നവകേരള സദസ്സ്​; മുന്നൊരുക്കം വിലയിരുത്തി മന്ത്രി അഹമ്മദ് ദേവര്‍കോവില്‍

കാ​ഞ്ഞ​ങ്ങാ​ട്: മു​ഖ്യ​മ​ന്ത്രി​യു​ടെ​യും മ​ന്ത്രി​മാ​രു​ടെ​യും നേ​തൃ​ത്വ​ത്തി​ല്‍ ന​വം​ബ​ര്‍ 19ന് ​കാ​ഞ്ഞ​ങ്ങാ​ട് മ​ണ്ഡ​ല​ത്തി​ല്‍ ന​ട​ക്കു​ന്ന ന​വ​കേ​ര​ള സ​ദ​സ്സി​ന്‍റെ ഭാ​ഗ​മാ​യ മു​ന്നൊ​രു​ക്കം വി​ല​യി​രു​ത്താ​ന്‍ തു​റ​മു​ഖം, പു​രാ​വ​സ്തു പു​രാ​രേ​ഖ മ്യൂ​സി​യം വ​കു​പ്പ് മ​ന്ത്രി അ​ഹ​മ്മ​ദ് ദേ​വ​ര്‍കോ​വി​ല്‍ എ​ത്തി. കാ​ഞ്ഞ​ങ്ങാ​ട് താ​ലൂ​ക്ക് കോ​ണ്‍ഫ​റ​ന്‍സ് ഹാ​ളി​ല്‍ ന​ട​ന്ന യോ​ഗ​ത്തി​ല്‍ മ​ന്ത്രി മു​ന്നൊ​രു​ക്ക​ങ്ങ​ള്‍ വി​ല​യി​രു​ത്തി.

ന​വ​കേ​ര​ള സ​ദ​സ്സി​ന്‍റെ ഭാ​ഗ​മാ​യി വി​വി​ധ ക​ലാ​പ​രി​പാ​ടി​ക​ളും ന​ട​ക്കും. കാ​ഞ്ഞ​ങ്ങാ​ട് നി​യോ​ജ​ക മ​ണ്ഡ​ല​ത്തി​ലെ എ​ട്ട്​ ത​ദ്ദേ​ശ സ്ഥാ​പ​ന​ങ്ങ​ളി​ലും സം​ഘാ​ട​ക സ​മി​തി​ക​ള്‍ ഇ​തി​ന​കം രൂ​പ​വ​ത്​​ക​രി​ച്ചു. നി​യോ​ജ​ക മ​ണ്ഡ​ലം​ത​ല​ത്തി​ല്‍ ആ​റ് സ​ബ് ക​മ്മി​റ്റി​ക​ള്‍ രൂ​പ​വ​ത്​​ക​രി​ച്ചു. വാ​ര്‍ഡു​ത​ല സം​ഘാ​ട​ക സ​മി​തി​ക​ള്‍ ചൊ​വ്വാ​ഴ്ച​യോ​ടെ പൂ​ര്‍ത്തി​യാ​ക്കും. ദു​ര്‍ഗ ഹ​യ​ര്‍ സെ​ക്ക​ൻ​ഡ​റി സ്‌​കൂ​ള്‍ മൈ​താ​ന​മാ​ണ് പ​രി​പാ​ടി​ക്കാ​യി തി​ര​ഞ്ഞെ​ടു​ത്തി​രി​ക്കു​ന്ന​ത്. 5000 ത്തോ​ളം പേ​ര്‍ക്ക് ഇ​രി​ക്കാ​നു​ള്ള ഇ​രി​പ്പി​ടം ഒ​രു​ക്കും.

വൈ​കീ​ട്ട് മൂ​ന്ന് മു​ത​ല്‍ ക​ലാ​പ​രി​പാ​ടി​ക​ള്‍ ആ​രം​ഭി​ക്കും. ഒ​രു മ​ണി​ക്കൂ​ര്‍ നീ​ളു​ന്ന പ​രി​പാ​ടി​ക​ളാ​ണ് ന​ട​ക്കു​ക. 4.30ന് ​മ​ന്ത്രി​മാ​രെ​ത്തി ജ​ന​ങ്ങ​ളു​മാ​യി സം​വ​ദി​ക്കും.

