മോട്ടോര്‍ വെഹിക്കിള്‍ ഇന്‍സ്‌പെക്ടര്‍ കെ.ആര്‍. പ്രസാദിന് സസ്​പെൻഷൻ

കാ​ഞ്ഞ​ങ്ങാ​ട്: ഡ്രൈ​വി​ങ്​ ടെ​സ്റ്റ് ഗ്രൗ​ണ്ടി​ല്‍ വി​ജി​ല​ന്‍സ് ന​ട​ത്തി​യ മി​ന്ന​ല്‍ പ​രി​ശോ​ധ​ന​യു​ടെ അ​ടി​സ്ഥാ​ന​ത്തി​ല്‍ മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്‌​പെ​ക്ട​ര്‍ കെ.​ആ​ര്‍. പ്ര​സാ​ദി​നെ സ​ര്‍വി​സി​ല്‍ നി​ന്ന് അ​ന്വേ​ഷ​ണ​വി​ധേ​യ​മാ​യി സ​സ്‌​പെ​ന്‍ഡ് ചെ​യ്തു. ഗ​താ​ഗ​ത​വ​കു​പ്പ് സെ​ക്ര​ട്ട​റി ബി​ജു പ്ര​ഭാ​ക​ര്‍ ആ​ണ് ഉ​ത്ത​ര​വി​റ​ക്കി​യ​ത്.

കാ​ഞ്ഞ​ങ്ങാ​ട് സ​ബ് ആ​ര്‍.​ടി. ഓ​ഫി​സി​ന്‍റെ ടെ​സ്റ്റ് ഗ്രൗ​ണ്ടാ​യ ഗു​രു​വ​ന​ത്ത് ഏ​ജ​ൻ​റു​മാ​ര്‍ ലൈ​സ​ന്‍സ് എ​ടു​ക്കാ​ൻ എ​ത്തു​ന്ന അ​പേ​ക്ഷ​ക​രി​ല്‍ നി​ന്ന് ടൂ​വീ​ല​റി​ന് 250 രൂ​പ, ഫോ​ര്‍ വീ​ല​റി​ന് 400 രൂ​പ എ​ന്ന ക്ര​മ​ത്തി​ല്‍ പി​രി​ച്ചെ​ടു​ത്ത് എം.​വി.​ഐ​ക്ക് കൈ​മാ​റു​ന്ന​താ​യി വി​വ​രം ല​ഭി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ല്‍ 2021 സെ​പ്റ്റം​ബ​ര്‍ 29ന് ​വി​ജി​ല​ന്‍സ് ഡി​വൈ.​എ​സ്.​പി കെ.​വി. വേ​ണു​ഗോ​പാ​ലി​ന്‍റെ നേ​തൃ​ത്വ​ത്തി​ൽ ഗു​രു​വ​ന​ത്ത് മി​ന്ന​ല്‍ പ​രി​ശോ​ധ​ന ന​ട​ത്തി​യി​രു​ന്നു.

ഡ്രൈ​വി​ങ്​ ടെ​സ്റ്റ് ഗ്രൗ​ണ്ടി​ന് സ​മീ​പ​ത്തു​ള്ള കെ​ട്ടി​ട​സൗ​ക​ര്യം ഉ​പ​യോ​ഗ​പ്പെ​ടു​ത്തി ഏ​ജ​ന്‍റു​മാ​ര്‍ അ​ന​ധി​കൃ​ത​മാ​യി അ​പേ​ക്ഷ​ക​രി​ല്‍ നി​ന്നു നേ​രി​ട്ടും ഡ്രൈ​വി​ങ്​ സ്‌​കൂ​ള്‍ മു​ഖേ​ന​യും പ​ണം പി​രി​ച്ചെ​ടു​ത്ത് ഡ്യൂ​ട്ടി​യി​ലു​ണ്ടാ​യി​രു​ന്ന എം.​വി.​ഐ കെ.​ആ​ര്‍. പ്ര​സാ​ദി​നും ജോ. ​ആ​ര്‍.​ടി.​ഒ എ​ച്ച്.​എ​സ്. ചെ​ഗ്ല​ക്കും മ​റ്റ് ആ​ര്‍.​ടി ഉ​ദ്യോ​ഗ​സ്ഥ​ര്‍ക്കും ന​ല്‍കാ​ന്‍ വെ​ച്ച​തു​മാ​യ 2,69,960 രൂ​പ ക​ണ്ടെ​ത്തി.

ഡ്രൈ​വി​ങ്​ സ്‌​കൂ​ളി​ലെ നൗ​ഷാ​ദ്, റ​മീ​സ് എ​ന്നി​വ​രു​ടെ പ​ക്ക​ല്‍ നി​ന്നു​മാ​ണ് തു​ക ക​ണ്ടെ​ത്തി​യ​ത്. എം.​വി.​ഐ​യു​ടെ കൈ​വ​ശം സൂ​ക്ഷി​ക്കേ​ണ്ട​താ​യ ഡ്രൈ​വി​ങ്​ ടെ​സ്റ്റി​നു​ള്ള അ​പേ​ക്ഷ​ക​ള്‍ നൗ​ഷാ​ദി​ന്‍റെ പ​ക്ക​ല്‍ നി​ന്നും ക​ണ്ടെ​ത്തി. ഡ്രൈ​വി​ങ്​ സ്‌​കൂ​ളു​ക​ളു​ടെ വാ​ഹ​ന​ങ്ങ​ള്‍ ടെ​സ്റ്റി​ന് ഉ​പ​യോ​ഗി​ക്കു​ന്ന​ത് ഏ​ജ​ന്‍റു​മാ​ര്‍ ദു​രു​പ​യോ​ഗം ചെ​യ്യു​ന്ന​താ​യും പ​രി​ശോ​ധ​ന​യി​ല്‍ വ്യ​ക്ത​മാ​യി. തു​ട​ര്‍ന്നാ​ണ് ആ​രോ​പ​ണ​വി​ധേ​യ​നാ​യ എം.​വി.​ഐ​യെ സ​സ്‌​പെ​ന്‍ഡ് ചെ​യ്യാ​ന്‍ ഉ​ത്ത​ര​വാ​യ​ത്.