വെള്ളം ചോദിച്ചെത്തിയ സംഘം വീട്ടമ്മയുടെ സ്വർണമാല കവർന്നു; ദൃശ്യം കാമറയിൽ
text_fieldsമടിക്കൈ ചതുരക്കിണറിൽ വീട്ടമ്മയുടെ
മാലപൊട്ടിച്ച് രക്ഷപ്പെടുന്ന പ്രതികളുടെ
സി.സി.ടി.വി ദൃശ്യം
കാഞ്ഞങ്ങാട്: വെള്ളം ചോദിച്ചെത്തിയ സംഘം വീട്ടമ്മയുടെ കഴുത്തിൽ ഞെക്കിപ്പിടിച്ച് സ്വർണ മാല കവർന്നു. മടിക്കൈ ചതുരക്കിണറിലെ ബേബിയുടെ കഴുത്തിൽനിന്നാണ് ആഭരണം കവർന്നത്. മടിക്കൈ സഹകരണ ബാങ്കിന് സമീപം കട നടത്തുന്ന ബേബിയുടെ അടുത്തേക്ക് വെള്ളം ആവശ്യപ്പെട്ടാണ് രണ്ടുപേർ ബൈക്കിലെത്തിയത്. തുടർന്ന് മൂന്നു പവൻ മാലപൊട്ടിച്ച് രക്ഷപ്പെടുകയായിരുന്നു. ഇന്നലെ രാവിലെ 11 മണിയോടെയാണ് സംഭവം. രണ്ടുപേരിൽ പിന്നിലിരുന്ന ആൾ ബൈക്കിൽനിന്ന് ഇറങ്ങിവന്ന് വെള്ളം ആവശ്യപ്പെട്ടു. വെള്ളമെടുക്കുന്നതിനിടെ ഇവരുടെ കഴുത്തിൽ ഞെക്കിപ്പിടിച്ച് ആഭരണം പൊട്ടിച്ച് രക്ഷപ്പെടുകയായിരുന്നു. പൊലീസ് സ്ഥലത്തെത്തി സി.സി.ടി.വി കാമറകൾ ഉൾപ്പെടെ പരിശോധിച്ച് തെളിവ് ശേഖരിച്ചു. 120000 രൂപയുടെ നഷ്ടമുണ്ട്. ഹോസ്ദുർഗ് പൊലീസ് കേസെടുത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.