മുറ്റം വൃത്തിയാക്കുന്നതിനിടെ വീട്ടമ്മയുടെ കഴുത്തില്‍നിന്ന്​ സ്വര്‍ണമാല കവർന്നു

കാഞ്ഞങ്ങാട്: വീട്ടുമുറ്റം വൃത്തിയാക്കുകയായിരുന്ന വീട്ടമ്മയുടെ കഴുത്തില്‍ നിന്നും രണ്ടംഗസംഘം മൂന്നരപവ​െൻറ സ്വര്‍ണമാല പറിച്ചെടുത്ത് രക്ഷപ്പെട്ടു. കാഞ്ഞങ്ങാട് സൗത്ത് മുത്തപ്പനാര്‍കാവിന് സമീപത്തെ വാടക വീട്ടില്‍ താമസിക്കുന്ന ഷേര്‍ളി ജോണി​െൻറ കഴുത്തില്‍നിന്നാണ് സ്വര്‍ണമാല പൊട്ടിച്ചെടുത്തത്.

ബുധനാഴ്‌ച രാവിലെ 6.30ഒാടെയാണ് സംഭവം. ഷെര്‍ളി മുറ്റമടിച്ചുകൊണ്ടിരിക്കെ ഗേറ്റ് കടന്ന് അകത്തേക്കുകടന്ന യുവാവ് വഴി ചോദിക്കുകയും പെട്ടെന്ന്‌ സ്വര്‍ണമാല പൊട്ടിച്ച് ഓടുകയുമായിരുന്നു.

ഷെര്‍ളി പിന്നാലെ ഓടിയെങ്കിലും ഗേറ്റിന് പുറത്ത് കാത്തുനിന്ന മറ്റൊരു യുവാവി​െൻറ ബൈക്കില്‍ കയറി ഇയാള്‍ രക്ഷപ്പെടുകയായിരുന്നു. ബൈക്ക് കാഞ്ഞങ്ങാട് ഭാഗത്തേക്കാണ് പോയതെന്ന് ഷെര്‍ളി പറഞ്ഞു.

ഷെര്‍ളിയുടെ പരാതിയില്‍ ഹോസ്ദുര്‍ഗ് പൊലീസ് കേസെടുത്ത് അന്വേഷണം ആരംഭിച്ചു. സമീപപ്രദേശത്തെ സി.സി.ടി.വികൾ പൊലീസ് പരിശോധിച്ചുവരുകയാണ്.