ആർക്കും വേണ്ടാതെ 108 കടമുറികള്‍! ആളുകേറാതെ അലാമിപ്പള്ളി ബസ് സ്റ്റാൻഡ്

കാ​ഞ്ഞ​ങ്ങാ​ട്: നീ​ണ്ട കാ​ത്തി​രി​പ്പി​നൊ​ടു​വി​ല്‍ ഉ​ദ്ഘാ​ട​നം ചെ​യ്ത അ​ലാ​മി​പ്പ​ള്ളി പു​തി​യ ബ​സ് സ്റ്റാ​ൻ​ഡ് ഷോ​പ്പി​ങ്​ കോം​പ്ല​ക്‌​സി​ല്‍ ഒ​ഴി​ഞ്ഞു കി​ട​ക്കു​ന്ന​ത് 108 ക​ട​മു​റി​ക​ള്‍. ഭീ​മ​മാ​യ മു​റി ഡെ​പ്പോ​സി​റ്റ് കു​റ​ച്ചു​കൊ​ണ്ടു​ള്ള നി​യ​മ​ഭേ​ദ​ഗ​തി​ക്ക് കൗ​ണ്‍സി​ല്‍ യോ​ഗ​ത്തി​ല്‍ ഭ​ര​ണ​പ​ക്ഷ​ത്തി​ന് അം​ഗീ​കാ​രം നേ​ടി​യെ​ടു​ക്കാ​ൻ ക​ഴി​ഞ്ഞെ​ങ്കി​ലും ഭേ​ദ​ഗ​തി സ​ര്‍ക്കാ​റി​ലേ​ക്ക​യ​ച്ച് എ​പ്പോ​ള്‍ പ്രാ​ബ​ല്യ​ത്തി​ലാ​കു​മെ​ന്ന​ത് സം​ബ​ന്ധി​ച്ച് ഒ​രു രൂ​പ​വു​മി​ല്ല. കോ​ടി​ക്ക​ണ​ക്കി​ന് രൂ​പ ഭീ​മ​മാ​യ പ​ലി​ശ​ക്ക്​ വാ​യ്പ​യെ​ടു​ത്താ​ണ് ന​ഗ​ര​സ​ഭ ഷോ​പ്പി​ങ്​ കോം​പ്ല​ക്‌​സി​‍െൻറ നി​ര്‍മാ​ണം പൂ​ര്‍ത്തി​യാ​ക്കി​യ​ത്.

നീ​ണ്ടു​പോ​യ ഉ​ദ്ഘാ​ട​ന​ത്തി​ന് ശേ​ഷ​വും കെ​ട്ടി​ട മു​റി വാ​ട​ക​ക്കെ​ടു​ക്കാ​ന്‍ വ്യാ​പാ​രി​ക​ള​ട​ക്കം ആ​രു​മെ​ത്തി​യി​ല്ല. ഒ​രു ക​ട​മു​റി​ക്ക്​ 15 ല​ക്ഷം ഡെ​പ്പോ​സി​റ്റും 15,000 രൂ​പ മാ​സ​വാ​ട​ക​യും നി​ശ്ച​യി​ച്ച​താ​ണ് പ്ര​തി​സ​ന്ധി​ക്ക് കാ​ര​ണ​മാ​യ​ത്. സ്വ​കാ​ര്യ വ്യ​ക്തി​ക​ള്‍ നി​ര്‍മി​ക്കു​ന്ന കെ​ട്ടി​ട​ങ്ങ​ള്‍ പ​ണി തീ​രും​മു​മ്പേ വാ​ട​ക​ക്കെ​ടു​ക്കാ​ന്‍ ആ​ളു​ക​ള്‍ വ​രി​നി​ല്‍ക്കു​ന്ന കാ​ഞ്ഞ​ങ്ങാ​ട് ന​ഗ​ര​ത്തി​ലാ​ണ് ന​ഗ​ര​സ​ഭ​യു​ടെ 108 ക​ട​മു​റി​ക​ള്‍ ആ​ര്‍ക്കും വേ​ണ്ടാ​തെ പൂ​ട്ടി​ക്കി​ട​ക്കു​ന്ന സ്ഥി​തി​യി​ൽ കി​ട​ക്കു​ന്ന​ത്.

മൂ​ന്നു​ത​വ​ണ ലേ​ലം ന​ട​ത്തി​യി​ട്ടും സി.​പി.​എം നി​യ​ന്ത്ര​ണ​ത്തി​ലു​ള്ള ഒ​രു സ​ഹ​ക​ര​ണ സ്ഥാ​പ​നം മാ​ത്ര​മാ​ണ് ര​ണ്ടു ക​ട​മു​റി​ക​ള്‍ ലേ​ല​ത്തി​ൽ എ​ടു​ത്ത​ത്. സ​ഹ​ക​ര​ണ സ്ഥാ​പ​ന​ങ്ങ​ൾ​ക്ക് ഡെ​പ്പോ​സി​റ്റ് തു​ക​യി​ൽ ഇ​ള​വു​മു​ണ്ട്.