മ​ണ്ഡ​ല​ത്തി​ലെ വി​വി​ധ മേ​ഖ​ല​ക​ളി​ലെ പ്ര​മു​ഖ​രെ ഉ​ള്‍ക്കൊ​ള്ളി​ച്ച് പ്ര​ഭാ​ത യോ​ഗ​വും ന​ട​ത്തും. പ​രാ​തി​ക​ള്‍ കൗ​ണ്ട​റു​ക​ളി​ലാ​വും സ്വീ​ക​രി​ക്കു​ക. വാ​ഹ​നം പാ​ര്‍ക്ക് ചെ​യ്യാ​നു​ള്ള വി​പു​ല​മാ​യ സൗ​ക​ര്യ​വും ഒ​രു​ക്കും. വി​വി​ധ സ്ഥ​ല​ങ്ങ​ളി​ല്‍ നി​ന്നു വ​രു​ന്ന വാ​ഹ​ന​ങ്ങ​ള്‍ എ​വി​ടെ പാ​ര്‍ക്ക് ചെ​യ്യ​ണ​മെ​ന്ന കാ​ര്യ​വും യോ​ഗം ച​ര്‍ച്ച ചെ​യ്തു. ആ​റ് സ​ബ് ക​മ്മി​റ്റി​ക​ളു​ടെ​യും ഇ​തു​വ​രെ​യു​ള്ള പ്ര​വ​ര്‍ത്ത​നം യോ​ഗം വി​ല​യി​രു​ത്തി. പ്ര​ചാ​ര​ണ​ത്തി​ന്‍റെ ഭാ​ഗ​മാ​യി സ്‌​കൂ​ളു​ക​ളും കോ​ള​ജു​ക​ളും കേ​ന്ദ്രീ​ക​രി​ച്ച് പാ​ട്ടും വ​ണ്ടി, കാ​ഞ്ഞ​ങ്ങാ​ട് താ​ലൂ​ക്ക് ഓ​ഫീ​സ് മി​നി കോ​ണ്‍ഫ​റ​ന്‍സ് ഹാ​ളി​ല്‍ പാ​ട്ടും വ​ര​യും കൊ​ട്ടും, വി​വി​ധ വ​കു​പ്പു​ക​ള്‍ക്കാ​യി ക്വി​സ് മ​ത്സ​രം എ​ന്നി​വ​യും ന​ട​ത്തും.

ജി​ല്ല​യി​ലെ വീ​ടു​ക​ളി​ലേ​ക്ക് മു​ഖ്യ​മ​ന്ത്രി​യു​ടെ നേ​രി​ട്ടു​ള്ള ക​ത്തു​ക​ള്‍ ന​ല്‍കും. 70,000 ക​ത്തു​ക​ളാ​ണ് ഇ​ന്‍ഫ​ര്‍മേ​ഷ​ന്‍ പ​ബ്ലി​ക്ക് റി​ലേ​ഷ​ൻ​സ് വ​കു​പ്പ് മു​ഖേ​ന ന​ല്‍കു​ക. വ​ള​ൻ​റി​യ​ര്‍മാ​രാ​യി എ​ന്‍.​എ​സ്.​എ​സ്, എ​സ്.​പി.​സി, സ്‌​കൗ​ട്ട് ആ​ന്‍ഡ് ഗൈ​ഡ്‌​സ് തു​ട​ങ്ങി​യ​വ​രെ നി​യ​മി​ക്കും. പ​രി​പാ​ടി ന​ട​ക്കു​ന്ന സ്ഥ​ല​ത്തി​ന്‍റെ രൂ​പ രേ​ഖ സ​മ​ര്‍പ്പി​ക്കാ​ന്‍ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ര്‍ക്ക് ക​ല​ക്ട​ര്‍ നി​ര്‍ദേ​ശം ന​ല്‍കി. ന​വം​ബ​ര്‍ 18ന് ​മ​ഞ്ചേ​ശ്വ​ര​ത്ത് ആ​രം​ഭി​ച്ച് ഡി​സം​ബ​ര്‍ 24ന് ​തി​രു​വ​ന​ന്ത​പു​ര​ത്ത് ആ​ണ് സ​മാ​പ​നം. ന​വ​കേ​ര​ള നി​ര്‍മി​തി​യു​ടെ ഭാ​ഗ​മാ​യി സ​ര്‍ക്കാ​ര്‍ ഒ​രു​ക്കി​യ മു​ന്നേ​റ്റ​ങ്ങ​ളെക്കുറി​ച്ച് ജ​ന​ങ്ങ​ളു​മാ​യി സം​വ​ദി​ക്കു​ക എ​ന്ന​താ​ണ് പ​രി​പാ​ടി​യു​ടെ ല​ക്ഷ്യം. ഇ. ​ച​ന്ദ്ര​ശേ​ഖ​ര​ന്‍ എം.​എ​ല്‍.​എ അ​ധ്യ​ക്ഷ​ത വ​ഹി​ച്ചു.

