ഓൺലൈൻ തട്ടിപ്പ് തുടരുന്നു; യുവതിയുടെ ഏഴു ലക്ഷം രൂപ നഷ്ടമായി

കാ​ഞ്ഞ​ങ്ങാ​ട്: ജി​ല്ല​യി​ൽ ഓ​ൺ​ലൈ​ൻ ത​ട്ടി​പ്പി​ൽ കു​ടു​ങ്ങു​ന്ന​വ​രു​ടെ എ​ണ്ണം കൂ​ടു​ന്നു. ഒ​ടു​വി​ൽ പു​റ​ത്തുവ​ന്ന​ ത​ട്ടി​പ്പ് കേ​സി​ൽ വെ​ള്ളി​ക്കോ​ത്ത് സ്വ​ദേ​ശി​നി​യാ​യ യു​വ​തി​ക്ക് ഏഴു ല​ക്ഷം രൂ​പ ന​ഷ്ട​മാ​യി. അ​ജാ​നൂ​ർ വെ​ള്ളി​ക്കോ​ത്തെ ക​ബീ​ർ മ​ൻ​സി​ലി​ൽ ഖാ​ദ​റി​ന്റെ ഭാ​ര്യ കെ. ​മ​ർ​ജാ​നാ​ണ് പ​ണം ന​ഷ്ട​മാ​യ​ത്. 2014 ഏ​പ്രി​ൽ അ​ഞ്ചി​നും 16 നും ​ഇ​ട​യി​ലാ​ണ് യു​വ​തി​ക്ക് പ​ണം ന​ഷ്ട​മാ​യ​ത്. ഇ​ൻ​സ്റ്റഗ്രാ​മി​ൽ കൂ​ടി​യും ടെ​ല​ഗ്രാ​മി​ൽ കൂ​ടി​യും വ​ർ​ക്ക് ഫ്രം ​ഹോം എ​ന്ന് പ​റ​ഞ്ഞ് വി​വി​ധ ടാ​സ്കുക​ൾ ന​ൽ​കി പ​ല​ത​വ​ണ യു​വ​തി​യി​ൽ നി​ന്നും പ​ണം വാ​ങ്ങു​ക​യാ​യി​രു​ന്നു. ഡെപ്പോ​സി​റ്റാ​യി ന​ൽ​കി​യ പ​ണ​മോ പ​റ​ഞ്ഞു​റ​പ്പി​ച്ച കൂ​ടു​ത​ൽ തു​ക​യോ തി​രി​കെ ല​ഭി​ക്കാ​തെ വ​ന്ന​തോ​ടെ ​യു​വ​തി പൊ​ലീ​സി​നെ സ​മീ​പി​ച്ചു.

ബാ​ങ്ക് അ​ക്കൗ​ണ്ട് വ​ഴി​യും ഓ​ൺ​ലൈ​ൻ ട്രാ​ൻ​സ്ഫ​ർ വ​ഴി​യു​മാ​ണ് പ​ണം ന​ൽ​കി​യ​ത്. 696568 രൂ​പ​യാ​ണ് ആ​കെ ന​ഷ്ട​മാ​യ​ത്. സം​ഭ​വ​ത്തി​ൻ ഹോ​സ്ദു​ർ​ഗ് പൊ​ലീ​സ് കേ​സെ​ടു​ത്തു. സ​മാ​ന സം​ഭ​വ​ങ്ങ​ളി​ൽ ച​ന്തേ​ര, ബേ​ക്ക​ൽ പൊ​ലീ​സും ക​ഴി​ഞ്ഞ ദി​വ​സം കേ​സെ​ടു​ത്തു. ഓ​ൺ​ലൈ​ൻ ത​ട്ടി​പ്പി​ൽ കു​ടു​ങ്ങി ഒ​ട്ടേ​റെ പേ​ർ​ക്ക് പ​ണം ന​ഷ്ട​പ്പെ​ടു​ന്ന വാ​ർ​ത്ത​ക​ൾ പു​റ​ത്തുവ​രു​മ്പോ​ഴും കൂ​ടു​ത​ൽ ആ​ളു​ക​ൾ ത​ട്ടി​പ്പി​ൽ വീ​ഴു​ക​യാ​ണ്. പൊ​ലീ​സ് കേ​സ് രജി​സ്റ്റർ ചെ​യ്യു​ന്നു​ണ്ടെ​ങ്കി​ലും പ്ര​തി​ക​ൾ കു​ടു​ങ്ങു​ന്ന​ത് അ​പൂ​ർ​വ​മാ​ണ്. വ്യാ​ജ​ മേ​ൽവി​ലാ​സ​ത്തി​ലാ​യി​രി​ക്കും മി​ക്ക ​ത​ട്ടി​പ്പു​ക​ളും ന​ട​ക്കു​ന്ന​ത്. വി​ദേ​ശ രാ​ജ്യ​ങ്ങ​ൾ കേ​ന്ദ്രീ​ക​രി​ച്ചാ​വും ത​ട്ടി​പ്പി​ന്റെ ബു​ദ്ധി​കേ​ന്ദ്ര​ങ്ങ​ൾ പ്ര​വ​ർ​ത്തി​ക്കു​ക.