സ്വകാര്യ നഴ്സിങ്​ കോളജിൽ വിദ്യാർഥിനിയുടെ ആത്മഹത്യ ശ്രമം; പ്രതിഷേധം, സംഘർഷം

കാ​ഞ്ഞ​ങ്ങാ​ട്: വി​ദ്യാ​ർ​ഥി​നി ആ​ത്മ​ഹ​ത്യ​ക്ക് ശ്ര​മി​ച്ച​ സംഭവത്തിൽ കാ​ഞ്ഞ​ങ്ങാ​ട് സ്വ​കാ​ര്യാ​ശു​പ​ത്രി​ക്ക് മു​ന്നി​ൽ ന​ഴ്സി​ങ് വി​ദ്യാ​ർ​ഥി​കളുടെ ശക്തമായ പ്രതിഷേധം. നോ​ർ​ത്ത് കോ​ട്ട​ച്ചേ​രി തെ​ക്കേ​പ്പു​റം മ​ൻ​സൂ​ർ ആ​ശു​പ​ത്രി​ക്ക് മു​ന്നി​ലാ​ണ് ന​ഴ്സി​ങ് കോ​ള​ജി​ലെ വി​ദ്യാ​ർ​ഥി​ക​ൾ ഞാ​യ​റാ​ഴ്ച ഉ​ച്ച​ക്കു​ശേ​ഷം പ്ര​തി​ഷേ​ധി​ച്ച​ത്.

സംഘർഷ സമാനമായിരുന്നു ഇവിടത്തെ അന്തരീക്ഷം. വി​വ​ര​മ​റി​ഞ്ഞ് പൊ​ലീ​സ് സ്ഥ​ല​ത്തെ​ത്തി. ആ​ശു​പ​ത്രി പ​രി​സ​ര​ത്ത് വ​ൻ ജ​ന​ക്കു​ട്ടവും ത​ടി​ച്ചു​കൂ​ടി. ശ​നി​യാ​ഴ്ച ഉ​ച്ച​ക്ക് മൂ​ന്നാം വ​ർ​ഷ ജ​ന​റ​ൽ ന​ഴ്സി​ങ് വി​ദ്യാ​ർ​ഥി​നി ചൈ​ത​ന്യ കു​മാ​രി​യാണ് (20) ആ​ത്മ​ഹ​ത്യ​ക്ക് ശ്ര​മി​ച്ച​ത്.

വാ​ർ​ഡ​ന്റെ പീ​ഡ​ന​ത്തെ തു​ട​ർ​ന്നാ​ണ് വി​ദ്യാ​ർ​ഥി​നി ജീ​വ​നൊ​ടു​ക്കാ​ൻ ശ്ര​മി​ച്ച​തെ​ന്ന് ചൂ​ണ്ടി​ക്കാ​ട്ടി​യാ​ണ് നൂ​റോ​ളം വി​ദ്യാ​ർ​ഥി​ക​ൾ പ്ല​ക്കാ​ഡു​ക​ളു​മാ​യി പ്ര​തി​ഷേ​ധി​ച്ച​ത്. ജ​ന​പ്ര​തി​നി​ധി​ക​ളും വി​വി​ധ രാ​ഷ്ട്രീ​യ​പാ​ർ​ട്ടി നേ​താ​ക്ക​ളും വി​വ​ര​മ​റി​ഞ്ഞ് സ്ഥ​ല​ത്തെ​ത്തി. ഡി.​വൈ.​എ​ഫ്.​ഐ നേ​താ​ക്ക​ൾ സ​മ​ര​ത്തി​ന് പി​ന്തു​ണ​യ​റി​യി​ച്ച് എ​ത്തി​യി​രു​ന്നു.

