വേദന കടിച്ചമർത്തി ഹനീഫ പൊരുതുകയാണ്...

കാ​ഞ്ഞ​ങ്ങാ​ട്: 'എട്ടു വ​ർ​ഷ​ത്തിലേറെയായി വേ​ദ​ന തി​ന്നാ​ണ് ജീ​വി​ക്കു​ന്ന​ത്. ചി​ല ദിവസങ്ങളിൽ വേദന ക​ടി​ച്ച​മ​ർ​ത്തി പു​ല​രു​വോ​ളം ഉ​റ​ക്ക​മൊ​ഴി​ച്ചിരിക്കും.. മ​ര​ണ​വേ​ദ​ന​യാ​ണ് ചി​ല​പ്പോ​ൾ. രാ​പ്പ​ക​ലു​ക​ൾ ത​ള്ളി​നീ​ക്കു​ന്ന​ത് എ​ങ്ങ​നെ​യാ​ണെ​ന്ന് ചി​ന്തി​ക്കാ​ൻ​പോ​ലും ക​ഴി​യാ​ത്ത അ​വ​സ്‌​ഥ​യാ​ണ്..' വർഷങ്ങൾക്ക് മുമ്പുള്ള അപകടത്തിൽ നട്ടെല്ലിന് പ​രി​ക്കേ​റ്റിട്ടും എ​ല്ലാ പ്ര​തി​സ​ന്ധി​ക​ളെയും അ​തി​ജീ​വി​ക്കാനുള്ള മനസ്സുമായി മു​ന്നോ​ട്ടു​പോ​കു​ന്ന ആ​വി​യി​ലെ ഹ​നീ​ഫ​യു​ടെ വാ​ക്കു​ക​ളാ​ണി​ത്. ഒരുപാട് വെല്ലുവിളികൾക്കിടയിലും തളർന്നു നിൽക്കാതെ ജീ​വി​ക്കാ​നായി ഉറച്ച മനസ്സോടെ ​ഇറങ്ങിത്തിരിച്ചിരിക്കുകയാണ് ഈ ​യു​വാ​വ്.

പ്രയാസങ്ങൾക്കിടയിലും ഒ​രു സം​രം​ഭ​ത്തി​ന് തു​ട​ക്കം കു​റി​ച്ചി​രി​ക്കു​ക​യാ​ണിന്ന് ഹനീഫ. സ്വ​ന്ത​മാ​യി അ​ച്ചാ​റു​ക​ളു​ണ്ടാ​ക്കി വി​ൽ​പ​ന ന​ട​ത്തു​ക​യാ​ണ്. ന​ല്ല നാ​ട​ൻ​ മാ​ങ്ങ, വെ​ളു​ത്തു​ള്ളി, ഈ​ത്ത​പ്പ​ഴം, ചെ​റു​നാ​ര​ങ്ങ എന്നിവ കൊണ്ട് രുചികരമായ അ​ച്ചാ​ർ വീ​ട്ടി​ൽ​വെ​ച്ച് ഉ​ണ്ടാ​ക്കു​ന്നു. മാതാവും ഭാ​ര്യ​യും കൂ​ടെ​യു​ണ്ട്. 'നുനൂസ് പിക്ക്ൾസ്' എന്ന പേരിട്ട് കൂ​ട്ടു​കാ​രു​ടെ സ​ഹാ​യ​ത്താ​ലാ​ണ്​ വി​ൽ​പ​ന. നേ​ര​ത്തേ കോ​വി​ഡ് സ​മ​യ​ത്ത് വീ​ട്ടി​ൽ​വെച്ച് ഇ​ല​ക്ട്രി​ക് ഉ​ൽ​പ​ന്ന​ങ്ങ​ൾ വി​റ്റി​രു​ന്നു. കോ​വി​ഡ് രൂ​ക്ഷ​മാ​യ​തോ​ടെ ആ ​ചെ​റു സം​രം​ഭ​വും ത​ക​ർ​ന്നു. ഇ​ല​ക്ട്രി​ക് ഉ​ൽ​പ​ന്ന​ങ്ങ​ൾ കേ​ടു​വ​ന്ന് അ​ര​ല​ക്ഷ​ത്തി​ല​ധി​കം രൂ​പയുടെ ന​ഷ്ട​വും വ​ന്നു. എ​ൽ.​ഇ.​ഡി ബ​ൾ​ബ്, ട്യൂ​ബ്, എ​മ​ർ​ജ​ൻ​സി ലൈ​റ്റ്, ഇ​ൻ​വെ​ർ​ട്ട​ർ ബ​ൾ​ബ് തുടങ്ങിയവ​യാ​യി​രു​ന്നു വി​റ്റ​ത്.

2013ൽ ​ഖ​ത്ത​റി​ലെ മ​ദീ​ന​ത്തു​ൽ മു​റാ​അ എ​ന്ന സ്‌​ഥ​ല​ത്തു​ണ്ടാ​യ വാ​ഹ​നാ​പ​ക​ട​ത്തി​ലാ​ണ് സു​ഷു​മ്ന നാ​ഡി​ക്ക് പ​രി​ക്കേ​റ്റ​ത്. സ്വ​കാ​ര്യ ക​മ്പ​നി​യി​ൽ സൂ​പ്പ​ർ​വൈ​സ​റാ​യി ജോ​ലി ചെ​യ്യു​ന്നതിനിടെയുണ്ടായ അപകടം ഒരു കുടുംബത്തി​െന്റ തന്നെ തോരാകണ്ണീരായി. രണ്ട് മക്കളുണ്ട് ഹനീഫക്ക്. അച്ചാർ വിൽപനയിൽ നിന്ന് കിട്ടുന്ന ചുരുങ്ങിയ വരുമാനം ചികിൽസക്കും നിത്യവൃത്തിക്കും തികയാത്ത അവസ്ഥയാണ്.

ഹനീഫയുടെ തളരാത്ത പോരാട്ടം നിലയ്ക്കാതിരിക്കാൻ സുമനസ്കരുടെ സഹായം തേടുകയാണ് ഈ കുടുംബം. HANEEFA K, A/C 0632053000001266, IFSC: SIBL0000632, SOUTH INDIAN BANK, BRANCH KANHANGAD