13കാരനെ പീഡിപ്പിച്ചയാൾക്ക് 14 വർഷം തടവ്

കാഞ്ഞങ്ങാട്: 13 കാരനെ പ്രകൃതിവിരുദ്ധ ലൈംഗിക പീഡനത്തിനിരയാക്കിയ പ്രതിയെ 14 വർഷം തടവിന് ശിക്ഷിച്ചു. പനയാൽ എച്ച്. കൃഷ്ണനെയാണ് (46) ഹോസ്ദുർഗ് ഫാസ്റ്റ് ട്രാക് സ്പെഷൽ കോടതി ജഡ്ജ് സി. സുരേഷ് കുമാർ വിവിധ വകുപ്പുകളിലായി 14 വർഷം സാധാരണ തടവിനും 40,000 രൂപ പിഴയടക്കാനും ശിക്ഷിച്ചത്. പിഴ അടച്ചില്ലെങ്കിൽ ആറു മാസം കൂടുതൽ തടവ് അനുഭവിക്കണം.

2018 ഡിസംബറിലാണ് സംഭവം. ആൺകുട്ടിയെ വീടിനുസമീപത്തുള്ള കപ്പണ കുഴിയിലേക്ക് വലിച്ചുകൊണ്ടുപോയി അതിക്രമം നടത്തിയതായാണ് കേസ്.