പ്ര​തി​പ​ക്ഷ​ത്തി​‍െൻറ ആ​വ​ശ്യം​കൂ​ടി പ​രി​ഗ​ണി​ച്ച് ഡെ​പ്പോ​സി​റ്റ് തു​ക കു​റ​ക്കാ​നു​ള്ള നി​യ​മ​ഭേ​ദ​ഗ​തി നേ​ര​ത്തെ കൗ​ണ്‍സി​ല്‍ യോ​ഗ​ത്തി​ല്‍ വോ​ട്ടി​നി​ട്ട് അം​ഗീ​കാ​രം നേ​ടാ​നാ​യി. ഡെ​പ്പോ​സി​റ്റ് തു​ക ഏ​ഴു​ല​ക്ഷ​മാ​യി കു​റ​ക്ക​ണ​മെ​ന്നാ​വ​ശ്യ​പ്പെ​ട്ട് എ​ൽ.​ഡി.​എ​ഫ് ഭ​ര​ണ​സ​മി​തി സം​സ്ഥാ​ന സ​ർ​ക്കാ​റി​ന് ക​ത്ത് ന​ൽ​കി​യി​ട്ട് ഒ​ന്ന​ര​മാ​സം ക​ഴി​ഞ്ഞി​ട്ടും മ​റു​പ​ടി വ​ന്നി​ട്ടി​ല്ല. നി​ല​വി​ലു​ള്ള ബൈ​ലോ​യി​ൽ മാ​റ്റം വ​രു​ത്തി ന​ഗ​ര​സ​ഭ​ക്ക്​ സ്വ​ന്ത​മാ​യി വാ​ട​ക നി​ശ്ച​യി​ക്കാ​നു​ള്ള അ​ധി​കാ​ര​മു​ണ്ടാ​വ​ണ​മെ​ങ്കി​ൽ ഇ​തി​ന് സ​ർ​ക്കാ​ർ അ​നു​മ​തി വേ​ണം. നി​ല​വി​ൽ കാ​ഞ്ഞ​ങ്ങാ​ട്ടേ​ക്ക്​ വ​രു​ന്ന ജ​ന​ങ്ങ​ൾ​ക്ക് അ​ലാ​മി​പ്പ​ള്ളി​യി​ലേ​ക്കു​വ​രേ​ണ്ട ആ​വ​ശ്യ​മി​ല്ല.

ക​ണ്ണൂ​ർ ഭാ​ഗ​ത്തേ​ക്കു​പോ​കു​ന്ന ബ​സു​ക​ൾ മാ​ത്ര​മാ​ണ് ഇ​വി​ടെ പേ​രി​ന് ക​യ​റി​യി​റ​ങ്ങി​പ്പോ​കു​ന്ന​ത്. അ​തി​നാ​ൽ ത​ന്നെ ഭീ​മ​മാ​യ തു​ക ന​ൽ​കി ക​ട​മു​റി വാ​ട​ക​ക്കെ​ടു​ത്താ​ൽ ത​ങ്ങ​ൾ​ക്ക് മു​ത​ലാ​കി​ല്ലെ​ന്ന് വ്യാ​പാ​രി​ക​ൾ പ​റ​യു​ന്നു. സ​ർ​ക്കാ​ർ-​അ​ർ​ധ​സ​ർ​ക്കാ​ർ സ്ഥാ​പ​ന​ങ്ങ​ൾ ഇ​വി​ടേ​ക്ക്​ വ​ന്നാ​ൽ മാ​ത്ര​മേ ഈ ​സ്ഥി​തി​ക്ക് മാ​റ്റ​മു​ണ്ടാ​വു​ക​യു​ള്ളു. ഇ​തി​നും ബൈ​ലോ​യി​ൽ മാ​റ്റം വ​രു​ത്ത​ണം. എ​ന്നാ​ൽ, ഇ​ക്കാ​ര്യ​ത്തി​ൽ സം​സ്ഥാ​ന സ​ർ​ക്കാ​റി‍െൻറ ന​ട​പ​ടി ഒ​ച്ചി​ഴ​യു​ന്ന വേ​ഗ​ത്തി​ലാ​ണ്. മൂ​ന്നു നി​ല കെ​ട്ടി​ട​ത്തി​ലെ കെ​ട്ടി​ട മു​റി​യു​ടെ ഷ​ട്ട​റു​ക​ളി​ല്‍ മി​ക്ക​തും തു​രു​മ്പെ​ടു​ത്തു​ക​ഴി​ഞ്ഞു.

ബ​സ് സ്റ്റാ​ൻ​ഡ് യാ​ര്‍ഡി​ന് തെ​ക്കും പ​ടി​ഞ്ഞാ​റു​മാ​യാ​ണ് മൂ​ന്നു​നി​ല കെ​ട്ടി​ട​ങ്ങ​ള്‍ സ്ഥി​തി​ചെ​യ്യു​ന്ന​ത്. തെ​ക്കു​ഭാ​ഗ​ത്തെ കെ​ട്ടി​ട​ത്തി​ല്‍ താ​ഴ​ത്തെ നി​ല​യി​ല്‍ത​ന്നെ 40 ഷ​ട്ട​ര്‍ ഘ​ടി​പ്പി​ച്ച ക​ട​മു​റി​ക​ളു​ണ്ട്. പ​ടി​ഞ്ഞാ​റു​ഭാ​ഗ​ത്ത് താ​ഴ​ത്തെ നി​ല​യി​ല്‍ 17 ക​ട​മു​റി​ക​ളാ​ണു​ള്ള​ത്. ഒ​ന്നും ര​ണ്ടും നി​ല​ക​ളി​ല്‍ വി​ശാ​ല​മാ​യ ഓ​ഫി​സ് സൗ​ക​ര്യ​മു​ള്ള മു​റി​ക​ളും. ഹ​ഡ്‌​കോ​യി​ല്‍നി​ന്ന് അ​ഞ്ചു​കോ​ടി വാ​യ്പ​യെ​ടു​ത്ത വ​ക​യി​ല്‍ ഭീ​മ​മാ​യ പ​ലി​ശ മാ​സം തോ​റും ന​ഗ​ര​സ​ഭ അ​ട​ച്ചു​വ​രു​ന്നു​ണ്ട്.