കെ​ട്ടി​ട​ങ്ങ​ൾ​ക്ക് അ​പാ​ക​ത; ഉ​ദ്യോ​ഗ​സ്ഥ​ർ​ക്ക് കാ​ര​ണം കാ​ണി​ക്ക​ൽ നേട്ടീസ്

കാ​ഞ്ഞ​ങ്ങാ​ട്: ന​ഗ​ര​ത്തി​ലെ നി​ർ​മാ​ണ​ത്തി​ലി​രി​ക്കു​ന്ന​തും പൂ​ർ​ത്തി​യാ​യ​തു​മാ​യ കെ​ട്ടി​ട​ങ്ങ​ളു​ടെ ത​റ വി​സ്തീ​ർ​ണ അ​നു​പാ​തം (എ​ഫ്.​എ.​ആ​ർ) നി​ർ​ണ​യി​ച്ച​തി​ൽ ക്ര​മ​ക്കേ​ട് ന​ട​ത്തി​യ​ ഉ​ദ്യോ​ഗ​സ്ഥ​ർ​ക്ക് കാ​ഞ്ഞ​ങ്ങാ​ട് ന​ഗ​ര​സ​ഭ​ കാ​ര​ണം കാ​ണി​ക്ക​ൽ നോ​ട്ടീ​സ് അ​യ​ച്ച​ു. ന​ഗ​ര​ത്തി​ലെ 10ല​ധി​കം നി​ല​ക​ളു​ള്ള കെ​ട്ടി​ടം ഉ​ൾ​പ്പെ​ടെ ഒ​ന്നി​ല​ധി​കം കെ​ട്ടി​ട​ങ്ങ​ളി​ൽ എ​ഫ്.​എ.​ആ​ർ നി​ർ​ണ​യി​ച്ച​തി​ൽ വ്യാ​പ​ക​മാ​യ ക്ര​മ​ക്കേ​ട് സി.​എ.​ജി ക​ണ്ടെ​ത്തി​യി​രു​ന്നു. തു​ട​ർ​ന്നാ​ണ് ന​ട​പ​ടി. നി​ർ​മാ​ണ കാ​ലാ​വ​ധി ര​ണ്ടു ത​വ​ണ​യി​ല​ധി​കം നീ​ട്ടി​ന​ൽ​കി​യി​ട്ടും ന​ഗ​ര​സ​ഭ​ക്ക് കോ​ടി​ക​ളു​ടെ ന​ഷ്ട​മാ​ണു​ണ്ടാ​യ​തെ​ന്ന് റി​പ്പോ​ർ​ട്ടി​ൽ ക​ണ്ടെ​ത്തി.

ഈ ​കെ​ട്ടി​ട​ത്തി​ന്റെ പ്ലാ​നി​ൽ ഒ​ന്നി​ല​ധി​കം സി​നി​മ​ശാ​ല​ക​ൾ ഉ​ൾ​പ്പെ​ടെ ഉ​ണ്ടെ​ങ്കി​ലും ഇ​വ എ​ഫ്.​എ.​ആ​റി​ൽ ഉ​ൾ​പ്പെ​ടു​ത്തി​യി​ട്ടി​യി​ല്ലെ​ന്നും ക​ണ്ടെ​ത്തി​യി​രു​ന്നു. ഇ​ത് ഉ​ദ്യോ​ഗ​സ്ഥ​രു​ടെ ഗു​രു​ത​ര വീ​ഴ്ച​യാ​ണെ​ന്നും ക​ണ്ടെ​ത്തി​യി​രു​ന്നു. കെ​ട്ടി​ട അ​ള​വി​നെ​ത്തി​യ ഉ​ദ്യോ​ഗ​സ്ഥ​ർ​ക്കെ​തി​രെ​യാ​ണ് കാ​ര​ണം കാ​ണി​ക്ക​ൽ നോ​ട്ടീ​സ് അ​യ​ച്ച​ത്. ന​ഗ​ര​സ​ഭ​യി​ൽ​നി​ന്ന് സ്ഥ​ലം​മാ​റി​പ്പോ​യ ഉ​ദ്യോ​ഗ​സ്ഥ​രാ​ണ് ഇ​വ​ർ. അ​ലാ​മി​പ്പ​ള്ളി​യി​ൽ ബ​സ് സ്റ്റാ​ൻ​ഡി​ന് സ്ഥ​ലം ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട് ന​ഗ​ര​സ​ഭ​യു​ടെ ഒ​രേ​ക്ക​റി​ല​ധി​കം സ്ഥ​ലം അ​ന്യാ​ധീ​ന​പ്പെ​ട്ടി​ട്ടു​ണ്ട്.