കാ​സ​ര്‍കോ​ട് ഡെ​പ്യൂ​ട്ടി എ​ക്‌​സൈ​സ് ക​മീ​ഷ​ണ​ര്‍ പി.​കെ. ജ​യ​രാ​ജ്, ജി.​എ​സ്.​ടി ജോ. ​ക​മീ​ഷ​ണ​ര്‍ പി.​സി. ജ​യ​രാ​ജ്, പ​ബ്ലി​സി​റ്റി ക​മ്മി​റ്റി ക​ണ്‍വീ​ന​ര്‍ മ​ധു ക​രി​മ്പി​ല്‍, മ​ണ്ഡ​ല​ത്തി​ലെ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ അ​ധ്യ​ക്ഷ​ന്മാ​ര്‍, വൈ​സ് പ്ര​സി​ഡ​ൻ​റു​മാ​ര്‍, സ്ഥി​രം സ​മി​തി അ​ധ്യ​ക്ഷ​ന്‍മാ​ര്‍, അം​ഗ​ങ്ങ​ള്‍, വി​വി​ധ വ​കു​പ്പു​ക​ളി​ലെ ഉ​ദ്യോ​ഗ​സ്ഥ​ര്‍, ജീ​വ​ന​ക്കാ​ര്‍, ക​ലാ സാം​സ്‌​കാ​രി​ക സാ​മൂ​ഹിക രം​ഗ​ത്തെ പ്ര​മു​ഖ​ര്‍, രാ​ഷ്ട്രീ​യ പാ​ര്‍ട്ടി പ്ര​തി​നി​ധി​ക​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു. ജി​ല്ല ക​ല​ക്ട​ര്‍ കെ. ​ഇ​മ്പ​ശേ​ഖ​ര്‍ സ്വാ​ഗ​ത​വും ജി​ല്ല ഇ​ന്‍ഫ​ര്‍മേ​ഷ​ന്‍ ഓ​ഫിസ​ര്‍ എം. ​മ​ധു​സൂ​ദ​ന​ന്‍ ന​ന്ദി​യും പ​റ​ഞ്ഞു.

മ​ന്ത്രി അ​ഹ​മ്മ​ദ് ദേ​വ​ര്‍കോ​വി​ലും ഉ​ദ്യോ​ഗ​സ്ഥ​രും പ​രി​പാ​ടി​ക്ക് വേ​ദി​യൊ​രു​ക്കു​ന്ന ദു​ര്‍ഗ ഹ​യ​ര്‍ സെ​ക്ക​ന്‍ഡ​റി സ്‌​കൂ​ള്‍ മൈ​താ​നം സ​ന്ദ​ര്‍ശി​ച്ചു. പോ​രാ​യ്മ​ക​ള്‍ പ​രി​ഹ​രി​ക്കാ​നും നി​ര്‍ദേ​ശം ന​ല്‍കി.