യു​വ​തി​യെ പീ​ഡി​പ്പി​ച്ച കേ​സ്: ഡോ​ക്ട​ർ അ​റ​സ്റ്റി​ൽ

കാ​ഞ്ഞ​ങ്ങാ​ട്: ചി​കി​ത്സ​ക്കെ​ത്തി​യ യു​വ​തി​യെ ക്ലി​നി​ക്കി​ൽ ലൈം​ഗി​ക​മാ​യി പീ​ഡി​പ്പി​ച്ച കേ​സി​ൽ പ്ര​തി​യാ​യ ഡോ​ക്ട​ർ അ​റ​സ്റ്റി​ൽ. സ​ർ​ക്കാ​ർ ഡോ​ക്ട​റാ​യ കെ. ​ജോ​ൺ ജോ​ണാ​ണ് (39) അ​റ​സ്റ്റി​ലാ​യ​ത്. അ​മ്പ​ല​ത്ത​റ പൊ​ലീ​സ് ഇ​ൻ​സ്പെ​ക്ട​ർ കെ. ​ദാ​മോ​ദ​ര​നാ​ണ് പ്ര​തി​യെ അ​റ​സ്റ്റു ചെ​യ്ത​ത്. ഡോ​ക്ട​റെ ജി​ല്ല ആ​ശു​പ​ത്രി​യി​ലെ​ത്തി​ച്ച് ലൈം​ഗി​ക​ശേ​ഷി പ​രി​ശോ​ധ​ന​ക്ക് വി​ധേ​യ​മാ​ക്കി.

കേ​സെ​ടു​ത്ത​തോ​ടെ ഒ​ളി​വി​ൽ​പോ​യ ഡോ​ക്ട​ർ ഹൈ​കോ​ട​തി​യി​ൽ മു​ൻ​കൂ​ർ ജാ​മ്യാ​പേ​ക്ഷ സ​മ​ർ​പ്പി​ച്ചി​രു​ന്നു. പ്ര​തി​ക്ക് മു​ൻ​കൂ​ർ​ജാ​മ്യം അ​നു​വ​ദി​ക്കു​ക​യും അ​മ്പ​ല​ത്ത​റ പൊ​ലീ​സി​ൽ ഹാ​ജ​രാ​കാ​ൻ നി​ർ​ദേ​ശി​ക്കു​ക​യു​മാ​യി​രു​ന്നു. കോ​ട​തി നി​ർ​ദേ​ശ​ത്തെ തു​ട​ർ​ന്ന് ഡോ​ക്ട​റെ അ​റ​സ്റ്റു ചെ​യ്ത് ര​ണ്ട് ആ​ൾ ജാ​മ്യ​ത്തി​ൽ വി​ട്ടു. അ​ന്വേ​ഷ​ണ ഉ​ദ്യോ​ഗ​സ്ഥ​ർ ആ​വ​ശ്യ​പ്പെ​ടു​ന്ന ര​ണ്ടു​ദി​വ​സം പൊ​ലീ​സി​ൽ ഹാ​ജ​രാ​ക​ണം.

അ​ന്വേ​ഷ​ണ​വു​മാ​യി സ​ഹ​ക​രി​ക്ക​ണം, ഏ​തെ​ങ്കി​ലും കു​റ്റ​കൃ​ത്യ​ത്തി​ൽ ഏ​ർ​പ്പെ​ട​രു​തെ​ന്ന് ഉ​ൾ​പ്പെ​ടെ​യു​ള്ള ഉ​പാ​ധി​ക​ളോ​ടെ​യാ​ണ് ജാ​മ്യം ന​ൽ​കി​യ​ത്. പ്ര​തി​ക്ക് ജാ​മ്യം ന​ൽ​കു​ന്ന​തി​നെ അ​മ്പ​ല​ത്ത​റ പൊ​ലീ​സ് ഹൈ​കോ​ട​തി​യി​ൽ നേ​ര​ത്തേ എ​തി​ർ​ത്തി​രു​ന്നു. കാ​ഞ്ഞ​ങ്ങാ​ട് താ​മ​സി​ക്കു​ന്ന തൈ​ക്ക​ട​പ്പു​റം പി.​എ​ച്ച്.​സി​യി​ലെ ഡോ​ക്ട​ർ കെ. ​ജോ​ൺ ജോ​ൺ ഇ​ടു​ക്കി ക​ല്യാ​ർ​വ​ണ്ട മ​റ്റം സ്വ​ദേ​ശി​യാ​ണ്.

