കോ​വി​ഡ്​ കാ​ല​ത്തി​നു​മു​മ്പു​ള്ള സ​ർ​വി​സു​ക​ൾ പു​നഃ​സ്ഥാ​പി​ച്ചി​ല്ല; മലയോര മേഖലയോട്​ കെ.എസ്​.ആർ.ടി.സിക്ക്​ അവഗണന

കാ​ഞ്ഞ​ങ്ങാ​ട്: കു​ടി​യേ​റ്റ ടൗ​ണു​ക​ളി​ലേ​ക്ക് പു​തി​യ വ​ഴി​ക​ൾ തു​റ​ക്കു​മ്പോ​ൾ ആ​ദ്യ​മു​യ​രു​ന്ന ആ​വ​ശ്യം കെ.​എ​സ്.​ആ​ര്‍.​ടി.​സി സ​ര്‍വി​സ് അ​നു​വ​ദി​ക്ക​ണ​മെ​ന്ന​താ​ണ്. കാ​ല​ങ്ങ​ൾ​ക്കു​ശേ​ഷം കാ​ഞ്ഞ​ങ്ങാ​ട്ട് പു​തി​യൊ​രു ഡി​പ്പോ കൂ​ടി വ​ന്നി​ട്ടും മ​ല​യോ​ര സ​ര്‍വി​സു​ക​ളു​ടെ എ​ണ്ണ​ത്തി​ല്‍ മാ​ത്രം വ​ര്‍ധ​ന​യു​ണ്ടാ​യി​ല്ല.

കോ​വി​ഡ് നി​യ​ന്ത്ര​ണ​ങ്ങ​ളി​ല്‍ അ​യ​വു​വ​ന്ന് മി​ക്ക​വാ​റും ബ​സു​ക​ളും ഓ​ടി​ത്തു​ട​ങ്ങി​യി​ട്ടും മ​ല​യോ​ര സ​ര്‍വി​സു​ക​ളി​ല്‍ പ​ല​തും തു​ട​ങ്ങു​ന്ന കാ​ര്യ​ത്തി​ല്‍ മെ​ല്ലെ​പ്പോ​ക്കി​ലാ​ണ്.

ബ​സു​ക​ളേ​തെ​ങ്കി​ലും ബാ​ക്കി​യു​ണ്ടെ​ങ്കി​ല്‍ മാ​ത്രം മ​ല​യോ​ര സ​ര്‍വി​സു​ക​ള്‍ ന​ട​ത്തി​യാ​ല്‍ മ​തി എ​ന്ന നി​ല​പാ​ടി​ലാ​ണ് അ​ധി​കൃ​ത​ര്‍. പു​ല​ര്‍ച്ച 4.15ന് ​പാ​ണ​ത്തൂ​രി​ല്‍നി​ന്ന്​ പു​റ​പ്പെ​ട്ട് പ​ന​ത്ത​ടി, മാ​ല​ക്ക​ല്ല്, രാ​ജ​പു​രം, ഒ​ട​യം​ചാ​ല്‍ വ​ഴി 5.30ന് ​കാ​ഞ്ഞ​ങ്ങാ​ട്ട് എ​ത്തി​യി​രു​ന്ന ബ​സ് കോ​വി​ഡ് നി​യ​ന്ത്ര​ണ​ങ്ങ​ള്‍ തു​ട​ങ്ങി​യ​തോ​ടെ നി​ല​ച്ചു. രാ​വി​ലെ പ​ര​ശു​റാം എ​ക്‌​സ്പ്ര​സി​ന് തെ​ക്ക​ന്‍ ജി​ല്ല​ക​ളി​ലേ​ക്ക് പോ​കാ​നു​ള്ള​വ​ര്‍ ദീ​ര്‍ഘ​കാ​ല​മാ​യി ആ​ശ്ര​യി​ച്ചി​രു​ന്ന ബ​സാ​യി​രു​ന്നു ഇ​ത്. ഇ​പ്പോ​ള്‍ ട്രെ​യി​നു​ക​ള്‍ ഏ​റ​ക്കു​റെ പ​ഴ​യ​പ​ടി​യാ​യി​ട്ടും ബ​സ് മാ​ത്രം തു​ട​ങ്ങി​യി​ല്ല. പാ​ണ​ത്തൂ​രി​ല്‍നി​ന്ന്​ പു​ല​ര്‍ച്ച അ​ഞ്ചി​ന് പു​റ​പ്പെ​ട്ട് ബ​ന്ത​ടു​ക്ക വ​ഴി കാ​സ​ര്‍കോ​ട്ടേ​ക്ക് സ​ര്‍വി​സ് ന​ട​ത്തി​യി​രു​ന്ന ബ​സും കോ​വി​ഡി​നു​ശേ​ഷം ഓ​ടി​യി​ട്ടി​ല്ല.

ന​ര്‍ക്കി​ല​ക്കാ​ടു​നി​ന്ന്​ പു​ല​ര്‍ച്ച 4.30ന് ​പു​റ​പ്പെ​ട്ട് അ​ടു​ക്കം, നീ​ലേ​ശ്വ​രം വ​ഴി ക​ണ്ണൂ​രി​ലേ​ക്കു​ള്ള ബ​സ്, കാ​ഞ്ഞ​ങ്ങാ​ട്-​ചെ​റു​പു​ഴ-​മാ​ലോം-​കാ​റ്റാം​ക​വ​ല, ചീ​ക്കാ​ട്-​മം​ഗ​ളൂ​രു, ഇ​രി​ട്ടി-​മം​ഗ​ളൂ​രു, ഉ​ദ​യ​ഗി​രി-​മം​ഗ​ളൂ​രു തു​ട​ങ്ങി​യ സ​ര്‍വി​സു​ക​ളും ഇ​നി എ​ന്നു തു​ട​ങ്ങു​മെ​ന്ന് പ​റ​യാ​ന്‍ ക​ഴി​യു​ന്നി​ല്ല. കാ​ഞ്ഞ​ങ്ങാ​ട്-​ബം​ഗ​ളൂ​രു, പെ​ര്‍ള-​കു​മ​ളി ഉ​ള്‍പ്പെ​ടെ അ​ടു​ത്തി​ടെ പു​ന​രാ​രം​ഭി​ച്ച മ​ല​യോ​ര സ​ര്‍വി​സു​ക​ളി​ലെ​ല്ലാം മി​ക​ച്ച ക​ല​ക്​​ഷ​നാ​ണ് ല​ഭി​ക്കു​ന്ന​ത്. രാ​ത്രി​കാ​ല​ത്തും പു​ല​ര്‍ച്ച​യു​മു​ള്ള സ​ര്‍വി​സു​ക​ള്‍ പു​ന​രാ​രം​ഭി​ക്കാ​ത്ത​ത് മ​ല​യോ​ര​ത്തു​നി​ന്നും ദൂ​ര​സ്ഥ​ല​ങ്ങ​ളി​ല്‍ പ​ഠി​ക്കു​ക​യും ജോ​ലി​ചെ​യ്യു​ക​യും ചെ​യ്യു​ന്ന​വ​ര്‍ക്ക് ട്രെ​യി​ന്‍ പി​ടി​ക്കാ​നു​ള്ള യാ​ത്ര​ക്ക്​ വ​ലി​യ സാ​മ്പ​ത്തി​ക ന​ഷ്ട​മാ​ണ് വ​രു​ത്തി​വെ​ക്കു​ന്ന​ത്.