൺ​ഗ്ര​സ് ജി​ല്ലാ വൈ​സ് പ്ര​സി​ഡ​ന്റുമാ​യ സി. ​ശ്യാ​മ​ള പ്ര​സി​ഡ​ന്റു സ്ഥാ​ന​ത്ത് എ​ത്തുമെന്നാ​യി​രു​ന്നു ആ​ദ്യം മു​ത​ലേ ഉ​ള്ള സൂ​ച​ന.

ഡ​യ​റ​ക്ടർ സ്ഥാ​ന​ത്തേ​ക്ക് മ​ത്സ​രി​ച്ച ഒമ്പതു പേ​രി​ൽ എട്ടു പു​തു​മു​ഖ​ങ്ങളായി​രു​ന്നു​വെ​ങ്കി​ലും സി. ​ശ്യാ​മ​ള മാ​ത്ര​മാ​ണ് മു​ൻ​കാ​ല​ങ്ങ​ളി​ൽ ഡ​യ​റ​ക്ട​റാ​യി​രു​ന്ന അം​ഗം. ഏ​റ്റ​വും വ​ലി​യ ഭൂ​രി​പ​ക്ഷ​ത്തി​ൽ ശ്യാ​മ​ള വി​ജ​യി​ക്കു​ക​യും ചെ​യ്തി​രു​ന്നു.

പ്ര​സി​ഡ​ന്റ് സ്ഥാ​ന​ത്തേ​ക്ക് പാ​ർ​ട്ടി നി​ർ​ബ​ന്ധി​ച്ചായി​രു​ന്നു ശ്യാ​മ​ള​യെ മ​ത്സ​ര​ത്തി​നി​റ​ക്കി​യ​ത്. തെര​ഞ്ഞെ​ടു​പ്പ് ഫ​ലം പു​റ​ത്തു​വ​ന്ന​തി​നുപി​ന്നാ​ലെ ഡി.​സി.​സി പ്ര​സി​ഡ​ന്റ് ശ്യാ​മ​ള​യെ ഫോ​ണി​ൽ വി​ളി​ച്ച് പ്ര​സി​ഡ​ന്റ് സ്ഥാ​ന​ത്തേ​ക്ക് താ​ൽപര്യ​മു​ണ്ടോ എ​ന്ന് ആ​രാ​ഞ്ഞി​രു​ന്നു.

പാ​ർ​ട്ടി പ​റ​ഞ്ഞാ​ൽ പ്ര​സി​ഡ​ന്റാകാ​ൻ ത​യാ​റാ​ണെ​ന്ന് ശ്യാ​മ​ള അ​റി​യി​ച്ചി​രു​ന്നു. മ​ക​ളു​ടെ ചി​കി​ത്സ​യു​മാ​യി ബ​ന്ധ​പ്പെ​ട്ട് കോ​ഴി​ക്കോ​ട് ആ​ശു​പ​ത്രി​യി​ൽ പ​തി​മൂ​ന്നാം തീ​യ​തി പോ​കേ​ണ്ടി​യി​രു​ന്ന ശ്യാ​മ​ള തെര​ഞ്ഞെ​ടു​പ്പ് ന​ട​ക്കു​ന്ന​തി​നാ​ൽ 17ലേ​ക്ക് യാ​ത്ര മാ​റ്റി​വെ​ക്കു​ക​യാ​യി​രു​ന്നു.

ഇ​ക്കാ​ര്യം പാ​ർ​ട്ടി​യെ അ​റി​യി​ക്കു​ക​യും ചെ​യ്തി​രു​ന്നു. 17 മു​ത​ൽ ഏ​താ​നും ദി​വ​സ​ത്തേ​ക്ക് കോ​ഴി​ക്കോ​ട് ആ​ശു​പ​ത്രി​യി​ൽ ആ​യി​രി​ക്കു​മെ​ന്നും ശ്യാ​മ​ള പാ​ർ​ട്ടി നേ​തൃ​ത്വ​ത്തെ​യും ഡി.​സി.​സി പ്ര​സി​ഡ​ന്റി​നെ നേ​രി​ട്ട് അ​റി​യി​ച്ച​താ​ണ്. ര​ണ്ടാ​ഴ്ച​ക്കുശേ​ഷം ഭാ​ര​വാ​ഹി​ തി​ര​ഞ്ഞെ​ടു​പ്പ് ന​ടക്കു​മെ​ന്നാ​യി​രു​ന്നു തീ​രു​മാ​ന​മെ​ങ്കി​ലും ശ്യാ​മ​ള സ്ഥ​ല​ത്തി​ല്ലാ​ത്ത സ​മ​യ​ത്ത് ധൃ​തി​പ്പെ​ട്ട് യോ​ഗംചേ​ർ​ന്ന് ത​മ്പാ​ൻ നാ​യ​രെ പ്ര​സി​ഡ​ന്റ് സ്ഥാ​ന​ത്തേ​ക്ക് കൊ​ണ്ടു​വ​രി​ക​യാ​യി​രു​ന്നു.

ഇ​തി​നു പി​ന്നി​ൽ കോ​ൺ​ഗ്ര​സി​ലെ ചി​ല നേ​താ​ക്ക​ളാണെ​ന്നാ​ണ് സൂ​ച​ന. ശ്യാ​മ​ള സ്ഥ​ല​ത്തി​ല്ലാ​ത്ത​ത് നോ​ക്കി ത​മ്പാ​ൻ നാ​യ​രെ പ്ര​സി​ഡ​ന്റ് ആ​ക്കി​യ​തി​ൽ കോ​ൺ​ഗ്ര​സി​ലെ ഒ​രു വി​ഭാ​ഗ​ത്തി​ന് ക​ടു​ത്ത അ​മ​ർ​ഷ​മു​ണ്ട്. താ​ൻ സ്ഥ​ല​ത്തി​ല്ലാ​ത്ത സ​മ​യ​ത്ത് പ്ര​സി​ഡ​ന്റി​നെ തി​ര​ഞ്ഞെ​ടു​ത്ത​തി​ൽ ശ്യാ​മ​ള​ക്കും ക​ടു​ത്ത വിയോ​ജി​പ്പു​ണ്ട്.

നി​ല​വി​ലെ ഡ​യ​റ​ക്ട​ർ​മാ​രി​ൽ പ്ര​സി​ഡ​ന്റാകാ​ൻ കൂ​ടു​ത​ൽ സാ​ധ്യ​ത ശ്യാ​മ​ള​ക്കാ​യി​രു​ന്നു. ബി.​ജെ.​പി​യെ ഡ​യ​റ​ക്ട​ർ സ്ഥാ​ന​ത്ത് എ​ത്തു​ന്ന​തി​ൽനി​ന്നും ത​ട​ഞ്ഞ​തി​ൽ പ്ര​ധാ​ന പ​ങ്കുവ​ഹി​ച്ച​തും സി. ​ശ്യാ​മ​ള​യാ​യി​രു​ന്നു​വെ​ന്ന് ഒ​രു വി​ഭാ​ഗം പാ​ർ​ട്ടി പ്ര​വ​ർ​ത്ത​ക​ർ ചൂ​ണ്ടി​ക്കാ​ട്ടു​ന്നു.