നാ​ലു​മ​ണി​ക്കൂ​റോ​ളം ആ​ശു​പ​ത്രി​ക്ക് മു​ന്നി​ൽ ന​ഴ്സി​ങ് വി​ദ്യാ​ർ​ഥി​ക​ളു​ടെ പ്ര​തി​ഷേ​ധം തു​ട​ർ​ന്നു. വാ​ർ​ഡ​നി​ൽ​നി​ന്ന് ക​ടു​ത്ത പീ​ഡ​ന​മു​ള്ള​താ​യി വി​ദ്യാ​ർ​ഥി​ക​ൾ പ​റ​ഞ്ഞു. നി​സ്സാ​ര കാ​ര്യ​ങ്ങ​ൾ​ക്കു​പോ​ലും ബു​ദ്ധി​മു​ട്ടി​ക്കു​ക​യാ​ണ്. ക​ഴി​ഞ്ഞ​ദി​വ​സ​ങ്ങ​ളി​ൽ പ​രീ​ക്ഷ​സ​മ​യ​ത്തും ബു​ദ്ധി​മു​ട്ടി​ച്ചു. ഇ​തി​ൽ മ​നം​നൊ​ന്താ​ണ് വി​ദ്യാ​ർ​ഥി​നി ആ​ത്മ​ഹ​ത്യ​ക്ക് ശ്ര​മി​ച്ച​തെ​ന്നാ​ണ് പ​രാ​തി.

ആ​ശു​പ​ത്രി മാ​നേ​ജ്മെ​ന്റി​ന്റെ​യും വി​ദ്യാ​ർ​ഥി​നി​ക​ളു​ടെ​യും പ്ര​തി​നി​ധി​ക​ളു​മാ​യി പൊ​ലീ​സ് ച​ർ​ച്ച ന​ട​ത്തി വൈ​കീ​ട്ടോ​ടെ ത​ൽ​ക്കാ​ലം സ​മ​രം അ​വ​സാ​നി​പ്പി​ച്ചു. വി​ഷ​യ​ത്തി​ൽ ഉ​ചി​ത​മാ​യ ന​ട​പ​ടി​യെ​ടു​ക്കാ​മെ​ന്ന് ച​ർ​ച്ച​ക്ക് നേ​തൃ​ത്വം ന​ൽ​കി​യ ഇ​ൻ​സ്പെ​ക്ട​ർ പി. ​അ​ജി​ത് കു​മാ​ർ ഉ​റ​പ്പു​ന​ൽ​കി. ആ​രോ​പ​ണ​വി​ധേ​യാ​യ വാ​ർ​ഡ​നെ മാ​റ്റാ​ൻ ന​ട​പ​ടി​യു​ണ്ടാ​കു​മെ​ന്ന് പൊ​ലീ​സ് ഉ​റ​പ്പു​ന​ൽ​കി.

വി​ദ്യാ​ർ​ഥി​ക​ൾ പ​രാ​തി ന​ൽ​കി​യാ​ൽ മ​റ്റ് ന​ട​പ​ടി​ക​ൾ സ്വീ​ക​രി​ക്കാ​മെ​ന്നും പൊ​ലീ​സ് പ​റ​ഞ്ഞു. തി​ങ്ക​ളാ​ഴ്ച രാ​വി​ലെ ഡി​വൈ.​എ​സ്.​പി ബാ​ബു പെ​രി​ങ്ങോ​ത്തി​ന്റെ സാ​ന്നി​ധ്യ​ത്തി​ൽ വീ​ണ്ടും ച​ർ​ച്ച ന​ട​ക്കും. അ​തേ​സ​മ​യം, മം​ഗ​ളൂ​രു സ്വ​കാ​ര്യ ആ​ശു​പ​ത്രി​യി​ൽ ക​ഴി​യു​ന്ന വി​ദ്യാ​ർ​ഥി​നി​യു​ടെ ആ​രോ​ഗ്യ​നി​ല ആ​ശ​ങ്ക​ജ​ന​ക​മാ​യി തു​ട​രു​ക​യാ​ണ്.