ഇ​രി​യ​യി​ൽ ക്ലി​നി​ക് ന​ട​ത്തു​ന്ന ഡോ. ​ജോ​ൺ ജോ​ൺ ര​ണ്ടു മ​ക്ക​ളു​ടെ മാ​താ​വാ​യ യു​വ​തി​യെ ഇ​രി​യ​യി​ലെ ക്ലി​നി​ക്കി​ൽ​വെ​ച്ച് പീ​ഡി​പ്പി​ച്ചെ​ന്നാ​ണ് കേ​സ്. 2024 സെ​പ്റ്റം​ബ​ർ ഒ​മ്പ​തി​ന് ചി​കി​ത്സ​ക്കി​ടെ പീ​ഡി​പ്പി​ച്ചെ​ന്ന യു​വ​തി​യു​ടെ പ​രാ​തി​യി​ൽ ഡോ​ക്ട​ർ​ക്കെ​തി​രെ അ​മ്പ​ല​ത്ത​റ പൊ​ലീ​സ് ക​ഴി​ഞ്ഞ​യാ​ഴ്ച​യാ​ണ് കേ​സെ​ടു​ത്ത​ത്. ജി​ല്ല പൊ​ലീ​സ് മേ​ധാ​വി​ക്ക് ഉ​ള്‍പ്പെ​ടെ യു​വ​തി പ​രാ​തി ന​ല്‍കി​യി​രു​ന്നു. തു​ട​ർ​ന്നാ​ണ് അ​മ്പ​ല​ത്ത​റ പൊ​ലീ​സ് കേ​സെ​ടു​ത്ത​ത്.

കേ​സെ​ടു​ത്ത​തി​ന് പി​ന്നാ​ലെ ഡോ​ക്ട​റു​ടെ താ​മ​സ​സ്ഥ​ല​ത്ത് ഉ​ൾ​പ്പെ​ടെ പൊ​ലീ​സ് പ​രി​ശോ​ധ​ന​ക്കെ​ത്തി​യി​രു​ന്നെ​ങ്കി​ലും ക​ണ്ടെ​ത്താ​നാ​യി​ല്ല. ബി.​എ​ൻ.​എ​സ് 351 (3), 64 (2) (ഇ), 64 (2) (​എം) എ​ന്നീ വ​കു​പ്പു​ക​ൾ ചേ​ർ​ത്താ​ണ് പ്ര​തി​ക്കെ​തി​രെ കേ​സ് ര​ജി​സ്‌​റ്റ​ർ ചെ​യ്‌​ത​ത്. കാ​ഞ്ഞ​ങ്ങാ​ട്ടാ​യി​രു​ന്നു താ​മ​സ​മെ​ങ്കി​ലും കേ​സെ​ടു​ത്ത​തോ​ടെ സ്ഥ​ലം​വി​ട്ടു. അ​റ​സ്റ്റ് ചെ​യ്ത​ശേ​ഷം വി​ശ​ദ​മാ​യി ചോ​ദ്യം ചെ​യ്ത​ശേ​ഷ​മാ​ണ് ജാ​മ്യ​ത്തി​ൽ വി​ട്ട​ത്. ഡോ​ക്ട​റു​ടെ മൊ​ബൈ​ൽ ഫോ​ൺ ഉ​ൾ​പ്പെ​ടെ പൊ​ലീ​സ് പ​രി​ശോ​ധി​ക്കും