നി​ല​വി​ളി ശ​ബ്ദം കേട്ട് പതറി, ഒടുവിൽ ആ​ശ്വാ​സ​ത്തി​ൽ നാ​ട്ടു​കാ​ർ

കാ​ഞ്ഞ​ങ്ങാ​ട്: അ​ര​യി പു​ഴ​യി​ൽ​നി​ന്ന് കേ​ട്ട നി​ല​വി​ളി ശ​ബ്ദം ആ​ശ​ങ്ക​ക്കൊ​ടു​വി​ൽ നാ​ട്ടു​കാ​രെ ആ​ശ്വാ​സ​ത്തി​ലാ​ക്കി. പു​ഴ​യി​ൽ ഒ​ഴു​ക്കി​ൽ​പെ​ട്ട​ത് പോ​ത്തും നി​ല​വി​ളി​ച്ച​ത് പോ​ത്തി​ന്റെ ഉ​ട​മ​യു​മെ​ന്ന​റി​ഞ്ഞ ആ​ശ്വാ​സ​ത്തി​ലാ​ണ് നാ​ട്ടു​കാ​ർ. ക​ഴി​ഞ്ഞ ദി​വ​സം വൈ​കീ​ട്ട് നാ​ട്ടു​കാ​രെ​യും അഗ്നിരക്ഷസേന​യും മ​ണി​ക്കൂ​റോ​ളം വ​ട്ടം​ചു​റ്റി​ച്ച നി​ല​വി​ളി​ക്ക് പി​ന്നി​ലെ കാ​ര​ണ​മാ​ണ് വ്യ​ക്ത​മാ​യ​ത്.

പു​ഴ​യി​ൽ നി​ന്ന് നി​ലവി​ളി ശ​ബ്ദം പ​ല​രും കേ​ട്ട​തോ​ടെ കു​ത്തി​യൊ​ഴു​കു​ന്ന അ​ര​യി പു​ഴ​യി​ൽ ആ​രോ വീ​ണ​താ​യ സം​ശ​യ​മു​ണ്ടാ​യി. തു​ട​ർ​ന്ന് സ്ഥ​ല​ത്ത് നാ​ട്ടു​കാ​രും അഗ്നിരക്ഷസേനയും തി​ര​ച്ചി​ൽ ന​ട​ത്തി. കാ​ർ​ത്തി​ക പു​ഴ​യു​ടെ പ​ടി​ഞ്ഞാ​റു​ഭാ​ഗം ക​ല്ലൂ​ർ താ​ഴ എ​ന്ന സ്ഥ​ല​ത്തു നി​ന്നു​മാ​ണ് നി​ല​വി​ളി കേ​ട്ട​ത്.

നാ​ട്ടു​കാ​ർ ന​ട​ത്തി​യ തി​ര​ച്ചി​ലി​ൽ ആ​രെ​യും ക​ണ്ടെ​ത്താ​നു​മാ​യി​ല്ല. തു​ട​ർ​ന്ന് അഗ്നിരക്ഷസേനയെ വി​വ​ര​മ​റി​യി​ക്കു​ക​യാ​യി​രു​ന്നു. കാ​ഞ്ഞ​ങ്ങാ​ടു​നി​ന്ന് ഫ​യ​ർ ഫോ​ഴ്സ് എ​ത്തി വ്യാ​പ​ക തി​ര​ച്ചി​ൽ ന​ട​ത്തി. പു​ഴ​യു​ടെ ഓ​ര​ങ്ങ​ളി​ലും വെ​ള്ളം ക​യ​റി​യ വ​യ​ലി​ലും തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. തി​ര​ച്ചി​ൽ മ​ണി​ക്കൂ​റോ​ളം തു​ട​ർ​ന്നി​രു​ന്നു.

അഗ്നിരക്ഷസേനയുടെ ചെ​റി​യ ബോ​ട്ട് ഉ​ൾ​പ്പെ​ടെ തി​ര​ച്ചി​ലി​ന് ഉ​പ​യോ​ഗി​ച്ചു. രാ​ത്രി​യോ​ടെ​യാ​ണ് നി​ല വി​ളി​യു​ടെ കാ​ര​ണം നാ​ട്ടു​കാ​ര​റി​യു​ന്ന​ത്. പു​ഴ​യോ​ര​ത്ത് മേ​യാ​ൻ​വി​ട്ട പോ​ത്തി​ൻ​കു​ട്ടി വെ​ള്ള​ത്തി​ൽ വീ​ണ് ഒ​ഴു​കി​യ​തി​നെ തു​ട​ർ​ന്ന് ഉ​ട​മ നി​ല​വി​ളി​ച്ച​താ​ണെ​ന്നാ​ണ് തി​രി​ച്ച​റി​ഞ്ഞ​ത്.

പു​ഴ​യു​ടെ അ​ൽ​പം താ​ഴെ നി​ന്ന് ഉ​ട​മ പോ​ത്തി​ൻ കു​ട്ടി​യെ ര​ക്ഷി​ച്ച് അ​തു​വ​ഴി പോ​വു​ക​യും ചെ​യ്തു. നി​ല​വി​ളി​കേ​ട്ട നാ​ട്ടു​കാ​രാ​ക​ട്ടെ ആ​ശ​ങ്ക​യി​ൽ തി​ര​ച്ചി​ൽ ന​ട​ത്തു​ക​യാ​യി​രു​ന്നു. ദി​വ​സ​ങ്ങ​ൾ​ക്കു​മു​മ്പ് ഒ​രു വി​ദ്യാ​ർ​ഥി ഇ​തേ പു​ഴ​യി​ൽ മു​ങ്ങി​മ​രി​ച്ച​തി​ന് ശേ​ഷം നാ​ട്ടു​കാ​ർ ജാ​ഗ്ര​ത​യി​ലു​മാ​യി​രു​ന്നു. പോ​ത്തി​ന്റെ ഉ​ട​മ​യാ​വ​ട്ടെ തി​ര​ച്ചി​ൽ ന​ട​ത്തു​ന്ന കാ​ര്യ​മൊ​ന്നും ത​ത്സ​മ​യം അ​റി​ഞ്ഞ​തു​മി​ല്ല.