ഇ​തു തി​രി​കെ പി​ടി​ക്ക​ണ​മെ​ന്ന് ന​ഗ​ര​സ​ഭ കൗ​ൺ​സി​ൽ യോ​ഗ​വും തീ​രു​മാ​ന​മെ​ടു​ത്തി​രു​ന്നു. ഇ​തു​മാ​യി ബ​ന്ധ​പ്പെ​ട്ടും ഉ​ദ്യോ​ഗ​സ്ഥ​ർ​ക്ക് ന​ഗ​ര​സ​ഭ നോ​ട്ടി​സ് അ​യ​ച്ചി​ട്ടു​ണ്ട്. ഉ​ദ്യോ​ഗ​സ്ഥ​രു​ടെ കൂ​ട്ട​ത്തി​ൽ സ​ർ​വി​സി​ൽ​നി​ന്ന് വി​ര​മി​ച്ച​വ​രു​മു​ണ്ട്. സി.​എ.​ജി​യു​ടെ റി​പ്പോ​ർ​ട്ടി​ൽ ത​ന്നെ ഉ​ദ്യോ​ഗ​സ്ഥ​ർ​ക്ക് കാ​ര​ണം​കാ​ണി​ക്ക​ൽ നോ​ട്ടി​സ് അ​യ​ക്ക​ണ​മെ​ന്ന് നി​ർ​ദേ​ശി​ച്ച​തി​ന്റെ അ​ടി​സ്ഥാ​ന​ത്തി​ൽ കൂ​ടി​യാ​ണ് ന​ട​പ​ടി.

ആ​ദ്യ പ്ലാ​ൻ അ​നു​സ​രി​ച്ച് മൂ​ന്ന് വ​ർ​ഷം പൂ​ർ​ത്തി​യാ​കാ​ത്ത കെ​ട്ടി​ട​ത്തി​ന് മൂ​ന്ന് വ​ർ​ഷ​ത്തേ​ക്ക് കൂ​ടി നി​ർ​മാ​ണാ​നു​മ​തി നീ​ട്ടി ന​ൽ​കി​യ​പ്പോ​ഴും കൃ​ത്രി​മം ക​ണ്ടെ​ത്താ​തെ​യാ​ണ് അ​നു​മ​തി പു​തു​ക്കി​ന​ൽ​കി​യ​ത്. തൊ​ട്ട​ടു​ത്തു​ള്ള മ​റ്റൊ​രു കെ​ട്ടി​ട​ത്തി​ൽ അ​ഡീ​ഷ​ന​ൽ പെ​ർ​മി​റ്റ് ന​ൽ​കു​ന്ന​തു​മാ​യി ബ​ന്ധ​പ്പെ​ട്ട 24.5 ല​ക്ഷം രൂ​പ​യും ന​ഗ​ര​സ​ഭ​ക്ക് ന​ഷ്ട​മാ​യ​താ​യി റി​പ്പോ​ർ​ട്ടി​ലു​ണ്ട്. കോ​ടി​ക​ൾ​ക്ക് മു​ക​ളി​ൽ ഇ​തു​മൂ​ലം ന​ഗ​ര​സ​ഭ​ക്ക് ന​ഷ്ടം സം​ഭ​വി​ച്ചു.